DANIAL 8:9 - Susula Malalaok Hehelu Palak Ma Hehelu Beuk

⁹ Susula anak esa moli neme susulak sila-la esa mai, boema ana da'di matuaina nanseli, de koasan-na namaloa leo kona, leo dulu ma leo dae fo maoe-maisik-ka neu.

DANIAL 8:9 Σταυροειδείς Αναφορές

MAZMUR 105:24

Manetualain tao-na anan-nala, boetai lamaba'u, nalosa be'i-balakain-nala lena heni musu noon-nala.

MAZMUR 48:2

Tete'ek-ka, Manetualain matua-madema, ma nanakoa-nanakiok nanseli nai ita Manetualain kotan-na, nai pupuku malalao-malalafuk-ka.

YEREMIA 3:19

Manetualain nafa'da nae, “Israel, Au hii sipok o da'di leo Au anang, ma Au fe o, nusak fo nandaa no o dalem-ma, nusak fo malole nanseli, nai basa daebafak-ka lala'en-na. Au hii o maloo Au mae ama, ma o ta malai meme Au mai so'on.

YESKIAL 20:15

Nai moo solokaek ndia boe, Au fes nasanene'da mahelek, ae neukose Au ta o leoina Israel-la, masok leo Au sadia fes dae-a leu, dae fo kamasu'ik ma maoe-maisik, ma malole nanseli nai basa daebafak-ka lala'en-na.

YESKIAL 20:6

Nai lelek ndia, Au soo ae, neukose Au oos kalua leme Masir mai, fo leu leo Au hele fes nusak-ka leu. Nusak ndia kamasu'ik, ma maoe-maisik, dae fo malole nanseli, nai basa daebafak-ka lala'en-na.

DANIAL 11:16

Manek nusa kii ndia, neukose ana tao tunga ka'da dale hihiin-na, te ala ta la'ban-nana faa anak boen. Neukose nangatuu-na dae maoe-maisik-ka, fo ana koasa la'iesak-kana.

DANIAL 11:21

Ata nusa so'dak ndia, nafa'da seluk au nae, “Manek manamaik fo ana paleta nusa kii nde been-na, hataholi matasi'da-matasaek esa, fo ta nanu haak da'di manek fa. Tehu neukose, ana mai no kaiboik fo ana loso-na nangatutuu manek-ka nenik tipu-daik.

DANIAL 7:8

Lelek au bei taoafik neu susulan-nala te, no kaiboik susula fe'ek esa moli nai susulan sila-la tala'da. Susulak ndia anak-ka, tehu ana hapu seseti ma ana fe'a heni susulak 3 neme susula makasososak-kala mai. Susula anak ndia nanuu matak sama leo hataholi-a matan-na, ma bafan-na kokolak dede'a me'i-afek no koao-ndaeaok.

ZAKHARIA 7:14

Au sapu balisis, sama leo ani-sangu-a, nalosa no nakasetik, leu leo nai nusa dea-la. Dae maisi-mamina ia, ana da'di nee-nee lino-linok, hataholin ta, ma na'u-aianan ta.”