2 SEMUEL 20:22 - Susula Malalaok Hehelu Palak Ma Hehelu Beuk

²² Boema ana la'o, de no dodole da'un-na, nanduku-nalosak ndia dudu'an ndia neu laun manai kota ndia. Basa ndia boema, ala te'te-la Seba langan-na, de ala tapan leo Yoab neu. Basa boema, Yoab puu pupuuk-ka, de solda'dun-nala la'oela kota ndia, de esa-esak fali ne'un leo uman neu. Yoab boeo fali ne'un leo Yerusalem neu, fo neu nataa manek-ka.

2 SEMUEL 20:22 Σταυροειδείς Αναφορές

2 SEMUEL 18:16

Yoab puu pupuuk-ka, de solda'dun-nala hahae usi solda'du Israel-la.

2 SEMUEL 18:17

Basa boema, ala ko'o-la Absalom popolan-na, de ala tapan leo oedolu esa dalek neu, nai nula dale. Boema, lakadofu ketu oedolu ndia nenik batu, losa nadodou leo lain neu. Basa solda'du Israel-la lala'en-na lalai, de esa-esak fali ne'un leo uman neu.

2 SEMUEL 2:28

Boema Yoab puu pupuuk-ka, fo da'di ta'du-tana ba'eneu solda'dun-nala, fo ela ala hahae usi hataholi Israel-la, boema natee-natatik ndia hahae leona.

2 SEMUEL 20:1

Nai kota Gilead-ta, hapu tou manatao tasibu esa, na'de Seba. Bikri neme leo Benyamin-na mai, anan ndia. Lelek hataholi manatunga Dauk-ka, beenongo mai boema, Seba puu pupuuk-ka, ma naloo bou-bou nae, “Dauk ndia, hataholi fe'ek, de sosoak hata, ita tunga hataholi ndia? Hai hataholi Israel-la lemin, mai fo ata fali teu-tala!”

2 SEMUEL 20:16

Ina manatee-tenok esa nai kota ndia; inak ndia napadeik neu papala nanadamak ndia lain boema, naloo bou-bou nae, “Mamanene! Mamanene! Moke leona, fo ela Yoab mai leo ia mai; au hii kokolak on.”

PENGKHOTBAH 7:19

Manatee-tenok-ka tao-na hataholi fo nanuu manatee-tenok-ka aon-na boetai makadelek neme manakoasa 10 nai kota esa.

PENGKHOTBAH 8:11

Tao le'e de, mu'dak la'iesak-kana, hataholi-a tao tatao-nono'i mangalauk-ka? Hu kande ta fe huhukuk-ka no lai-laik fa.