AYUB 30:1 - Susula Malalaok Hehelu Palak Ma Hehelu Beuk

¹ Tehu besak ia, hataholi muli-soluk-ka, hakinonoli au. Makahulun-na, au mete sila aman-nala matasi'da-matasaek nanseli, soaneu lanea au bi'ilopong-ngala, ma au busa manafoong-nga.

AYUB 30:1 Σταυροειδείς Αναφορές

2RAJA-RAJA 2:23

Basa ndia boema, Elisa la'o neme Yerikho leo Betel neu. Nai enok tala'dak, ni'iana bubuak esa, ala kalua leme kota dale mai, de ala hakinonolin lae, “Hai, langa dilak, langa dilak, la'o ela mamanak ia leona!” Ni'iana sila-la, ala nggasi lae leondia.

AYUB 12:4

Au nonoong-ngala, ma au tia-laing-ngala, ala hika-hume au, te se'kona, au ia ndoos, ma ta mabuu-ba'ek fa. Makahulun-na, Manetualain nataa au huhule-haladoing, neu faik bee fo, au aloo bou-bou oke tulu-fali au.

AYUB 30:2

Sila sosoa-ndandaan ta, ba'eneu au, nanahu be'i-balakain-nala ta so.

MAZMUR 119:51

Hataholi manakoao-ndaeaok-ka, nakamumulu-nakamamaek au nanseli, tehu, au ta singo eme O hoholo-lalanem mai fa

MAZMUR 69:12

Au pake si'di kalong, fo da'di ta'du-tana manasusak, tehu ala kokolak holo au.

YESAYA 3:5

Neukose hataholi-la, esa tuni-ndeni esa. Hataholi muli-soluk-kala ta nau lamanene lasik-kala, ma ni'iana-la ta nau lamanene hataholi matua-la fa.

MARKUS 14:65

Boema hataholi de'ubee lai ndia, ala mulai tupee lakadoe Yesus ape, ma ala potiketu mata na de ala fepan, boema lafa'dan lae, “So'ba neuk su'dik, see ka nde fepa O a?” Manamanea la boeo ala fapa Yesus.

LUKAS 23:14

boema nafa'das nae, “Emi mo Hataholi ia leo au mai ma emi mafa'da mae, Ana tao na hataholi la latofa-latalak. Besak ia au palisa kana nai emi matam so, tehu au ta hapu tatao-nono'i mangalauk esa boen, nandaa no dede'ak fo emi kalaa kana fa.

LUKAS 23:18

Tehu basa hataholi mana makabubuak manai sila la, ala eki lae, “Taomisan! Fo po'i fe ami Barabas!” (

LUKAS 23:35

Hataholi la lapadeik lai ndia fo lanilu. Ndia te lasi-lasi Yahudi la hakinonoli Yesus lae, “Ana soi-tefa na hataholi fe'e kala so. Naa, neme na fo besak ia Ana soi-tefa na aoina, metema Mane Mana Fe So'dak fo Manetualain hele ka, te'e-te'e nde Ndia!”

LUKAS 23:39

Hataholi mangalauk fo nanalona-nggangek nai ndia, esa nakamumulu-nakamamaek Yesus. Nafa'da nae, “Mane Mana Fe So'da ka nde O hetu? Naa, soi-tefa ma O aoina ma ami leona!”

HATAHOLI 17:5

Tehu hataholi Yahudi la lape'da dalek. Lalo la hataholi mada'baoek manai eno kala lain de lapadedeik hataholi mana tao tasi'bu la nakabubua na. Boema ala mulai tao tasi'bu nai basa kota ndia lala'ena. Leu sapu la hataholi kamahehelek esa na'de Yason uma na fo ala sanga Paulus no Silas, nana ala sanga lo duas leu lataa hataholi makadoto kala.

TITUS 1:12

Sila nabin esa, ana mai hai neme Kreta mai boe, de ana kokolak nae, “Hataholi Kreta la lasapepeko-lasandandali tataas esa, ma hataholi sila la sama leo bana makisu-makaa maolo ka, boema pelatua mangananalo kala.”