2 SEMUEL 19:10 - Susula Malalaok Hehelu Palak Ma Hehelu Beuk

¹⁰ Ita ndo-ei basa Absalom da'di manek so, tehu besak ia, ana mate nai natee-natatik dale so. Tao le'e de, ta hapu hataholi esa boen sanga enok, fo no falik Mane Dauk-ka fa?”

2 SEMUEL 19:10 Σταυροειδείς Αναφορές

2 SEMUEL 15:14

Boema, Dauk nafa'da basa hataholi mana'a ngga'din-nala nae, “Mai fo talai leo mamana fe'ek teu. Ka'da no enok ndia mesak-kana, ita hapu taso'da teme Absalom mai. Ta dook-ka so'on te, neukose ana mai. Lai-lai leona, fo boso nalosak ana usi dai ita, fo ana sengi ita, nalosa ana taonisa basa laun manai kota lala'en-na!”

2 SEMUEL 15:16

Boema, manek-ka no teidalen-nala lala'en-na, ma hataholi mana'a ngga'din-nala, ala la'o, tehu ana la'oela sao makahatun sanahulu, fo lanea uma manek-ka.

2 SEMUEL 18:14

Yoab nae, “Le'on-na leona! Basa le'do-fai no ka'da tale'a to o.” Boema Yoab ho'in-na tee telu de ana paun neu Absalom fanan-na, fo lelek ndia bei maso'dak, tehu lona-lona nai ai ndanak-ka.

2 SEMUEL 19:11

Hala-kokolak sila-la losa Mane Dauk-ka boe. Hu ndia de, nadenu Imam Zadok-ka ma Imam Abyatar-ra, fo leu latane basa mauli-malangan Yehuda-la, lae leo ia, “Tao le'e de, emi da'di hataholi mate'ek soaneu soluk manek-ka, fo moon fali ne'un leo uma manen-na neu fa?

2 SEMUEL 19:40

Basa solda'du Yehuda-la lala'en-na, ma solda'du Israel-la seli, ala tunga manek-ka fo ala lena lee-a. Basa ndia boema, manek-ka nakandoo leo Gilgal neu, de Kimham tunga non.

2 SEMUEL 19:9

Nale'a-napilik-ka da'di nai leo Israel-la lala'en-na. Lafa'da lae, “Mane Dauk-ka soi-tefa-nala ita teme hataholi Filistin-nala mai, ma ana soi-po'i ita tema musu fe'ek-kala mai so, tehu besak ia, nalai neme Absalom mai, de ana la'oela nusak ia so.

HOSEA 8:4

Au anang-ngala hele manek, tehu ta latane Au hahapung-nga fa. Ala so'u mauli-malangan, tehu ta latane Au dale hihiing-nga fa. Ala ho'i sila lilopila lilofulan, fo ala tao dodoki-dudula sosongo-tatangok, fo mate'en-na neni nakalulutuk ba'eneu sila seluk.

HAKIM-HAKIM 18:9

Boema lae, “Mai, fo teu sapu-ta Lais. Ami meu leo naa meu so, de ami mita, daen-na malole, maloa, ma maoe-maisik, basa hata lala'en-na nai naa. Boso mahele ka'da ia, fo ta tao hata esa boen. Teu lai-lai leo naa teu, fo tatona-ta, nusak ndia. Neukose emi bubuluk, laun-na ta bubuluk hataholi neu sapu-na sila fa. Ami mamahele, Manetualain fe basa nusak ndia neu emi so.”