AYUB 14:1 - Susula Malalaok Hehelu Palak Ma Hehelu Beuk

¹ Mulai neme hataholi ndia bongin mai-a, aon-na manandole-ndakuk, ma be'i-balakain ta; So'dan-na keke'uanak, boema henuk no doidosok-ka.

AYUB 14:1 Σταυροειδείς Αναφορές

KEJADIAN 3:17

Boema Manetualain nafa'da touk ndia nae, “O mamanene o saoinam-ma hala-kokolan, de o mu'a ai fo, Au kena-ka'ik ndia boan-na so. Hu kande o tatao-nono'im ndia, de dae-a nanasoo-supak. O muse maue-male'di no puse ti'tik, nai o fai maso'dam-ma dalek, fo ela dae ia, bisa fe buna-boa manadaik soaneu o nana'a-nininum.

KEJADIAN 47:9

Yakob nataa nae, “Atam-ma naso'da teuk natun esa teluhulu, da'dileo manamaleu-malaak. Atam-ma so'dan ndia henuk no toto'a-tataak ma keke'uanak, metema nakasasamak-kana no atam-ma bei-ba'i kain teun-nala da'dileo manamaleu-malaak.”

2RAJA-RAJA 4:19

No kaiboik, ni'iana ndia nggasi, ma naloo aman nae, “Awi! Au langang-nga he'dis-sa!” Boema aman nafa'da atan esa nae, “Moo ni'iana ia leo inan neu.”

AYUB 10:20

Ah, ta dook-ka so'on te, neukose mate au so, soona nemen-na, fo au mesang-nga, fo ela, au hapu ame'da ita, au le'do-faing, fo bei elak ia.

AYUB 15:14

Ade, hataholi daebafak-ka, salan ta makandondook do? Ade, bisa ndia ndoos, nai Manetualain matan-na do?

AYUB 25:4

Ade, hataholi daebafak-ka, bisa malalao-malalafuk nai Manetualain mata memeten-na do ta? Ade, neuisik nai mata memeten-na do ta?

AYUB 25:5

Ba'eneu Manetualain soona, leomae bulak-ka boeo, ta mangale'dok-ka fa ma nafa'da nae nduuk-ka keluha'buk.

AYUB 5:7

Ta! Te hataholi daebafak-ka, nde neni soe soaneu aoinan-na mesak-kana, sama leo ha'i masapipiti neme ha'i-a mesak-kana mai.

AYUB 7:1

Hataholi daebafak ndia, nono'kabai de, nananakasetik, fo ana ulepo'de sanga nanalak; so'dan-na belak-ka, sama leo hataholi nanase'ba-baek esa, so'dan-na; ma

AYUB 7:6

Au so'dang fo ta nanuu namahehenak ndia, ana la'ok leo mate'en-na neu, nalain-na, lena heni hataholi-a, sefe ofan-na.

AYUB 8:9

Ita so'dan-na keke'uanak, te ita ta buhuluk hata-hata fa; ita fai maso'dan-na, sama leo salaok-ka.

AYUB 9:25

Au fai maso'dang-nga, sapu-lalo no lai-laik nanseli, boema mopok-kana, ta no ua-nale malole fa.

MAZMUR 39:5

“Manetualain, mafa'da mae, faihi'da au fai mamateng-nga losa, fo ela au bubuluk, au so'dang-nga, keke'uanak nanseli.”

MAZMUR 39:6

O maketu au teung-nga, keke'uanak nanseli! Ba'eneu O soona, au so'dang-nga sosoa-ndandaan ta. Tete'ek-ka, hataholi daebafak-ka sama leo ka'da ani hahaek-ka,

MAZMUR 51:5

Nana au manaku au salang-ngala, au afandendelek au sala-singong tataas esa.

MAZMUR 89:47

Ou Manetualain, O mafuni losa faihi'da? O nasa-melum lua ponu-ponu, sama leo ha'i-a, losa faihi'da?

PENGKHOTBAH 2:17

Hu ndia de, so'dak-ka sosoa-ndandaan ta so'on ba'eneu au, fe'ek ta so. Basa-basan manada'di taak; ka'da au usi anin mesa kana.

PENGKHOTBAH 2:23

Su'di beek fo ana taon nai naso'dan-na dalek, ka'da neni doidosok ma dale he'dik ba'eneun. Nai fai le'odaen-na boeo, dalen-na ta tesa-tama fa. Da'di basa sila la mate'en-na manada'di taak.

YEREMIA 20:18

Tao le'e de au muse nanabongik? Ka'da soaneu toto'ak-tataak-ka do? Ma fo ela au so'dang-nga mopo nakandondok-kana nai mamaek-ka dalek do?

MATEOS 11:11

Mafandendelek te! Nai daebafak ia, beita hapu hataholi ba'u lena Yohanis Mana Salani ka fa. Leomae leondiak boeo, hataholi fo anak nanseli nai Manetualain hataholi kamahehele nala dalek, ba'u lena heni Yohanis.