AMOS 1:13 - Susula Malalaok Hehelu Palak Ma Hehelu Beuk

¹³ Manetualain nafa'da nae, “Leoina Amon-nala lasala-lasingo tataas esa so, hu ndia de, tao leo bee-o, neukose Au hukus. Lelek latee-lata'ti fo ala tao lamaloa sila nusan-na, ala saika'di inak-kailus manai Gilead-tala tein-nala.

AMOS 1:13 Σταυροειδείς Αναφορές

2 SEMUEL 12:31

Fe'ek neme ndia mai, ana foo neni laun-nala, de nadenus ho'i leni hoholok, tata'tis, ma taka besi, fo nadenus tao bela-ba'uk nai mamana tao batu bata boe. Laun manai Amon kota fe'en-nala boeo, ana tao taos leondiak boe. Basa ndia boema, Dauk no solda'dun-nala lala'en-na, fali le'us leo Yerusalem leu.

2RAJA-RAJA 24:2

Boema, Manetualain nadenu hataholi mangalauk-kala ho'u tafa-sisilo, leme leoina Babel, Siria, Moab ma Amon mai, de ala la'ban Yoyakim, boema ala tao lakalulutuk Yehuda, de nandaa no Manetualain nafa'da basan tunga atan-nala, fo nde nabi-la.

2RAJA-RAJA 8:12

Hazael natane nae, “Tao le'e de, Tuan kii?” Boema, Elisa nae, “Nana au bubuluk, tatao-nono'i mangalauk fo, neukose o taon soaneu hataholi Israel-la. Neukose, o hotu heni kota-kota makota musun-nala, o taomisa hataholi muli-solu neulaun-nala, ma o ki'dumisa, ni'iana bongi beuanan-nala, boema o saika'di, inak-kailun-nala te'in-nala.”

2TAWARIKH 20:1

Teuk de'ubee makabuin-na boema Moab ma Amon solda'dun-nala sama-sama loo solda'du Meunim-mala sapu-la Yehuda.

2TAWARIKH 20:10

Besak ia leoina Amon, Moab ma Edom sapu-la ami. Lelek ami bei-ba'i kaim leme Masir mai, O ta fes loak langatuu-la leoina sila-la nusan-na fa. Boema ala la'ok tunga eno dook de ala ta tao lakalulutuk leoina Amon, Moab ma Edom sila-la fa.

NEHEMIA 2:19

Lelek Sanbalat, Tobia, ma Gesyem, fo hataholi Arab ndia, bubuluk ami dale tutu'um ndia boema, ala hika ma hakinonoli ami. Lafa'da lae, “Emi sanga tao beek? Ade emi sanga la'ban manek-ka paletan-na do?”

MAZMUR 83:7

leoina Edom ma Ismael, hataholi Moab-pala ma Hagar;

YESAYA 5:8

Soe ba'eneu emi fo manaasa uma-la, ma malaka-ma tina-la, soaneu popo-tama seluk neu emi hata-hetom-mala! Ta dook-ka so'on te, ta hapu mamanak soaneu hataholi fe'ek-kala so'on fo ka'da emi nde leo nai nusak ndia.

YESKIAL 21:28

“Hai hataholi daebafak fo, manasapu-manalalok-konei, kokolak dede'a nananafa'da elak leona! Mafa'da hataholi Amon fo, lakamumulu-lakamamaek basa Israel so, mae Au, Manetualain Fo Mademaina nafa'da nae, ‘Tafaina esa, nanasadia basak soaneu nado'do-napau so; tafaina ndia, nanafofola basak so, de isin-na nangale'do, sama leo ndelas-sa, fo ela naheheaon soaneu nanisa.

YESKIAL 25:1

Manetualain nafa'da au nae,

YESKIAL 35:10

Emi mafa'da, mae nau Yehuda do Israel no daen-na, esa-esak nde been-na, o hak ndia, ma o mae neukose emi manuu dae ndia, leomae Au, fo Manetualain nde been-na, sila Manetualain-na.

HOSEA 14:1

Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

AMOS 1:3

Manetualain nafa'da nae, “Laun Damsyik-kala lasala-lasingo tataas esa so, hu ndia de, tao leo bee-o, neukose Au hukus. Ala tao hataholi Gilead-tala no dale susue-lalai tak,

ULANGAN 2:19

Boema, emi losa mamanak manadeka no hataholi Amon, fo Lot tititi-nonosin-nala daen-na. Boso taos le'e do sapu-malas, nana neukose Au ta fe sila daen faa anak boen leo emi neu fa.’ ” (