DANIAL 9:4 - Susula Malalaok Hehelu Palak Ma Hehelu Beuk

⁴ Au manaku basa au laoinang-nga sala-singon-nala neu Manetualain fo au Manetualaing-nga. Au afa'da ae, “Manetualain O matua-madema, de ami fe ha'da-holomata neu O. O tao matetu O hehelu-balataam do'e-do'e, ma O matu'du O susue-lalai manaketu basa tam-ma neu sila fo manasue-lai O, ma manatao-no'i hata fo O paletan.

DANIAL 9:4 Σταυροειδείς Αναφορές

1RAJA-RAJA 8:23

de ana hule-haladoi nae, “Amak, fo Israel Manetualain na! Nai lalai do nai daebafak-ka boe, ta hapu hata fo sama leo O fa! O tao matetu O hehelu-balataam ma O matu'du O susue-lalaim neu O anam fo manalilinekak ma manatunga O no dalek-katema tuak.

2TAWARIKH 7:14

boema Au anang fo manapake Au na'deng sila-la lakaloe-lakadae aon-nala ma ala hule-haladoi boema ala mai leo Au mai ma ala tuka tei sale dale leme sila tatao-nono'i mangalaun-nala mai, soona neukose Au amanene sila huhule-haladoin neme nusa so'dak-ka mai. Neukose Au fe do'o do ampon neu sala-singon-nala ma Au tao asafali sila nusan-na da'di nusak tetu-temak seluk.

EZRA 10:1

Lelek Ezra hule-haladoi boema, ana kii ma ana manaku sala-singon nai Manetualain Uman-na matan-na, boema hataholi Israel makadotok nanseli, ala mai, de lakabubua, nau touk do inak, ma ni'iana boe. Ala okofeo-lan, boema ala dola-dola mesan.

NEHEMIA 1:5

“Ou Manetualain Manetualain fo manakoasa nai nusa so'dak-ka. O, Manetualain fo Matuaina, de ami mai leo O matam no bibii-namata'uk. O lilineka mahele, ma O ho'u mahele O hehelu-balataam neu hataholi fo manasue-lai neu O, ma manatunga O paletam-ma.

NEHEMIA 9:32

Ou Manetualain, ami Manetualaim fo balakaik! Manetualain fo matua ma anseli! O ho'u mahele hehelu-balataak lala'en-na no lilinekak; O tao matetu ma O makalala'ok O hehelu-balataam. Neme tepo-lelek, basa mane Asyur-rala tuni-ndeni ami losa besak ia, ami la'ola'di doidosok makadotok. Ami mane-manem-mala, imam-mala, nabi-la ma basa lasi-lasik-kala, boeo bei-ba'i kai-la, ma laun-na, basa-basas doi-doso so Boso mafandele heni doidosok sila-lala'en-na! Boso tao mamopon neme O dale nasanene'dam-ma mai!

MAZMUR 32:5

Boema, au manaku au sala-singong neu O, ma au ta afuni au salang esa boen. Au ho'i nakeketuk, soaneu au manakun neu O, de O fe do'o do ampon neu basa au sala-singong-ngala.

KELUARAN 20:6

Tehu, Au atu'du Au susue-lalaing neu hataholi fo manasue-lai Au, ma manatunga Au paletang-ngala, tititi-nonosin lifu-lifun.

YEREMIA 3:13

Ka'da manaku leon, mae o masala, ma o ta tunga Au, fo o Manetualaim-ma, paletan-na fa Manaku leon, mae o fe o susue tou-ta'ek ma ina anafe'om-ma, neu leoina fe'ek-kala lamatua daebafan-nala, nai ai ina-la huun-na so, ma o ta tunga Au paletang-ngala fa Au, fo Manetualain nde manakokolak-ka.”

YEREMIA 32:23

Tehu nai lelek ala mai lo nusak ia mai de latona-la boema, ala ta nau tunga O paletam-mala fa, ma ala ta laso'da tunga O nanoli-nafa'dan fa. Basa hata fo O paletak neu sala ala ta tao-no'i esa boen. Hu ndia de O muni fes basa susa-soe iala neu sila.

DANIAL 6:10

Boema Mane Darius-sa limalee susulak ndia.

DANIAL 9:3

Boema au hule-haladoi no te'e-te'ek neu Manetualain, ma au dokodoe susue-lalain. Au okaaong-nga boe, ma pake si'di kalong de au angatuuk nai afu dale.

LUKAS 1:72

Soaneu natu'du dale malole na neu ita bei ba'ikai nala, de neukose Ana tao natetu hehelu-balataa malalaon ndia.

ROMA 8:28

Ita bubuluk basa, Manetualain ito-ato basa dede'ak lala'ena, de nalosa nini buna-boa malole soaneu hataholi manasue-lai nana, ma hataholi fo nandaa no dale tutu'u na.

ULANGAN 5:10

Tehu, Au atu'du Au susue-lalaing neu bobongi lifu-lifuk-kala, neme hataholi fo manasue-lai Au, ma manatunga Au paletang-nga.

ULANGAN 7:12

“Metema, emi taoafik neu paleta sila-la, ma emi tao-no'in no emi dalek-katematuam-ma, soona emi Manetualaim-ma boeo, neukose Ana lilineka neu hehelu-balataan fo, Ana taon no emi-a. Neukose, Ana natu'du nahele susue-lalain neu emi, sama leo Ana helu basan neu emi bei-ba'i kaim-mala so.

ULANGAN 7:21

Da'di, boso bii-mamata'u neu leoina sila-la. Te emi Manetualaim-ma nasulu-nahapa emi. Ndia nde been-na, Manetualain fo matua-madema, ma nanasu'di-do taak.

ULANGAN 7:9

Mafandendelek mae ka'da emi Manetualaim-ma mesa-mesak-kana nde Manetualain-na, ma Ndia nde Manetualain fo manalilinekak. Manetualain tao natetu hehelu-balataan, ma natu'du nahele susue-lalain neu hataholi fo, manasue-lain neun-na, ma manatunga paletan-nala, losa bobongik lifun esa.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.