2 SEMUEL 7:22 - Susula Malalaok Hehelu Palak Ma Hehelu Beuk

²² Tete'ek-ka, O matua-madema, ou Manetualain! Ka'da O mesam-ma nde Manetualain, de ta hapu hata esa boen, sama leo O fa. Ami bubuluk dede'ak ndia nana, nananafa'da basak neme makahulun eli mai so.

2 SEMUEL 7:22 Σταυροειδείς Αναφορές

2 SEMUEL 22:32

Nana, ka'da Manetualain nde Manetualain-na; Ita manamasala'en-na nde ka'da Manetualain mesak-kana.

1RAJA-RAJA 8:23

de ana hule-haladoi nae, “Amak, fo Israel Manetualain na! Nai lalai do nai daebafak-ka boe, ta hapu hata fo sama leo O fa! O tao matetu O hehelu-balataam ma O matu'du O susue-lalaim neu O anam fo manalilinekak ma manatunga O no dalek-katema tuak.

1 TAWARIKH 16:25

Nana Manetualain matuaina ma nanakoa-nanakiok nanseli; Ndia muse nanabii-namata'uk lena neme basa lamatua daebafak lala'en-na mai.

2TAWARIKH 2:5

Au ahiik fo ela Manetualain Uman fo neukose au afofo'an ndia, nalupa uma nanakoa-nanakiok, nana ami Amam Manetualaim nanakoa-nanakiok lena neme su'di lamatua daebafak bee mai boe.

MAZMUR 135:5

Nana au bubuluk, Manetualain tete'ek-ka matuaina. Ndia matuaina, lena heni basa lamatua daebafak lala'ena.

MAZMUR 145:3

Nana Manetualain matua-madema, ma nanakoa-nanakiok nanseli, matua-mademan ta hapu dodoo-nala fan.

MAZMUR 44:1

Teidalek Korah kokoa-kikion-na. Nakamee nanolik-ka. Soaneu mauli-malanga manakameek-kala.

MAZMUR 48:1

Teidalek Korah kokoa-kikion-na.

MAZMUR 86:10

Nana O makadelek, ma O tao manada'di beuk-kala, ka'da O nde Manetualain-na.

MAZMUR 86:8

Ou Manetualain, ta hapu lamatua daebafak sama leo O fa, ta hapu hataholi bisa tao hata fo, O taon fa.

MAZMUR 89:6

Nakabuak manai nusa so'dak-ka, koa-kio O tatao-nono'im fo matabeuk, ma lakamee O lilinekam, Manetualain.

MAZMUR 89:8

O nanafe ha'da-holomata nai basa hataholi malalao-malalafuk-kala dalek nanabii-naata'uk, neme basa hata manai O boboa-kaisum-ma.

MAZMUR 96:4

Nana Manetualain matuina, ma nanakoa-nanakiok nanseli, muse bii-namata'u neun, lena heni basa lamatua daebafak lala'ena.

KELUARAN 10:2

ma, fo ela o hapu tui o upu-anam tao leo beek, de Au tao akamiminak leoina Masir-rala nenik manada'di beuk sila-la. Boema emi basa-basam-mala bubuluk, mae Au nde Manetualain.”

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

KELUARAN 8:10

Manek ndia nataa nae, “Balahaa soona, hule-haladoi fe au.” Musa nae, “Neukose au tao atetu au Ama Maneng-nga nonoken-na. Soona neukose, au Ama Maneng-nga bubuluk, nae ta hapu Manetualain fe'ek, sama leo Manetualain, fo ami Manetualaim-ma.

KELUARAN 8:6

Boema, Harun leleuk aitete'en-na leo basa oe-la lain neu, boema lo'donggelek-kala poka mai, de henu nusak ndia.

KELUARAN 9:14

Oek ia soona, neukose Au fe soe-a ta la'e ka'da manapaleta-la, ma laun-nala mesak-kana fa, tehu neu o boe, fo ela o bubuluk, mae ta hapu hataholi nakasusu'dik no Au, nai daebafak-ka lala'en-na fa.

YESAYA 40:18

Da'di, o sanga makasasamak Manetualain no see? See kande, o mafa'da mae, mata-aon sama no Manetualain?

YESAYA 40:25

See kande, o mafa'da mae, mata-aon sama no Manetualain Fo Malalao-malalafuk-ka? O sanga makasasamak-kana no see ka?

YESAYA 45:18

Manetualain nde nakadada'dik lalai-a, Ndia nde Manetualain-na! Ndia nde manamakadada'dik ma manafe daebafak-ka lupak, Ana taon-nan, natea-nahele, ma napadeik nahele. Ana ta taon-nan da'di mamana nee-nee lino-linok fa, tehu soaneu mamana leleok. Ndia nde nafa'da nae, “Au nde Manetualain, de ta hapu fe'ek fa.

YESAYA 45:22

Hai, basa laun daebafak-ka lala'en-na, fali leo Au mai, fo ela emi nanasoi-tefak, nana ka'da Au nde Manetualain-na, de ta hapu fe'ek fa!

YESAYA 45:5

Au nde Manetualain, ta hapu fe'ek fa, Au Manetualain Fo Ka'da Kisak esa. Au fe basa o tafa-sisilo so, leomae, o ta malelak Au fa.

YESKIAL 36:22

Hu ndia de, manduku-malosak hata fo Au, Manetualain Fo Mademaina, nafa'da neu leoina Israel nae, ‘Hata fo, neukose Au taon nai fai makabuin, ta hu kande emi fa, hai hataholi Israel-la lemin, te hu kande emi meu su'di leo mamanak bee meu soona, emi tao manggenggeo Au na'de malalao-malalafung-nga.

YESKIAL 36:32

Hai leoina Israel-la lemin, mafandendelek leona, te Au tao basa sila-la, ta hu kande emi fa. Emi muse mame'da bibii-mamaek, ma nananakadadaek, hu kande emi ha'da-tataom-ma. Au, Manetualain Fo Mademaina, nde manakokolak-ka.’ ”

DANIAL 2:45

Ade, Ama Manek ta nita basa nae hataholi ta koila'e batu esa fa, te batu ndia tu'da neme felak lain mai, boema napaluni ma ana tao nakalulutuk dodoki-dudulak neme besi, liti, dae ulek, lilofulak ma lilopilas ndia mai hetu? Manetualain fo matuaina, nafa'da Ama Manek hata fo neukose ana da'di. Bisa lamahele me'is ndia, ma atam-ma nafa'da mangalele'don-na la'en.”

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

ULANGAN 3:24

Ou Manetualain Fo Matua Madema, au bubuluk hata fo O matu'dun neu au ia, besak-ka nalupa makasososak neme O tatao-nono'im matuainam ma nanadodoo doak. Ta hapu lamatua daebafak nau nai lalai do nai daebafak-ka boe, fo sama leo O taom-malak hata-hata fo ta uku-dou nala fan.

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa

ULANGAN 4:35

Manetualain natu'du basa sila-la neu emi, fo ana da'di ta'du esa, nae ka'da Manetualain ndia mesak-kana, nde Manetualain-na, de ta hapu lamatua daebafa fe'ek fa.

ULANGAN 4:39

Hu ndia de faik ia, mame'dak leona, fo boso mafandele henin: te ka'da Manetualain mesak-kana nde Manetualain fo nai lalai ma daebafak-ka; ta hapu lamatua daebafa fe'ek fa.

SEMUEL SUSULAK-KA ESAN-NA 2:2

Ta hapu malalao-malalafuk sama leo Manetualain fa! Ka'da Ndia nde hapu fe nasulu-nahapak.