2 SEMUEL 7:20 - Susula Malalaok Hehelu Palak Ma Hehelu Beuk

²⁰ Bai te, au afa'da seluk beek neu O bai? O bubuluk basa hata lala'en-na, la'eneu O atam ia so.

2 SEMUEL 7:20 Σταυροειδείς Αναφορές

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

1 TAWARIKH 17:18

Beek seluk bai fo au hapu afa'dan neu O, ou Amak Manetualain? O bubuluk basa hata lala'ena la'eneu O atam ia, tehu O bei fe ha'da-holomata neu au.

MAZMUR 139:1

Soaneu mauli-malanga nakameek-ka. Dauk Kokoa-kikiok. Ou Manetualain, O bubuluk besa-besa moo au, ma O malelak au.

YOHANIS 2:25

Ta paluu hataholi nafa'da mangalele'do hataholi esa boen, la'eneu Yesus fa, nana Ana bubuluk basa hataholi daebafa ka dale na so.

YOHANIS 21:17

Yesus natanen neu kala'i telu na nae, “Simon, fo Yona anan, ade o sue-lai Au do ta?” Boema Petrus dale na he'di sa, nana Yesus natanen losa la'i telu, Boema Petrus nataa seluk nae, “Lamatuak, Lamatua ka bubuluk basa hata lala'ena. Lamatua ka bubuluk, au sue-lai Lamatua ka!” Boema Yesus nafa'dan nae, “Makaboboi Au bi'ilopo ngala.

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.

YOSUA 5:14

Hataholi ndia nataa nae, “Ta tia-laik, ma ta musu boen. Au mai leo ia mai, da'di leo Manetualain malanga solda'du matuainan.” Yosua namanene dede'ak ndia boema, no lai-laik, nakaluku-nakatele neu hataholi ndia. Yosua nae, “Au ia, Tuan atan. Hata fo au bisa taon soaneu Tuan?”

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”