AYUB 10:9 - Susula Malalaok Hehelu Palak Ma Hehelu Beuk

⁹ Mafandendelek te, O makadada'dik au neme dae ulek-ka mai! Masa bole, O taom-ma au, da'di dae sopok seluk?

AYUB 10:9 Σταυροειδείς Αναφορές

KEJADIAN 2:7

Basa boema, Manetualain ho'i-na dae faa anak, de Ana taon-nan, nalupa hataholi esa, boema Ana fuu, ani hahaek fo maneni maso'dak-ka leo pana bolon dale neu; boema hataholi ndia, naso'da leona.

KEJADIAN 3:19

Neukose, o maue-male'di no sosota-mamanguk, ma o pusem ma ti'ti, soaneu ana taon-na dae ia nabuna-naboa hata esa, losa o fali leo dae-a muu, nana o da'di meme dae-a mai. O da'di meme dae-a mai, de neukose o fali leo dae-a muu boe.”

AYUB 10:10

O fe au amang, bisa nakadada'dik au, ma O fe au amatua, nai au inang tein dale.

AYUB 17:14

Au foi au bolo mamateng-nga, na'de “Au amang”, ma kalatik mana'a au ao paang-nga, au okes ae, “Ina” ma “Au tolanoo inang”.

AYUB 33:6

Ba'eneu Manetualain soona, o ma au sama, Ana tao ita neme dae-a mai.

AYUB 34:15

soona mate basa, mahahaek fo masamanek lala'en-na, ma hataholi daebafak-ka da'di dae, sama leo makasososan-na.

AYUB 4:19

Muda hata no mahahaek fo, ana da'di neme dae ulek-ka mai, mahahaek fo neme afu-a mai, fo bisa ne'e nakalulutuk-kana sama leo andae-a!

AYUB 7:21

Ade, O ta hapu fe do'o do ampon neu au sala-singong fa do? Ade tean-na seli, soaneu O koka heni au salang-nga do? Dodoo faa te, au akandondoo nai lates dale, de metema, O sanga au soona, neukose O ta hapu au fa.”

AYUB 7:7

Mafandele leon, ou Manetualain, te au so'dang-nga, ka'da ani hahaek esa mesak-kana; mopo au ua-naleng, de ta la'oela leen-na fa.

MAZMUR 103:14

Nana, Manetualain bubuluk, ita da'di teme beek-ka mai, Ana nafandele, ita ia, ka'da dae sopuk mesan.

MAZMUR 104:29

Metema O lepos masadea soona, ala bii; metema O ho'i falik ani hahaen-na soona, ala mopo-mate fo ala da'di falik dae, sama leo makasososan-na.

MAZMUR 106:4

Mafandele au leona, ou Manetualain, no O dale malolem-ma, ba'eneu O anam-mala, Metema O soi-tefa-mala soona, mafandele au boe.

MAZMUR 22:15

Au be'i-balakaing basan, sama leo po'a heni oe-a, basa au duing-ngala latasesu leme sesesun-nala mai, au daleng-nga noe, sama leo lilik-ka.

MAZMUR 25:18

Taoafik neu au doi-dosong, ma au toto'a-tataang, ma fe do'o do ampon neu basa au sala-sinong-ngala.

MAZMUR 78:39

Ana nafandele, nae sila ka'da mahahaek fo, manasapu-manalalok, sama leo anin-na fuu nenin, fo neukose, ana ta fali ma'in so'on.

MAZMUR 89:47

Ou Manetualain, O mafuni losa faihi'da? O nasa-melum lua ponu-ponu, sama leo ha'i-a, losa faihi'da?

MAZMUR 90:3

O madenu hataholi daebafak-ka fali ne'un leo mamana dada'di-momolin neu, fo da'di dae sama leo makasososan-na.

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

YESAYA 45:9

Soe ba'eneu hataholi fo Manamakadada'dik-kana; Hataholi ndia, sama leo ulek fo, ana la'ban hataholi manataon-nana. Ade dae ulek-ka, natane neu manatao ulek-ka nae, “O tao beek ia?” Ade ulek-ka haladoi nae manatao ndia, malelan-na beita dai fa do?

YESAYA 64:7

Ta hapu manahule-haladoi neu O, do noke O tutulu-fafalim fa, nana O mafuni o mata-panam neme ami mai, ma O po'ilotak ami sala-singom tao namate-namopo ami.

YESAYA 64:8

Tehu O, ou Manetualain, O nde been-na, ami Amam, ami ka'da dae manuteik mesan, ma o nde fe lupak neu ami; ami basa-basam-mala nde been-na, O lima tataam.

YEREMIA 18:6

“Hai Au anang-gala lemin, masa bole au ta hapu taon neu emi sama leo fo tuka ndia tao-no'i nenik ndia dae ulen-na fa do? Leondiak boe emi nai Au limang dale, sama leo dae ulek-ka nai manatao ulek-ka liman dale.

ROMA 9:21

Ade hataholi manatao pot bunga ndia ta nauu hak soaneu ana tao dae ndia tunga dale hihii na fa do? Hataholi ndia nanuu hak tao dae bubuak ndia da'di pot bunga matak dua: fo esa mana'ahiik ma esa ka mana'a na ta dai fa.

2 KORINTUS 4:7

Tehu hata-heto samanek mana'a hiik ndia nanape'dak nai uledae dale, fonde ami aoinam beli tak ia. No enok ndia nananitak nae, Manetualain nde koasa na lena, te ta ami fa.