2 SEMUEL 21:12 - Susula Malalaok Hehelu Palak Ma Hehelu Beuk

¹² neu ho'in-na Saul no Yonatan dui-kalun neme laun manai kota Yabesh-sa, nai Gilead. (Hataholi sila-la, lamanako-la dui-kaluk sila neme mook nakaminak bola manai kota Bet-San-na. Nai mamanak ndia nde, hataholi Filistin-nala lona Saul no Yonatan popolan-na, nai lelek ala sengi Saul neme Pupukuk Gilboa.)

2 SEMUEL 21:12 Σταυροειδείς Αναφορές

2 SEMUEL 1:21

Hai, pupukuk Gilboa-la lemin, mamanene au hala naloong-nga: Boso nalosak, dinis-sa ma u'dan-na nakadoe emi! Nemen-na, fo emi tinam-ma, ma emi moo-mala lamatuu ma tokotiik. Nana nai naa, palani ta'ti batu-la babaa fanan-nala, ala besenggela. Ma Saul babaa fanan-na boeo, nalulutu, ta lose mina neu so'on.

2 SEMUEL 1:6

Ta'eanak ndia nataa nae, “Nai lelek ndia, nandaa no atam-ma nai Letek Giboa lain, boema au ita Saul nasala'da teen-na, te kaleta musu-la, ma solda'du manasa'e ndala-la, ala deka fo sanga lakahapi-lan so.

2 SEMUEL 2:4

Basa boema, hataholi Yehuda-la mai leo Hebron mai, de ala ndo-ei Dauk da'di manek neu Yehuda. Lelek Dauk namanene, lae hataholi Yabesh manai Gilead-tala, latoi heni Saul popolan-na so boema,

2 SEMUEL 21:11

Lelek lafa'da Rizpa tatao-nono'in ndia neu Dauk boema,

2 SEMUEL 21:13

Dauk ho'i neni Saul no Yonatan dui-kalun sila neme mamanak ndia mai, boema nakaduduluk nakabubua hataholi ka hituk fo nanalonak sila-la, dui-kalun boe.

1 TAWARIKH 10:1

Hataholi Filistin-nala latee-lata'ti loo hataholi Israel-la. Latee-lata'ti leme letelepak Gilboa. Hataholi Israel makadotok mates lai ndia, de bei elak-kala lalai sama-sama loo Mane Saul-la no anamanen-nala.

1 TAWARIKH 10:12

sila hataholi palanin-nala leu ko'o-la Saul no anamanen-nala popolan-na, boema lenis leo Yabesh neu. Latoi duin-nala nai ai matuaina esa huun-na, basa boema, ala oka aon-nala faik 7 dalen-na.

1 TAWARIKH 10:8

Balahaa, fo nai lelek hataholi Filistin-nala mai lamanako popolak-kala boema, lita Saul no anamane ka 3-nala mates nai letelepak Gilboa so.

YOSUA 17:11

Manasye daen fo manai Isakhar ma Asyer nusan-nala dalek-ka, nde: Bet-Sean ma Yibleam no nggolo-nggolok manai boboa-kaisun-nala. Boeo: Dor (kota esa nai tasi su'un-na), En-Dor, Taanakh, Megido, no nggolo-nggolok manai boboa-kaisun-nala.

SEMUEL SUSULAK-KA ESAN-NA 28:4

Boema, nai lelek solda'du Filistin-nala lakabubua, de ala ofu deka loo kota Sunem-ma boema, Saul boeo, naloo nakabubua hataholi Israel-la, de ala ofu leme Letek Gilboa.

SEMUEL SUSULAK-KA ESAN-NA 31:1

Ndia te, hataholi Filistin-nala latee-lata'ti la'ban hataholi Israel-la, nai letelepak Gilboa. Mate hataholi Israel makadotok neme ndia, tehu nggelok loo Saul no anamanen-nala lalai.

SEMUEL SUSULAK-KA ESAN-NA 31:3

Natee-nata'tik-ka makee besa-besa nai Saul boboa-kaisun, de musu-a kokou isin-na tolan, nalosa nakahina matuaina.

SEMUEL SUSULAK-KA ESAN-NA 31:4

Boema, Saul nafa'da ta'eanak manaho'u tafa-sisilon nae, “Fe'a-ma, o tafainam-ma, fo paun neu au, fo ela hataholi fo ta lalelak Manetualain sila-la, boso tao lakamiminak au, fo taolisa au.” Tehu ta'eanak ndia, ta nau pau fan, nanahu ana sue-na Saul ba'un-na seli. Hu ndia de, Saul ho'in-na tafainan-na, de ana bala aoinan-na neu tafaina ndia, tanen lain.