2 SEMUEL 15:14 - Susula Malalaok Hehelu Palak Ma Hehelu Beuk

¹⁴ Boema, Dauk nafa'da basa hataholi mana'a ngga'din-nala nae, “Mai fo talai leo mamana fe'ek teu. Ka'da no enok ndia mesak-kana, ita hapu taso'da teme Absalom mai. Ta dook-ka so'on te, neukose ana mai. Lai-lai leona, fo boso nalosak ana usi dai ita, fo ana sengi ita, nalosa ana taonisa basa laun manai kota lala'en-na!”

2 SEMUEL 15:14 Σταυροειδείς Αναφορές

2 SEMUEL 12:11

Au soo, neukose o teidalem-mala leni fe o, susa-soe. Neukose, nai o matam, Au ho'i-a o saom-mala, fo Au fes leo hataholi fe'ek neu, fo ala sungu los nai le'dohana nees.

2 SEMUEL 15:15

Boema, lataa lae, “Hei, Ama Manek. Ami maheheleaom basa, soaneu tao beek boe, fo Ama Manek nahiik-kana.”

2 SEMUEL 19:10

Ita ndo-ei basa Absalom da'di manek so, tehu besak ia, ana mate nai natee-natatik dale so. Tao le'e de, ta hapu hataholi esa boen sanga enok, fo no falik Mane Dauk-ka fa?”

2 SEMUEL 19:9

Nale'a-napilik-ka da'di nai leo Israel-la lala'en-na. Lafa'da lae, “Mane Dauk-ka soi-tefa-nala ita teme hataholi Filistin-nala mai, ma ana soi-po'i ita tema musu fe'ek-kala mai so, tehu besak ia, nalai neme Absalom mai, de ana la'oela nusak ia so.

MAZMUR 51:18

O ta mahiik tutunu-hohotu nanado'dok fa; leo uni'ka, au tunu-hotu tutunu-hohotu nanatunuk soona, O ta mahiik-kana fa.

YESKIAL 46:18

Manapaleta ndia, ta bole ho'i-na laun-na, daen faa anak boen. Ana bole fe ndia daen-na, leo anamanen-nala neu, fo ela Au anang-ngala, esa boen, ta bole pasi neme pusakan-na mai fa.”

MATEOS 11:12

Mulai neme Yohanis tui-benga tutui-bebengan losa besak ia, boema Manetualain hataholi kamahehele nala nanalena la'bak neme hataholi mana sanga enok ninik be'i-balakai kala mai.

LUKAS 10:15

Boema emi, fo kota Kapernaum, emi maedaenga, neukose ala so'u lamdedema emi losa nusa so'da ka do? Ta! Nakalenak bai, tao leo bee o, ala tapa emi leo tasi ha'ik dale meu!”