DANIAL 11:4 - Susula Malalaok Hehelu Palak Ma Hehelu Beuk

⁴ Tehu losa fai matua-mademan mate'en-na soona, neukose nusan-na heaba'en fo nanababa'ek da'di baba'ek 4. Mane-manek fo ndia tititi-nonosin ta sila fa, neukose ala paleta nggatin, tehu be'i-balakain-nala ta sama no fan.

DANIAL 11:4 Σταυροειδείς Αναφορές

MAZMUR 39:6

O maketu au teung-nga, keke'uanak nanseli! Ba'eneu O soona, au so'dang-nga sosoa-ndandaan ta. Tete'ek-ka, hataholi daebafak-ka sama leo ka'da ani hahaek-ka,

PENGKHOTBAH 4:8

Hapu hataholi maso'da mesa-mesa kana, ta no anak do tolanook boen. Leomae leondiak boe, naue-nale'di nakandondoo henin, losa pusen-na titi, tehu dalen-na ta tesa-tama nenik hata-heton fa. Soaneu see kande pusen-na titi, ma ana ta sipok basa namahoko-setelek lala'en-na fa? Ndia boeo manada'di taak ma eno maso'dak esa neni doidosok.

YEREMIA 12:15

Tehu basas nanakalua henik boema, Au sue seluk-kasa bai; de Au o falik basa leoina-la esa-esak leo nusa-namon-nala neu.

YEREMIA 12:17

Tehu leoina fa ala ta nau tunga Au fa soona, neukose Au fe'a henis sama leo bubu'u-palusa, ma Au tao amate-amopos. Au, Manetualain, de manakokolak-ka.”

YEREMIA 18:7

Meten te nai faik esa nai ndia de Au ho'i nakeketuk soaneu fe'a henin, nanatao natuuk ma nanatao nakalulutuk soaneu leoina esa do dedeo esa,

YEREMIA 31:40

Basa bafak ndia lala'en-na fo nanapakek da'di leo mamana loo-latek ma mamanak tu'u-tapak kadafuk, ma basa tina osi manai lee Kidron su'un-na losa lo Lelesu Ina Ndala fo lo dulu neu-a, neukose ana da'di hehelik soaneu Au. Kota Yerusalem-ma neukose ta nanatao natu'uk fa, do nanatao nakalulutuk fa.”

YEREMIA 45:4

Hai Barukh! Boema Manetualain dede'a-kokolan nae leo ia: Te'e-te'e hata fo Au afofo'ak-kala neukose Au tao atu'us, ma hata fo Au sele-tanik-kala neukose Au fe'a henis, nakalenak leomae basa nusak-ka lala'en-na!

YEREMIA 49:36

Neukose Au fuu anin-na leo Elam neme basa mamanak lala'en-na, ma Au fe laun-nala leu leo mamana fe'ek fo ta hapu nusak esa boen soaneu mamanak malaik neme Elam ndia.

YESKIAL 37:9

Boema Manetualain nafa'da au nae, “Hai hataholi daebafak fo, manasapu-manalalok-konei, kokolak moo anin-na. Mafa'da mae Au, Manetualain Fo Mademaina, nafa'da neun, fo ela ana mai neme bu'u-bu'uk lala'en-na mai, fo ana fuu ani hahaek leo aopaa manamatek sila-la dalek neu, fo daenga ala laso'da falik.”

DANIAL 7:6

Lelek au bei taoafik neun te, bana fe'ek esa to'da mai. Lupan-na sama leo macan tutul-la, tehu hapu manupui li'dak 4, nai muliha'in-na, ma langan 4. Meten soona, maneni-mafa'dak.

DANIAL 7:8

Lelek au bei taoafik neu susulan-nala te, no kaiboik susula fe'ek esa moli nai susulan sila-la tala'da. Susulak ndia anak-ka, tehu ana hapu seseti ma ana fe'a heni susulak 3 neme susula makasososak-kala mai. Susula anak ndia nanuu matak sama leo hataholi-a matan-na, ma bafan-na kokolak dede'a me'i-afek no koao-ndaeaok.

DANIAL 8:22

Susula ka haak fo ala to'da mai nai lelek susula makasososan-na la'din ndia, sosoa-ndandaan nae nusa Yunani-a, neukose nanababa'ek da'di nusak 4, tehu ta hapu esa boen, balakain-na sama leo nusa makasososak ndia fa.

DANIAL 8:8

Bi'ihii mane ndia boetai namatuak-ka. Tehu lelek ana losa koasan-na mate'en-na boema, la'di heni susula matuainan ndia, boema susulak mata beuk 4, ala moli nai mamanak ndia, de esa-esak natu'du leo mamana fe'ek neu.

ZAKHARIA 2:6

Manetualain nafa'da anan-nala nae, “Au tao tapasasala basa emi, leo bu'u-bu'uk lala'en-na neu so. Tehu besak ia, hai hataholi nanafook-kala lemin, malai meme Babel mai leona, fo fali me'um-ma leo Yerusalem meu.

ZAKHARIA 6:5

Nataa nae, “Metema, lasasalematak basa loo Manetualain fo manamakadada'dik lalai maloa soona, leu leo bu'u 4 leu.

MATEOS 12:25

Tehu Yesus bubuluk hataholi Farisi la dale aafi na. Da'di nafa'das nae, “Metema nusa ina esa, hea ba'en neu bubua-buak fo esa musu no esa soona, neukose nusa ina ndia, ta nakatatakak fa. Boema kota esa, do uma lo esa, heaba'en fo esa musu no esa soona, neukose kota do uma lo ndia, nakalulutuk.

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’

NINITAK 7:1

Basa ndia boema, au ita ata nusa so'dak ha lapadeik lai daebafa ka bu'un has. Ala tahan ani na matan has nai daebafa ka, fo ela boso hapu anin nai dae ma'da ka do nai tasi a, do nai ai la lain boe.