AYUB 7:15 - Susula Malalaok Hehelu Palak Ma Hehelu Beuk

¹⁵ Nalosa, au ahiik anseli, hataholi ki'du au botoliing-nga, fo mate au, neme au aso'da nai aopaak, fo henuk no doidosok ia.

AYUB 7:15 Σταυροειδείς Αναφορές

2 SEMUEL 17:23

Lelek Ahitofel bubuluk nae ala ta tunga ndia nanoli-nafa'dan fa boema, ana bela ne'a sa'e ndalan-na neu keledein lain, de ana fali ne'un leo ndia kotan-na neu. Ana pe'da-fua matalolole hata-heton lala'en-na boema, ana lonaaon de maten, de latoin nai teidalen-nala loo-laten.

AYUB 3:21

Sila lahiik bolo mamates-sa, lena heni hata-heto, lahani mamates-sa, te mamates-sa ta losa fa.

AYUB 3:22

Metema mates, fo nananatoi-natonok soona, besak-ka, ala hapu lame'da lita, tetu-temak-ka.

AYUB 7:14

Tehu, O makabibiik au, nenik me'i-afek; O fe me'i-afe ta malole-a, ana mai.

AYUB 7:16

Au sota-mangu, ma pela-malua au aso'da; au hii mate leona! Po'ilotak au, nana au so'dang-nga, sosoa-ndandaan ta.

AYUB 9:21

Au salang ta, tehu au ta afaduli fa. Au ta hii aso'da so'on. Ba'eneu au soona, au ta paluu hata-hata so'on; manatao salak ma manatao ndoos, ua-nalen-nala sama, fo nde: neukose Manetualain tao namopo-namate duas no'u-no'u.

PENGKHOTBAH 2:17

Hu ndia de, so'dak-ka sosoa-ndandaan ta so'on ba'eneu au, fe'ek ta so. Basa-basan manada'di taak; ka'da au usi anin mesa kana.

YEREMIA 8:3

Boema hataholi bei maso'dak neme leoina mangalauk ia, fo nanatao tapasasalak leo basa mamanak lala'en-na, neukose ala lahiik mate neme laso'da mai. Au, fo Manetualain nde manakokolak-ka.”

YUNUS 4:3

Besak ia, ou Manetualain, nemen-na fo au mate leona, nana malole lenak au mate neme au aso'da.”

YUNUS 4:8

Le'do tii boema, Manetualain fe ani mato'bik-ka neme dulu mai. Isabai-na Yunus sapala'o, nanahu le'do haan-na la'en, de langan-na nono'ka bai nanahotuk-ka. Boema ketu namahehenan-na, de nahiik mate leona. Nafa'da nae, “Malole lenak au mate, neme au aso'da!”

MATEOS 27:5

Boema ana tapa doik sila la leo Amak Manetualain Uman dale neu de, ana la'o neu lona aon.

NINITAK 9:6

Nai bula kalimak sila la dalek, hataholi sila la sanga enok fo mate, tehu ala ta bisa mate fa. Ala hii mate, tehu mamate sa doo ka neme sila mai.