AYUB 13:4 - Susula Malalaok Hehelu Palak Ma Hehelu Beuk

⁴ Nana, emi mafuni emi nggoam-ma, ma emi tipu-daim-ma, emi sama leo, hataholi malelak pepekok-kala.

AYUB 13:4 Σταυροειδείς Αναφορές

NEHEMIA 6:8

Tehu au haitua natataak-ka nde ia nae, “Basa hata fo Tolanook-ka nafa'dan ndia, pepekok basa sila-la, ma Tolanook-ka kokola koao-ndaeaon mesan ndia.”

AYUB 27:12

Tehu, emi basa-basam-mala, mita matam so. Da'di, teo le'e de, emi fe nanoli-nafa'dak, fo sosoa-ndandaa tak?”

AYUB 6:15

Tehu emi, hai, tolanoong-ngala lemin, ta hapu amahele, do tasalai dea-tala neu emi fa. Emi sama leo lee manama'dak-ka, nai faik fo, u'dan-na ta mai fa.

AYUB 6:20

Tehu, sila namahehenan-na, manada'di tak nai lee oe taak-ka su'un-na.

AYUB 6:21

Emi sama leo lee ndia, tolanoong-ngo; o makadedeak, nana o bii mete au doi-dosong.

MAZMUR 119:69

Hataholi manakoao-ndaeaok-ka, tao naggenggeo au na'deng-nga, tehu au tunga O nakeketum-ma no dale katematuak.

KELUARAN 20:16

Boso sakasii pepekok la'eneu hataholi fe'ek.

YEREMIA 23:32

Au, Manetualain, neukose la'ban nabi sila-la fo nde landuku-lalosak sila me'i-afen-nala fo uk no masapepeko-masandandalik. Ala lakatutu'dak Au anang-ngala nenik masapepeko-masandandalik ma nenik sila bafa loun-nala. Au ta adenu nabi sila-la fa. Sila sosoa-ndandaan tak makandondook soaneu Au anang-ngala. Au, Manetualain, fo manakokolak-ka.”

YEREMIA 30:13

Ta hapu hataholi esa boen, tunga-sanga soaneu emi lelea-hahaim fa, ta hapu mo'do-akidok soaneu emi bisum ngguma-paele'bem-mala fa, ta hapu mamahehenak ba'eneu emi soaneu lea-hai fa.

YEREMIA 46:11

Hai laun Masir-rala lemin, meu lo Gilead meu fo sanga mo'do-aidok! Tehu leomae leondiak boeo ta hapu mo'do-aidok so'on hapu nahai emi fa.

YEREMIA 6:14

Ala mete Au anang-ngala bisun-nala soona lae, ka'da bisu anak mesan. Lafa'da lae, ‘Ah, ta hata-hata fa,’ basa-basan malole ma ta hata-hata fa. Te se'kona, ‘ta leondiak makandondook fa.’

YEREMIA 8:22

Beek-ka nde tataon, de nalosa, losa besak ia, au leoinang, beita lea-hai boen? Ade nai Gilead lala'en-na, ta hapu dote, do mo'do-akidook fa do?

YESKIAL 34:4

Emi ta mafaduli bi'ilopo tapandoes-sala fa, emi ta puli-mamo'do kamahe'dis-sala fa, emi ta sanga manamopok-kala, ma emi ta foo falik manamatofa-matalak-kala fa. Tehu emi taos no balakaik, ma ta pake susue-lalaik fa.

HOSEA 5:13

Leoina Israel-la, ma hataholi Yehuda-la, lame'da lita sila ha'da-tataon mangalaun-na, boema Israel neu leo Asyur neu, fo noke tutulu-fafalik neme manek matua mai. Tehu manek ndia, ta hapu tulu-fali, do tao matalolole sila ha'da-tataon fa.

MARKUS 2:17

Yesus namanene hataholi sila natatanen ndia boema nataa nae, “Hataholi so'da-la'da ka ta paluu dotel fa. Ka'da hataholi kamahe'di kala dei. Au mai ta soaneu alo hataholi fo nafa'da nae ndia hataholi malole fa, te Au mai soaneu hataholi fo lafa'da lae, hataholi taidae ka dei.”

MARKUS 5:26

Nase'o basa hata-heto nala fo ana bae dote la, tehu dotel sila la esa boeo ta hapu tao nahai fan. Te he'di na boetai namabela nakandoo.