AMOS 1:10 - Susula Malalaok Hehelu Palak Ma Hehelu Beuk

¹⁰ Hu ndia de, neukose Au haitua ha'i-a leo kota Tirus-sa papala-nanadaman-nala neu, fo na'a heni kota musun-nala.”

AMOS 1:10 Σταυροειδείς Αναφορές

YEREMIA 47:4

Losa fain-na ia so soaneu leoina Filistin nanatao namate-namopo la'i esak, de nalosa Tirus ma Sidon ta hapu tutulu-fafalik seluk fa. Au, Manetualain, neukose tao amate-amopo basa hataholi Filistin fo bei elak maneme Kreta mai-a.

YESKIAL 26:12

O musum sila-la, neukose ala kalo leni basa o hata-hetom, ma o bua dangam-mala lala'en-na. Neukose, ala tao lakalulutuk o papala nanadamam-mala, ma ala tao latu'u o uma mana'ahiim-mala. Neukose ala ho'i-la batun-nala, papan-nala, ma daen-nala, fo ala tapas leo tasi dale leu.

YESKIAL 26:4

Neukose, ala tao lakalulutuk o papala nanadama-mala, ma ala tao latu'u o umam-mala puni mademan-nala. Neukose Au sasapu heni dae sopuk manai naa-la, nalosa ela ka'da batu esa nai tasi tala'da.

YESKIAL 28:18

Manetualain nafa'da nae, “Hai Tirus, o tao manggenggeo o mamana huhule-haladoim-mala, nanahu nai lelek o mase'o-banasa, o tao salak ma o ta tao tunga ndoon-na fa. Hu ndia de, Au hotuheni o, nalosa o da'di afu nai dae lain. Basa hataholi manamete o-a, lita ka'da afu-a mesak-kana.

YOEL 3:4

Emi sanga tao Au ia le'e, hai Tirus, Sidon ma basa nusa Filistin-na lemin? Emi sanga balas nape'da dalek soaneu Au do? Nah, sipo-ma Au babala manamaing-nga no lai-laik.

AMOS 1:4

hu ndia de, neukose Au haitua ha'i leo Mane Hazael-la uma manen-na neu, ma Au hotu heni Mane Benhadad-ta, kota musun-nala.

AMOS 1:7

Hu ndia de, neukose Au haitua ha'i-a leo Gasa papala-nanadaman-nala neu, fo na'a heni kota musun-nala.

ZAKHARIA 9:4

Tehu neukose Manetualain tao-nan da'di nuu-taa hata-taak. Basa kota ndia, su'i-beten lala'en-na, neukose Ana tu'u-tapa henis leo tasi dale neu, ma neukose ha'i na'a heni kota ndia.