AMOS 4:10 - Susula Malalaok Hehelu Palak Ma Hehelu Beuk

¹⁰ Au haitua he'di-laus leo emi neu, sama leo Au haituan leo Masir neu. Au taoisa emi hataholi muli-solum-mala nai natee-natatik dale, ma ala loso-la emi ndalam-mala. Au tao ahenu emi lalaa temam-ma nenik mamates, fo emi ta makataka boon-na fa. Leomae leondiak boe, emi ta nau fali leo Au mai boen.

AMOS 4:10 Σταυροειδείς Αναφορές

2RAJA-RAJA 10:32

Nai lelek ndia, Manetualain mulai tao nama ana nusa Israel-la. Hazael, fo mane Siria, natona-na basa nusa Israel-la lala'en fo,

2RAJA-RAJA 13:3

Hu nde de Manetualain namansa Israel, nalosa Ana po'ilotak Hazael, fo mane Siria, no anan Benhadad, sengi Israel-la'i nono'ik.

2RAJA-RAJA 13:7

Mane Siria, ana tao nakalulutuk Israel solda'dun-nala so, nalosa ela ka'da mane Yoahas-sa, solda'du manasa'e ndalan 50, kaleta musu 10, ma solda'du anak 10.000.

2RAJA-RAJA 8:12

Hazael natane nae, “Tao le'e de, Tuan kii?” Boema, Elisa nae, “Nana au bubuluk, tatao-nono'i mangalauk fo, neukose o taon soaneu hataholi Israel-la. Neukose, o hotu heni kota-kota makota musun-nala, o taomisa hataholi muli-solu neulaun-nala, ma o ki'dumisa, ni'iana bongi beuanan-nala, boema o saika'di, inak-kailun-nala te'in-nala.”

KELUARAN 10:27

Manetualain taon-na manek-ka nalanga batu, nalosa ana ta po'i hataholi Israel-la la'o fa.

KELUARAN 10:3

Boema, Musa no Harun leu leo manek-ka leu, de lafa'dan lae, “Leoina Ibrani-la Manetualain fo nde Manetualain-na, nafa'da nae, ‘O ta nau makatele neu Au fa, losa faihi'da? Po'i Au anang-ngala la'o, fo ela ala sene-do'ok neu Au.

KELUARAN 14:4

Neukose, Au tao-an da'di langa batuk, fo neu usi emi. Tehu neukose, Au atu'du Au koasang-nga neu manek Masir-ra, ma solda'dun-nala, fo neukose ala bubuluk, lae Au nde Manetualain.” Boema hataholi Israel-la taon, sama leo hata fo Manetualain paleta neus.

KELUARAN 15:26

Manetualain nae, “Tunga Au no te'e-te'ek, ma tao hata fo Au meten malole; tunga la'iesak Au paletang-ngala. Metema emi tao tungan leondiak soona, neukose Au ta huku emi nenik he'di-laus fo Au fen neu hataholi Masir-ra. Au nde Manetualain, fo manatao nalea-nahai emi-a.”

KELUARAN 8:19

nalosa basa malela siula-tongonok sila-la, lafa'da manek-ka lae, “Manetualain nde tao ia.” Tehu, manek ndia nalanga batu nahele, de sama leo hata fo Manetualain, nafa'dan nae, manek ndia, ta nau taoafik neu Musa no Harun hala-kokolan fa.

KELUARAN 9:12

Tehu Manetualain tao-na manek-ka da'di nalanga batu, de sama leo hata fo Manetualain nafa'da basan nae, manek-ka ta nau taoafik neu Musa no Harun hala-kokolan fa.

KELUARAN 9:17

Leomae leondiak boe, o bei koao-ndaeao boe, de o ta nau po'i Au anang-ngala la'o fa.

YESAYA 34:3

Neukose popolan-nala, ta nananatoi-natonok fa, tehu ka'da nanapo'ilotak, fo ela pulus fo laboo. Letek-kala neukose pilas, nanahu sila daan-na, ana faa la'es.

YESAYA 50:11

Hai emi fo, nau tao soe hataholi fe'ek, neukose emi nanatao namate-namopok, hu kande emi dale tutu'u mesam-ma. Manetualain nde tao manada'dik ndia, neukose emi nanafepa-li'uk nenik fefepa-lili'u mabela.

YESAYA 9:12

Leoina Israel-la beita sale-dale boen, leomae Manetualain Fo Manakoasa, Ana hukus so; ala beita tukatei-saledale neun boen.

YESAYA 9:13

Hu ndia de, ka'da nai faik esa dalen-na mesan, Manetualain huku Israel mauli-malangan ma laun-nala. Ana te'te heni langan-na ma ikon-na de Ana tapa henis.

YESAYA 9:17

Leoina ndia, tatao-nono'i mangalaun-na nana'a, sama leo ha'i na'a nisa makatema dila-nggauk-ka. Ana pila sama leo ha'i na'a nula, fo ha'i masuk-ka masu-masu.

YEREMIA 11:22

Hu ndia de, Manetualain Fo Manakoasa nafa'da nae, “Neukose Au huku sila! Sila hataholi-hataholi muli-solun-nala neukose mates nai matematatik-ka dalek, ma sila anan-nala neukose mates nenik la'as-sa.

YEREMIA 15:3

Au, Manetualain, nde aketu ae, huhukuk kahaak-ka fo mangalaun-nansei ndia, neukose ana da'di neu sila: neukose mate-mopos nai natee-natatik-ka dalek, neukose busa-la lale'a-loloso sila popolan-na, manupui-la la'as, ma nanataom-ma basak neme bana makisu-makak-kala mai.

YEREMIA 16:4

Neukose sila mates nana he'di-laus fo maneni mamates la'es ma neukose sila mates nai natee-natatik-ka dalek, do mates nanahu la'a-ndoes-sa. Neukose ta hapu hataholi esa boen kii namatanis do natotoi-natotonok fas. Neukose sila popolan-nala tongganggali samaleo pupuk-ka nai dae-a, ma manupui-la no bana makisu-makak-kala la'as.

YEREMIA 18:21

Tehu besak ia, Manetualain, nemen-na fo sila anan-nala mates no la'as-sa, do mates nai natee-natatik-ka dalek. Nemen-na fo sila inan-nala mopo saotoun-nala ma anan-nala; nemen-na fo to-mane-la mates nanahu he'di-laus neninin-na ma hataholi muli soluk-kala mates nai natee-natatik-ka dalek.

YEREMIA 48:15

Moab no basa kota-kota-nala nanatao nakalulutuk so, ma hataholi muli-solu neulaun-nala nanataonisakala. Au nde manakokolak-ka. Au manek Manetualain fo Manakoasa.

YEREMIA 49:26

Nai faik ndia ta'e anan-nala neukose mates lai eno-enok kotan-nala.

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YEREMIA 6:11

O nasa-melum neu sila, ana pila lo'a-lo'a nai au aoinang dale boe, Manetualain! Ta hapu nakatatakak nala fan.” Boema Manetualain nafa'da nae, “Kalua nasa-meluk ndia, neu ni'iana manai okofoo-la lain, ma neu hataholi muli-soluk fo manamakabubuak-kala. Neukose ina-touk nanaho'un-na k, ma hataholi lasik-kala boeo, ta hapu laladeak fa.

YEREMIA 9:22

Hataholi manamatek-kala, popolan-nala lalefule'ak nai mamanak lala'en-na, sama leo kadafuk-ka nai dae lain; sama leo gandum nanake'di henik, boema nanala'o elak, de ta nanahele nakabubuak so'on. Au tui-benga Manetualain hala hehelun-na, nde ndia.”

HOSEA 11:5

Hataholi Israel sila-la, ala ta nau fali ma'is leo Au mai fa, hu ndia de, muse ala fali le'us leo Masir leu, fo neukose leoina Asyur-ra paletas.

YOEL 2:20

Neukose Au usi heni, lamak bubua matuaina, manamaik leme kii mai-a, Au usi heni seli leo moo solokaek-ka leu. Au akaseti dalak manai uluk-ka, leo Tasi Pilas-sa neu. Au tipa dalak manai dea, leo Tasi Tala'dak-ka leu. Mates de neukose laboo. Neukose Au tao amopo-amates, nana ala tao doi-doso emi so.

IMAMAT 26:16

neukose, Au huku emi. Neukose, Au fe soe-a la'e emi, he'di-laus ma sumaik manalea-hai taak-ka, nalosa poke emi matam-ma, ma emi maso'da doi-doso. Neukose, emi foi-fala, tehu emi ta mi'a buna-boan fa, nana emi musum-mala mai, fo ala ho'i leni la'iesak, emi sele-nggalik-kala, buna-boan.

IMAMAT 26:25

Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

AMOS 4:6

Au nde fe la'a-ndoes neu basa emi kotam-mala, tehu emi ta nau fali leo Au mai fa.

AMOS 8:3

Nai faik ndia nakameek manai uma manek-kala, neukose lasafali da'di kikii-makaleleuk. Nai mamanak lala'en-na, mamates nanatapa henik no denge-dengek-ka, lalefule'ak.”

HAGAI 2:17

Au akona basa anin mato'bik-ka, ma u'da batuk-ka so, fo ana tao nakalulutuk basa emi tina-osim buna-boan; tehu emi ta nau fali ma'im-ma leo Au mai boen.

ULANGAN 28:21

Neukose, he'di-laus la'e emi tataas esa, nalosa neu mate'en-na te, ta ela emi esa boen, fo ana leo nai nusak fo, emi mangatuu-man ndia fa.

ULANGAN 28:22

Neukose, Manetualain huku emi nenik he'di madaik-ka, petaaok-ka ma sumaik-ka. Neukose, Ana fe dae-a namatuu, ma Ana fe ani mato'bik-ka mai, nalosa emi dae-oem buna-boan nalutus. Soe sila-la, ala tuni-ndeni lahele emi, losa mate-mopo emi.

ULANGAN 28:60

He'di-laus maneni bibii-namata'uk fo emi mita matan neme Masir-ra, neukose la'e emi, fo emi ta hapu lea-hai fa.

ULANGAN 7:15

Neukose, Manetualain nasulu-nahapa emi, neme he'di-laus lala'en-na mai, ma nadook emi neme basa soe lala'en fo, emi mita matam neme Masir, tehu Ana fe soe sila-la, ala tuni-ndeni-la, emi musum-mala.