2 SEMUEL 5:3 - Susula Malalaok Hehelu Palak Ma Hehelu Beuk

³ Dauk tao hehelu-balataak no mauli-malangan Israel sila-la neme Hebron, boema ala ndo ein da'di mane Israel.

2 SEMUEL 5:3 Σταυροειδείς Αναφορές

2 SEMUEL 2:4

Basa boema, hataholi Yehuda-la mai leo Hebron mai, de ala ndo-ei Dauk da'di manek neu Yehuda. Lelek Dauk namanene, lae hataholi Yabesh manai Gilead-tala, latoi heni Saul popolan-na so boema,

2 SEMUEL 2:7

Matetea-mahehele emi dalem-ma, ma ho'i nakeketuk da'di leo palani ta'ti batu! Memak, emi manem Saul maten so, tehu hataholi Yehuda-la ndo-ei basa au, da'di emi manen so.”

2 SEMUEL 3:21

Basa ndia boema, Abner nate'a fo ana sanga fali boema nae, “Fe au loak fo au la'o, fo au u hoka basa hataholi Israel-la lala'en-na, fo ela lakabubua loo au Ama Maneng. Neukose ala sipok Tuan da'di manek, de no enok ndia, neukose au Ama Maneng paleta basa nusak-ka lala'en-na, fo nandaa no au Tuang-nga dale hihiin-na.” Basa boema, Dauk po'i Abner la'o, de Dauk nanea Abner so'dan-na.

1RAJA-RAJA 1:34

Nai naa, Zadok ma Natan muse so'un da'di mane Israel. Basa ndia soona, emi muse fuu pupuu ka ma eki mae, ‘So'dak ba'eneu Mane Salomo!’

2RAJA-RAJA 11:17

Imam Yoyada, nadenu Mane Yoas-sa, ma laun-na, fo ala tao hehelu-balataak loo Manetualain lae, neukose sila da'di Manetualain Anan. Nadenu manek-ka, fo ana tao hehelu-balataak no laun-nala boe.

1 TAWARIKH 11:1

Basa mauli-malangan leoina Israel-la, ala mai leo Dauk nai Hebron, de lafa'da lae, “Ami ia, Ama Manek tia-lain.

1 TAWARIKH 11:3

Boema Dauk tao hehelu-balataak no mauli-malangan Israel sila-la. Boema ala ndo ein da'di manek Israel, sama leo hata fo Manetualain helu basan tunga Semuel.

1 TAWARIKH 28:4

Amak, Manetualain, fo Israel sene-do'ok-ka, hele basa au ma au tititi-nonosing soaneu paleta Israel losa dodoon-na. Soaneu sadia mauli-malangan esa, boema Ana hele leo Yehuda, de neme leo ndia mai de Ana hele au amang teidalen-na. Ma neme basa au amang teidalen sila-la mai, Ana nau hele au, de Ana tao au da'di manek neu basa Israel-lala'en-na.

2TAWARIKH 23:16

Imam Yoyada leleko Manek Yoas-sa ma laun-na sama-sama loo ndia tao hehelu-balataak lae neukose sila da'di Manetualain anan.

NEHEMIA 9:38

Hu ka nde manada'dik sila lala'en-na, de ami laun Israel-la tao hehelu-balataak matea-nahelek ma nanasulak, ma ami cap-pana nenik ami mauli-malangam fo hataholi Lewi-la, ma ami imam esa cap-pa.

KELUARAN 3:16

Muu leona, fo maloo makabubua basa mane leo Israel-la. Fo po'a-benga neus, mae Au, Manetualain, fo sila bei-ba'i kain Abraham, Isak ma Yakob Manetualain-na, natu'du basa aoinan-na neu o so. Mafa'das mae Au mete basa sila so, de Au ita basa, leoina Masir-ra tao sila leo beek so.

YOSUA 10:36

Neme Eglon, Yosua no solda'dun-nala nda'e leo letelepak-ka leu, de leu leo kota Hebron-na leu, boema ala sapu-las,

HAKIM-HAKIM 11:11

Boema, Yefta la'o sama-sama no basa mauli-malanga Gilead-tala. Basa boema, laun Gilead-tala so'un da'di manakoasa ma mauli-malangan. Ma nai Manetualain matan, fo nai Mizpa, Yefta neni ndia nonoken-nala neu laun Gilead-tala.

SEMUEL SUSULAK-KA ESAN-NA 11:15

Boema basa-basas leu leo Gilgal leu, de nai mamana makaluku-makatele ndia, Saul nanadoo ei nabebeuk da'di manek. Ala tunu-hotu tutunu-hohotu mole-dame, de Saul boema basa leoina Israel-la lala'en-na, tao manada'dik ndia fetan-na.

SEMUEL SUSULAK-KA ESAN-NA 16:13

No lai-laik, Semuel ho'in-na mina setun ndia, de ana ndo ei Dauk, nenik ana lose mina neun, nai ka'an-nala matan. Nai hatematak ndia boe, Manetualain Duladalen-na koasa-na Dauk. Mulai neme faik ndia mai, Manetualain Duladalen-na sama-sama non tataas esa. Basa boema, Semuel fali ne'un leo Rama neu.

SEMUEL SUSULAK-KA ESAN-NA 23:18

Basa boema, Dauk no Yonatan tao hengenee-balataa tia-laik nai Manetualain matan. Basa boema, Yonatan fali ne'un leo uman neu, te Dauk leo nahele neme Hores.