3 YOHANIS 1:10 - Susula Malalaok Hehelu Palak Ma Hehelu Beuk

¹⁰ Mahani te, metema au ne'i soona, de'i fo au ofe heni basa tatao-nono'in lala'ena, fo nde tatao-nono'i mangalaun ma masapepeko-masandandalin neu ami a! Tehu tatao-nono'in ndia, beita dai fan. Nai lelek fo nonoo Salani kala leu leo kota ndia leu boeo, ana ta nau sipo kasa fa. Lena-lenak bai, nafa'da hataholi mana sipok tolanook sila la, fo ladenu hataholi sila kalua la'oela Salani kala!

3 YOHANIS 1:10 Σταυροειδείς Αναφορές

AMSAL 10:10

See nafuni ndoos-sa soona, nakadada'dik toto'a-tataak; see nde fe salak neu hataholi no mangale'dok soona, ana tao susa tetu-temak-ka.

AMSAL 10:8

Hataholi malelak-ka, ana hii sipo nanoli-nafa'dak hataholi kokolan-na nggoak, neukose natofa-natalak.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

LUKAS 6:22

Maua-manalek neu emi, metema nananakamuu-nakadauk, nanatipahenik, nananakamumulu-nakamamaek, ma nanakala pepekok, hu ka nde Ana Hataholi ka!

YOHANIS 9:22

Hataholi ndia ina aman lafa'da lae leondia, nanahu ala bii lasi-lasi Yahudi la. Hu ka nde basa malanga Yahudi la lalahalak basa lae, metema see manaku Yesus da'dileo Mane Mana Fe So'da ka soona, ta bole neu leo uma mamasok dale neu so'on.

HATAHOLI 1:15

Faik esa, fo nai lelek lakabubua – fafa'kama hapu hataholi natun esa duahulu lai ndia – Boema Petrus fo'a napadeik de ana kokolak nae,

2 KORINTUS 13:2

Hataholi lelek maneuk eli la, ala tao basa sala-singok ma basa hataholi fe'e kala boeo au fe basa balataak nakahuluk ndek lelek au donge-dama emi nai kala'i dua na. Besak ia lelek au bei doo ka o emi, au fe emi nasanene'da seluk ae, metema au ne'i seluk soona, ta hapu hataholi esa boen neme sila mai a, neukse latapo'i neme huhuku ka mai fa.

GALATIA 6:10

Hu ndia de, metema bei hapu fai loak soaneu ita soona, ela leo bee na ata tao malole neu basa hataholi lala'ena, lena-lenak ba'eneu ita tolanoon fo, ita namahehelek esa.

1 TIMOTIUS 5:13

Nakalenak seluk bai, ala tu'u-tapa heni le'do fain fo leu dakak hinga uma tai kala. Boema mangalau ina na nde, ala kokolak langgenggeo hataholi na'den, ma hataholi dede'an o, leu sese'dok leo dalek leu, boema ala kokolak dede'ak fo tunga ndo na, ta nandaa ala kokola kana fa.

2 YOHANIS 1:10

Hu ndia de, metema hapu hataholi mai fo, ana ta tui-benga Kristus nanoli nala neu emi fa soona, boso mate'an ma boso sipok hataholi ndia leo emi umam neu.

2 YOHANIS 1:12

Au bei paluu afa'da emi, dede'a ba'u nanseli, tehu au dodoo basan ae, malole lenak au boso afa'dan tunga susula liik. Au amahena, au hapu loak fo au ne'i donge-dama emi soona, besa ka au kokolak matang o emi, fo ela ita basa-basa tala tamahoko te'e-te'e.

3 YOHANIS 1:3

Au amahoko anseli nana, nai lelek tolanoo salanik de'u bee, ala mai de lafa'da au lae, o lilineka mahele mo Manetualain fo ndoos ndia, hu ka nde nai o so'da ma dalek, o tunga mahele Manetualain nanoli nala.

3 YOHANIS 1:5

Tolanoo ngo nei! Tolanoo ka lilineka nai tolanoo ka tatao-nono'in dalek, soaneu tolanoo Salani kala; nakalenak bai, o beita malelak hataholi Salanik bee boen o, o malalau-maoonos.