BILANGAN 12:2 - Susula Malalaok Hehelu Palak Ma Hehelu Beuk

² Lafa'da lae, “Ade, Manetualain kokolak ka'da tunga Musa mesak-kana do? Ade, Ana ta kokolak tunga ita boen do?” Manetualain namanene sila hala-kokolan.

BILANGAN 12:2 Σταυροειδείς Αναφορές

KEJADIAN 29:33

Lea nailu seluk, boema ana bongi anatouk esa. Nafa'da nae, “Manetualain fe basa au ni'iana ia so, nanahu Ana bubuluk, nae au ta nanasue-laik fa.” Boema ana foi anan ndia na'de Simeon.

2 SEMUEL 11:27

Basa fai susan-na boema, Dauk nadenu hataholi neu nala inak ndia, leo uma manek-ka mai, de ana taon da'di ndia saoinan. Basa bulak de'ubee boema, ana bongi-na ni'iana touanak esa. Tehu Manetualain ta hii Dauk tatao-nono'in ndia fa.

2RAJA-RAJA 19:4

Manek Asyur-ra, nadenu basa, malanga solda'du manai lain esa, fo nakamumulu-nakamamaek Manetualain fo maso'dak-ka. See bubuluk, emi Aman Manetualain namanene basa nakamumulu-nakamamaek ndia, de neukose, Ana huku sila fo, manakokolak-kana! Hu ndia de, hule-haladoi leona, neu Manetualain, ba'eneu ita hataholin fo, bei maso'dak-kala.”

KELUARAN 4:14

Boema, Manetualain, namanasa nanseli, de nafa'da nae, “Ade o tolanoom esa, ta na'de Harun fa do? Au bubuluk hataholi bafa da'uk ndia; nakalenak ana mai leo ia mai, de nai eno tala'dak so; metema nita o soona, neukose namahoko nanseli.

KELUARAN 4:30

Harun nanduku-nalosak neus, basa hata lala'en fo Manetualain nafa'dan neu Musa, de Musa tao basa manada'di beuk-kala, nai hataholi sila-la matan.

KELUARAN 5:1

Basa boema, Musa no Harun leu leo manek Masir-ra leu, de lafa'dan lae, “Manetualain, fo Israel Manetualain-na, Ana fe paleta nae leo ia, ‘Po'i Au leoinang-nga, fo ela leu sene-do'ok neu Au nai mook solokaek-ka.’ ”

KELUARAN 7:10

Boema Musa no Harun leu leo manek-ka leu, de ala tao hata fo Manetualain paleta neus. Harun tapa aitete'en-na neu dae lain, nai manek-ka ma hataholi mana'a ngga'din-nala matan, boema aitete'ek ndia nasafali da'di menge.

AMSAL 13:10

Namatutua-namadedema aok-ka, ka'da neni nale'a-napilik-ka; tehu hataholi manatee-tenok-ka, ana nau sipo nanolik.

YESAYA 37:4

Manek Asyur-ra, nadenu basa malanga solda'du matuainan-na so, fo nakamumulu-nakamamaek Manetualain fo maso'dak-ka. See bubuluk, fafa'kama Manetualain namanene basa nakamumulu-nakamamaek ndia so, de neukose Ana huku hataholi manakokolak-ka! Hu ndia de, hule-haladoi leon neu Manetualain, soaneu ita hataholin fo bei maso'dak-kala.”

MIKHA 6:4

Au o emi kalua meme Masir mai so, ma Au soi heni emi neme ata dalek mai; Au adenu basa Musa, Harun, ma Miryam soaneu hela-nole emi so.

BILANGAN 11:1

Neu faik esa boema, leoina ndia mulai haladoi neu Manetualain la'eneu sila toto'a-tataan. Manetualain namanene sila haladoin ndia boema namanasa, de Ana fe ha'i mai neus. Ha'i ndia sii lapa-lapa nai sila tala'da, de na'a heni lalaa ofu-a seli.

BILANGAN 11:29

Boema Musa nataa nae, “Tao le'e de, o dudu'a-dodoo la'eneu au? Lena-lenak au amahena, fo ela Manetualain fe Duladalen-na, neu leoinan-na lala'en-na, ma taon-nala basa-basas da'di nabi!”

BILANGAN 12:3

Musa nde been-na, hataholi esa, dale nakaloe nakadae aok nanseli, lena heni basa hataholi manai daebafak ia lala'en-na.

BILANGAN 16:3

Basa-basas leu leo Musa no Harun leu, de lafa'da lae, “Ndia dai so Musa! Hataholi Israel-la lala'en-na, nanafe hehelik neu Manetualain, ma Manetualain nai ita basa-basa-tala tala'da heon. Tehu tao le'e de, o mafa'da mae, o dema lena Manetualain anan-nala?”

ROMA 12:10

Ela leo bee na emi masue-malai ao no dale katema-tuak sama na leo tolanook esa nai bobongik esa dalek, ma ela leo bee na esa fe ha'da-holomata neu esa.

ROMA 12:3

Manetualain fe basa baba'e-babatin neu au so. Hu ndia de au anoli-afa'da emi basa-basa mala fo boso mamatutua-mamadedema ao ina ma ba'u lenaheni emi aoina ma baba'u na. Te ela leo been-na, emi mete aoina mala no dale nakaloe-nakadaek; esa-esak mete aoina na tunga be'ibalakaik fo Manetualai fe neun, hu ka nde namahele Yesus.

FILIPI 2:14

Boso tao-no'i basa sila la, no muum toli-toli do nale'a-napilik.

FILIPI 2:3

Boso tao-no'i hata esa, hu ka nde emi paluu ma mesa kana do soaneu mamatutua-mamadedema ao ma. Dede'a nasafali na, ela leo bee na emi esa-esak, no dale nakaloe aok nafa'da nae, hataholi fe'ek malole lena neme ndia ao ina na mai.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”