AYUB 23:13 - Susula Malalaok Hehelu Palak Ma Hehelu Beuk

¹³ Manetualain ndia, ta nasafali fa; ta hapu hataholi bisa la'ban-nana fa. Ana tao su'di beek, fo nahiik-kana.

AYUB 23:13 Σταυροειδείς Αναφορές

MAZMUR 115:3

Ita Manetualain-na, nai nusa so'dak-ka, Ana tao hata fo, nahiik-kana.

AMSAL 19:21

Hataholi daebafak-ka, nanuu dale tutu'uk makadotok, tehu ka'da Manetualain nde naketu, fo ana da'di.

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

YESAYA 46:10

Neme makasososan-na, Au tui-benga dede'a makabuik-kala, neme makahulun-na, Au afa'da ela, hata fo, neukose ana da'di. Au afa'da ae, Au nakeketung-nga, nanatao natetuk, tao leo bee-o, Au tao tunga, Au dale hihiing-nga!

AYUB 12:14

Hata fo, Manetualain ofe henin, soona ta bisa nafofo'a falik-kana so'on, Manetualain tao see, da'di hataholi nanafook soona, ta nana po'ik so'on.

PENGKHOTBAH 3:14

Au bubuluk Manetualain lima tataan lala'en-na, neukose lahele losa dodoon-na. Hataholi daebafak-ka ta hapu popo-tama fan, do tao kulang-ngana fa. Ma Manetualain ho'i nakeketu leondiak, fo ela ita bii-tamata'u neun.

MAZMUR 135:6

Ana tao hata fo, nahiik-kana, nai lalai ma daebafak-ka, nai tasi ma nai tasi maloaina madema.

PENGKHOTBAH 1:15

Fo manapeko-pakik-ka, ta hapu tao namandoo fan, ma hata fo ta hapu fan, ta hapu leke nala fan.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

ROMA 9:19

Naa, neukose tolanoo ka mafa'da au mae, “Metema leondiak soona, tao le'e de Manetualain bei nau fe salak neu hataholi daebafa ka bai? Tete'e ka ta hapu hataholi esa boen hapu kena-ka'i na Manetualain dale hihii na fa do?”

AYUB 34:29

Metema Manetualain ho'i nakeketuk fo denge-denge soona, ta hapu esa boen napalani nakamulu-nakadaun. Metema Ana nafuni mata panan soona, ta esa nitan boen.

AYUB 11:10

Metema, Ana ho'un-na o, fo no o leo manakee-manafulan neu, soona see kande napalani napanggenggee Ndia?

AYUB 10:7

Tunga ndoon-na, O bubuluk ma mame'da, mae au salang ta, tehu ndoos. O bubuluk mae ta hapu esa boen ana soi-tefa nala au neme O limam-ma mai fa.

AYUB 10:13

Tehu besak ia au bubuluk ae sekom-ma basandia, te no denge-dengek, O tutu'u au fai soeng-nga.

AYUB 23:12

Au tunga Manetualain paletan-nala, tataas esa, au tunga hihii-nanaun, te ta au hihii-nanau mesang-nga fa.

AYUB 23:14

Neukose, nakalala'ok dale tutu'un-na, neu au, fe'ek neme ndia mai, dale tutu'un-na, bei ba'uk-ka seluk bai.

YESAYA 46:11

Au aloo manakoasa esa, neme dulu mai ana mai sama leo manupui makaa-makisuk esa fo nakalala'ok Au nakeketung-nga. Hata fo Au afa'dan soona, neukose Au tao-no'in, hata fo, Au tutu'un soona, tao leo bee-o, neukose Au taon.