ESTER 2:23 - Susula Malalaok Hehelu Palak Ma Hehelu Beuk

²³ Ala palisak matalolole dede'ak ndia, boema ala bubuluk, lae hala nafa'dak ndia tete'ek-ka. Boema ala lonalisa hataholi ka duak sila-la. Hu no manek-ka paletan-na, de manda'dik ndia, nanasulak nai nusak-ka susula tutuin dale.

ESTER 2:23 Σταυροειδείς Αναφορές

KEJADIAN 40:19

Nai faik telu dalen-na ia, neukose manek-ka nadenu hataholi te'teheni o langa ma, boema o popola ma nanalonak nai dii esa lain, de neukose manupui la la'a o aoisi ma.”

KEJADIAN 40:22

Tehu manaito-ato loti a nanahukunisak. Basa sila-la ala da'di nandaa no hata fo Yusuf nafa'dak-ka.

EZRA 4:15

fo ela Ama Manek madenu hataholi palisak besa-besa no Ama Manek bei-ba'i kain susulan-nala. Te neukose Ama Manek bubuluk neme susulak sila-la isin-na, nae memak kota Yerusalem-ma, nau ka'da la'ban manapaleta, ma neme makahulun-na mai, ana tao nakatutu'dak basa manek-kala ma manakoasa manai propensi-la tataas esa. Susa la'i esak-kana, hela-nole laun-nala. Hu ndia de, kota ndia, nanatao nakalulutuk.

ESTER 10:2

Basa tatao-nono'in fo matuaina ma anseli, ma boeo tutuik manadaik la'eneu tao leo beek de, ana so'u Mordekhai da'di manapaleta madema, nanasulak nai mane Persia ma Media susula tutuin-na dalek.

ESTER 5:14

Lamanene dede'ak ndia boema, saoinan-na ma nonoon-nala lafa'dan lae leo ia, “Ka'da madenu ala tao-la dii lolonak esa, deman-na metel duahulu dua. Boema balahaa fafaik soona, moke manek-ka, fo ana po'i o lona Mordekhai neu dii ndia. No enok ndia, o hapu muu leo feta ndia, no o dalem-ma tesa-tama.” Tunga Haman hahapun-na soona, nonokek ndia malole nanseli, hu ndia de, no lai-laik nadenu hataholi-la, fo ala tao dii lolonak ndia.

ESTER 6:1

Nai le'odaek ndia boe, manek-ka ta hapu sungu fa. Hu ndia de, noke ho'i fen susulak fo, ala sulak nusak-ka tutuin-na nai dalek-ka, de nadenu hataholi, fo ana lees-sana.

ESTER 7:10

Haman nanalonak neu dii fo napadedeik basan soaneu Mordekhai-a, leondiak. Basa ndia boema, besak-ka manek-ka nasa-melun tenak.

MALEAKHI 3:16

Boema hataholi manabii-lamata'u neu Manetualain esa kokolak no esa. Manetualain namanene ma taoafik neu hata fo hataholi sila lafa'dak-ka. Basa hataholi manafe ha'da-holomata, ma manabii-namata'u neun-na, na'den-na nanasulak nai susulak esa dalek, nai matan-na.

YOSUA 8:29

Ala lona kota ndia manen-nam neu aihuuk esa lain, de ala po'ilotak-kana neme ndia, losa le'donoso. Nai lelek le'do tenak boema, Yosua nadenu hataholi neu ho'i-na popolan-na, de ala tapan neu kota lelesuinan-na matan-na. Basa boema launu batu makadotok nanseli, neu mamanak ndia. Batu sila-la bei lai naa, losa besak ia.