DANIAL 8:8 - Susula Malalaok Hehelu Palak Ma Hehelu Beuk

⁸ Bi'ihii mane ndia boetai namatuak-ka. Tehu lelek ana losa koasan-na mate'en-na boema, la'di heni susula matuainan ndia, boema susulak mata beuk 4, ala moli nai mamanak ndia, de esa-esak natu'du leo mamana fe'ek neu.

DANIAL 8:8 Σταυροειδείς Αναφορές

2TAWARIKH 26:16

Lelek manek Uzia natea-nahele boema, ana da'di manakoao-ndaeaok, de koao-ndaeaon ndia nde tao nakalulutuk-kana. Ana la'o lena Manetualain paletan-na, nanahu neu leo Manetualain Uman dale neu fo ana hotu boomenik nai mei tunu-hotu boomenik lain.

ESTER 9:4

Basa hataholi manai nusak-ka lala'en-na, ala bubuluk lae Mordekhai maneni-mafa'dak nai uma manek-ka, ma boetai nanuu koasa boe.

YEREMIA 49:36

Neukose Au fuu anin-na leo Elam neme basa mamanak lala'en-na, ma Au fe laun-nala leu leo mamana fe'ek fo ta hapu nusak esa boen soaneu mamanak malaik neme Elam ndia.

YEREMIA 5:27

Sama leo hataholi manausi manupui-a, ana tao manupui leo manupui ndunuk dale neu, leondiak boe, sila tao bua-lo'a tipu-daik leo sila uman dale neu. Hu ndia de, ala da'di manakoasa, ma kamasu'ik,

YESKIAL 16:7

Au ho'i oe, de au safeheni daak manai o aom-ma. Au ahutu o mina, nenik mina setun. Au akaboboi o, losa o mamatua, sama leo bubu'u-palusa, fo ana moli no malole. O mamatua, ma o ta mamahe'di-mapalau fa, boema o da'di anafe'oanak. O su'um-ma, mulai lamatua, ma o langadoom-ma namanalu, tehu o makahola-la. Lelek Au la'ok tunga ndia seluk te, Au ita o faim-ma losa, soaneu o leo-la'ok moo tou-ta'eanak so. Au alu'e Au ba'du manalung-nga neu o ao makaholam-ma, ma Au aheluk, Au fe Au susue-lalai ina-anafe'ong-nga neu o. Au tao hehelu-balataak o o, fo no enok ndia, o da'di Au nuung. Au, Manetualain Fo Mademaina, nde manakokolak-ka.

YESKIAL 28:9

Nah, metema faik ndia losa soona, o bei bisa mafa'da mae Manetualain nde o do? Nai o hataholi kanisam-mala matan, ala bubuluk lae o ia, ka'da hataholi daebafak mesan.

DANIAL 11:4

Tehu losa fai matua-mademan mate'en-na soona, neukose nusan-na heaba'en fo nanababa'ek da'di baba'ek 4. Mane-manek fo ndia tititi-nonosin ta sila fa, neukose ala paleta nggatin, tehu be'i-balakain-nala ta sama no fan.

DANIAL 4:31

Au beita kokolak basa boen te, halak-ka nananamanenek neme lalai mai nae, “Mane Nebukadnezar, mamanene dede'ak-ka nde ia! O manuu koasa da'dileo manek-ka, nanaho'i-nak neme o mai so.

DANIAL 5:20

Tehu nai lelek ana koao-ndaeao, langa batu ma ana tao hataholi no dale susue-lalai tak boema, nanaloli henik neme kandela manen lain mai, nalosa mopo ndela-sa'an.

DANIAL 7:6

Lelek au bei taoafik neun te, bana fe'ek esa to'da mai. Lupan-na sama leo macan tutul-la, tehu hapu manupui li'dak 4, nai muliha'in-na, ma langan 4. Meten soona, maneni-mafa'dak.

DANIAL 8:22

Susula ka haak fo ala to'da mai nai lelek susula makasososan-na la'din ndia, sosoa-ndandaan nae nusa Yunani-a, neukose nanababa'ek da'di nusak 4, tehu ta hapu esa boen, balakain-na sama leo nusa makasososak ndia fa.

DANIAL 8:5

Lelek au bei meten te, au ita bi'ihii mane esa, nalai-nalai mesan neme muli mai tunga daebafak-ka poin-na. Nalaik nakamiu, nalosa ein-na ta deta dae-a fa. Nai matan duas tala'da, hapu susulak esa namanalu.

DANIAL 8:7

Au taoafik ahelen neu sapu-na bi'ilopo mane ndia. Nasan-na mangalau nanseli, nalosa ana puka nala'di heni bi'ilopo mane ndia susulan duas. Bi'ilopo mane ndia balakain ta soaneu ana la'ban-nana. Ana fepa neu dae, boema bi'ihii mane ndia heheta-aa'in, tehu ta hapu hataholi esa boen, neu tulu-fali fan.

MATEOS 24:31

Pupuu matua ina nanapuuk soona neukose Ana Hataholi ka nadenu ata nusa so'da nala tao lakabubua hataholi kamahehele nala leme daebafa ka bu'un has mai, ma leme lalai pe'dan esa losa pe'dan esa.”

MARKUS 13:27

Neukose nadenu ata nusa so'da kala fo ala tao lakabubua hataholi kamahehele nala leme daebafa ka bu'un has mai, ma leme daebafa ka pe'da na leo lalai pe'da na.”

ULANGAN 31:20

Neukose, Au oos leo nusak fo, kamasu'ik ma maoe-maisik-ka, sama leo Au helu basan neu sila bein-na'i kain-nala so. Neukose, ala laso'da no namahokok nai ndia, ma ala hapu basa nana'a-nininuk fo ala paluu-ka. Tehu, neu fai makabuin, te neukose ala fali deak, fo ala sene-do'ok neu lamatua daebafak fe'ek-kala. Neukose, ala ta sipok Au fa, ma lafandeleheni Au hehelu-balataang,

NINITAK 7:1

Basa ndia boema, au ita ata nusa so'dak ha lapadeik lai daebafa ka bu'un has. Ala tahan ani na matan has nai daebafa ka, fo ela boso hapu anin nai dae ma'da ka do nai tasi a, do nai ai la lain boe.