ESTER 4:16 - Susula Malalaok Hehelu Palak Ma Hehelu Beuk

¹⁶ “Maloo makabubua basa hataholi Yahudi manai Susan-nala, fo hule-haladoi fe au. Boso mi'a-minu lele'dok 3, ma le'odaek 3. Au boe, ma anafe'oana malalau-maoono au-a, neukose ami okaaom-mala boe. Basa ndia soona, neukose au u leo manek-ka u, leomae dede'ak ndia, la'o lenak esa, soaneu susula nakeketuk-ka. Metema au muse mate, hu kande dede'ak ndia boe, soona nemen-na fo au mate!”

ESTER 4:16 Σταυροειδείς Αναφορές

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

KEJADIAN 43:14

Sa'di leo been-na Manetualain Fo Manakoasa tao na filana ndia dalen-na tu'da neu emi, nalosa anan nau fe falik Benyamin ma Simeon leo emi neu. La'eneu au ia soona, metema memak au muse amopo au anang-ngala boeo, ta da'di hata-hata fa.”

2 SEMUEL 10:12

Matetea-mahehele o dalem-ma! Mai fo tatee-tatati no napalanik, soaneu ita leoinan-na, ma soaneu ita Manetualain kotan-nala. Sa'di leo been-na, Manetualain tao su'di beek fo nahiik-kana.”

2RAJA-RAJA 7:4

Metema, ita teu leo kota dale teu soona, neukose ita mate to la'a sa; ma metema ita tahele ka'da ia soona, neukose ita mate boe. Malole lenak, ata teu leo hataholi Siria-la, uma ofun-na teu. Fafa'kama, ka'da ala taolisa ita. Do fafa'kama, ala ta tao ita le'e esa boen.”

2TAWARIKH 20:3

Yosafat bii-namata'u nanseli, boema ana hule-haladoi noke tutulu-fafalik neme Manetualain mai. Bas boema ana fe paleta fo ela basa laun-na lala'en-na okaaon-nala.

EZRA 8:21

Boema au po'a-benga nai Lee Ahawa su'un-na, ae basa-basam-mala muse okaaom-mala, ma makaloe-makadae aom-ma nai Manetualain matan. Ami hule-haladoi, fo ela Manetualain hela-nole ami, nai ami leleo lala'om-ma dalek, boema nasulu-nahapa ami, ami anam-mala, ma basa ami hata-hetom lala'en-na.

ESTER 4:15

Boema, Ester haitua fe Mordekhai halak-ka nde ia nae,

ESTER 4:17

Boema Mordekhai la'o leona, de ana tao tunga, basa hata fo Ester helu neun.

ESTER 4:3

Nai basa propensi lala'en-na boeo, hataholi Yahudi-la kii makaleleu, nai lelek ala po'a-benga manek-ka paletan-na. Ala okaaon-nala, ala kii ma lahoo, ma sila ba'uk-ka pake lafa lapik, de langape'uk lai afu lain.

ESTER 5:1

Neu fai okaao ka telun-na boema, Ester pake papake ina manen-na, de neu leo uma manek-ka so'dan manai dalek-ka, de napadeik neu lelesu manek-ka matan-na. Manek-ka nangatuuk nai kandela manek lain, de nasale leo lelesu ndia neu.

ESTER 9:31

Nai susulak ndia dalek boeo nafa'da, fo ela sila loo sila bobongin-nala, la'e fain-na soona, tao fai nasanene'dak neu fai Purim-ma, sama leo sila tao fai nasanene'dak nai lelek okaaok-ka, ma nai lelek ala susa. Mordekhai ma Ina Manek Ester-ra, susulan-na isin-na nde ndia.

YESAYA 22:12

Nai lelek ndia, Manetualain Fo Mademaina, ma Manakoasa, nadenu emi kii ma makaleleu, nggeuheni emi langam-mala, ma pake si'di lafa lapik.

YEREMIA 36:9

Yoyakim fo manek Yehuda ana paleta, boema neu teuk kaliman-na bulak kasio-a, laun-nala oka aon-nala soaneu ala hapu susue-lalaik neme Manetualain mai. Yerusalem laun-nala ma hataholi-hataholi fo manamaik neme Yehuda kotan-nala mai-a basa-basas oka aon-nala.

DANIAL 2:18

Nadenus fo ala hule-haladoi neu Manetualain nai nusa so'dak-ka, fo ela Ana sue-lai sila, ma nafa'das me'is ndia bibila-babaan leobeek. No enok ndia, neukose ala ta hukulisa sila loo hataholi malelaina fe'ek-kala fa.

MATEOS 12:40

Yunus leo lele'dok telu le'odaek telu neme i'a matua ina tein dale. Leondiak boe, Ana Hataholi ka, neukose Ana leo lele'dok telu le'o daek telu nai dae dale.

LUKAS 9:24

Nana hataholi fo ana ho'u nahele so'da na, neukose namopo so'da na. Tehu hataholi fo ana tunu-hotu so'da na soaneu Au paluu nga, neukose ana hapu so'dak.

YOHANIS 19:22

Tehu Pilatus naes nae, “Au sulak basa bee soona, neme na leona.”

HATAHOLI 10:7

Ata nusa so'dak fo mana kokolak no Kornalius ndia ana la'o boema, nalo na malalau-maoonon dua, ma solda'du mana manea kamahehelen esa,

HATAHOLI 20:24

Tehu au ta afaduli au so'dang ia fa, sa'di au tao akababasak bela-ba'uk fo Lamatuak Yesus fen neu au a, ma sa'di au lilineka losa au so'da mate'e nga, fo daenga au tui-benga Hala Malole la'eneu Manetualain susue-lalai na.

HATAHOLI 21:13

Tehu Paulus nae, “Sosoak hata tolanoo kala kii leoiak, de nalosa emi tao ma au dale nga nakalulutuk? Au sadia basa, ta ka'da soaneu ala ho'u au nai naa fa, te au sadia basa soaneu au mate hu ka nde Lamatuak Yesus.”

HATAHOLI 27:33

Nai lelek fo beita dulufula boen te Paulus nafa'da basa-basas fo la'a-linu. Paulus nae, “Faik sanahulu ha dale na, tolanoo kala basa-basa mala mahani no dale ma ta tesa-tama fa, ma tolanoo kala ta mi'a minu hata esa boen.

HATAHOLI 9:9

Faik telu dale na ana ta hapu nita fa, ma ta na'a-ninu makandondook fa.

ROMA 16:4

Isabaina mate duas nanahu ala nau tulu-fali au. Au oke makasi neu duas, ma ta ka'da au mesa nga fa, tehu basa salanik leoina fe'ek fo hataholi ta Yahudi la boeo, loke makasi neu duas.

FILIPI 2:30

Soaneu Kristus tatao-nono'in paluu na de, isa bai na maten; ana ta sue so'da na fa, te sa'di ana tulu-fali au ninik emi na'de ma.

YOSUA 24:15

Leounik-ka, emi ta nau mamahele neu Manetualain fa soona, faik ia boe, ho'i nakeketuk, emi nau mamahele neu see: neu lamatua daebafak, fo makahulun-na emi bei-ba'i kaim-mala sene-do'ok-kasa neme Mesopotamia, do neu hataholi Amori, fo besak ia emi leom-ma nusan-na, lamatua daebafan-nala. Tehu ami – au ma au teidaleng-ngala – neukose mamahele ka'da neu Manetualain.”

SEMUEL SUSULAK-KA ESAN-NA 19:5

Ana pasak so'dan-na, nai lelek ana taonisa Goliat, ma Manetualain fe basa Israel sesengi matuaina tunga Dauk so. Ama mita matam manada'dik ndia so, de nai lelek ndia, ama mamahoko. Da'di, tao le'e de besak ia, ama sanga tao doi-doso hataholi sala taak-ka, ma ta no ne'ek hata esa boen, ama nau taomisa Dauk?”