AYUB 24:15 - Susula Malalaok Hehelu Palak Ma Hehelu Beuk

¹⁵ Hataholi manahohongek-ka, nahani fai le'donosok-ka losa; ana poti ketu mata-panan, fo ela hataholi boso nalelak-kana.

AYUB 24:15 Σταυροειδείς Αναφορές

2 SEMUEL 12:12

O tao basa sala-singok no denge-dengek so, de nasafalin-na, neukose Au afa'da Au nakeketung-nga no mangale'dok nai hataholi Israel lala'en-na matan.’ ”

AYUB 31:9

Metema, au daleng-nga nahiik hai, au uma titia-tataing saoinan-na, fo no nafufunik, au titinon neme lelesu-a dean-na mai,

MAZMUR 10:11

Ana dodoo nae, “Manetualain nafandele henin so, ma Ana ta taoafik neu fan; soaneu losa dodoon-na, ana ta nita au fa!”

MAZMUR 50:18

Metema o mita hataholi nakodaa esa soona, o tunga moon, ma o leo-mapalasa moo hataholi manahohongek-kala.

MAZMUR 73:11

Lafa'da lae, “Manetualain ta bubuluk fa, Manetualain Fo Mademaina, ta nalelak fa”

MAZMUR 94:7

Lafa'da lae, “Manetualain ta nita fas, Yakob Manetualain-na, ta taoafik neu fas.”

KELUARAN 20:14

Boso hohonge.

AMSAL 7:7

Boema au ita touanak ba'uk-ka fo bei muli soluk-kala; tehu au mete hehelu ka'da hataholi esa fo nggoan-na seli nai sila tala'da.

YESKIAL 8:12

Manetualain nafa'da au nae, “Hai hataholi daebafak fo, manasapu-manalalok-konei, o mita basa mauli-malangan Israel-la, no denge-dengek, ala tao beek ndia? Ala tao makaluku-makatele nai mamanak fo henuk no sosongo-tatangok-ka, boema lafa'da lae Au la'oela nusak ia so, de Au ta ita sila tatao-nono'in ndia fa.”

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.