2 SEMUEL 1:11 - Susula Malalaok Hehelu Palak Ma Hehelu Beuk

¹¹ Dauk namanene boema, ana siba'e bua papaken-na, nanahu dalen-na he'dis-sa, ma solda'dun-nala boeo ala tao leondiak.

2 SEMUEL 1:11 Σταυροειδείς Αναφορές

KEJADIAN 37:29

Lelek Ruben fali leo oedolu ndia neu te, ta nita Yusuf nai ndia so'on boema, ana sii sii-lulu'i bua-lo'an nanahu dalen-na he'di sa.

KEJADIAN 37:34

Yakob siiba'e bua-lo'an nanahu dalen-na he'di sa ma ana pake bua-lo'a manafaluk. Ana kii-makaleleu anan ndia fai-faik.

KEJADIAN 44:13

Ka'an-nala susa lanseli, nalosa ala sisii-lulu'i bua papaken-nala. Ala fufua keledeim-nala de ala fali leo kota leu.

2 SEMUEL 13:19

Boema, Tamar tao afu neu langan lain, ana siiba'e ba'du manalun-na, de ana la'o no ana ko'o ketu mata-panan nenik liman duas, ma ana kii noi-noi.

2 SEMUEL 13:31

Manek-ka fo'a napadeik, boema ana sii sii-lulu'i bua papaken-na, nanahu dalen-na he'dis-sa, ma ana bala aoinan-na neu dae lain. Basa hataholi mana'a ngga'din-nala boeo, ala sii sii-lulu'i sila bua papaken-nala.

2 SEMUEL 3:31

Basa boema, Dauk paleta Yoab no solda'dun-nala, fo ela ala siba'e sila bua papaken-nala, ma ala pake tema susa, boema ala kii-makaleleu Abner. Ma nai lelek ala ndolo kopak-ka fo leu latoi, Mane Dauk-ka mesak-kana la'ok nai kopak-ka dean-na.

2RAJA-RAJA 5:7

Lelek mane Israel-la lees susulak ndia boema, ana sii-sii bua papaken-na, nanahu dalen-na, ta tesa-tama fa, boema nae, “Soe! Hu beek de, mane Siria ndia noke au tao alea-ahai hataholi ia? Manetualain ta nde au fa, fo nanuu koasa, soaneu tao naso'da do tao namate hataholi! Tao leo bee-o, mane Siria ndia, ka'da sanga salak no au ndia.

2TAWARIKH 34:27

o tukatei-saledale, ma o makaloe-makadae aoinam-ma nai Au matang. Au fe basa nasanene'dak mahelek soaneu huku Yerusalem no laun-nala, tehu nai lelek o mamanene la'eneu Au hala nasanene'da maheleng ndia boema, o kii ma o sii sii-lulu'i o bua-lo'a papakem-ma da'di leo ta'du-tana dale he'dik. Au amanene o huhule-haladoim so,

EZRA 9:3

Au amanene dede'ak ndia boema, au asasale dale anseli, nalosa au sisii-lulu'i au bua papakeng-nga, ma au sisii-lulu'i au langadoong-nga, ma au nggolomeing-nga, boema au angatuuk no dale nakalulutuk.

ESTER 4:1

Lelek Mordekhai namanene hata fo ana da'di so, boema ana sii nakalulutuk bua papaken-na, de ana pake lafa lapik, fo da'di neu ta'du-tana dale he'dik. Ana nggali afu leo langan lain neu, boema ana la'ok nai kota dale, ma ana kii dola-dola mesan, no dale he'dik.

YEREMIA 36:24

Leomae Elnatan, Delaya, ma Gemarya dokodoe no namahenak nanseli, fo ela manek-ka boso hotuheni susulak nanalunuk ndia, tehu ana ta nau namanene fas. Leomae manek-ka do basa mauli-malangan fo manamamanene susulak ndia isin-na boeo, ala ta bii do lasasale dale fa.

YOEL 2:13

Siiba'e o dalem-ma, te boso siiba'e o bua papakem-ma.” Fali leo Manetualain fo o Manetualaim mai. Ana ta haelai namanasa, ma manasue-laik dale malole ma dale manakasian. Ana hii fe do'o do ampon, ma Ana ta nau huku-doki fa.

HATAHOLI 14:14

Lelek fo Barnabas no Paulus bubuluk hataholi sila la sanga tao beek ndia boema, duas sisii-lulu'i bua papake nala, de lalai leo hataholi makadotok sila la tala'da leu ma ala nggasi lae,

ROMA 12:15

Mamahoko mo hataholi manamamahoko kala, ma kii mo hataholi manakii kala.

YOSUA 7:6

Yosua ma basa hataholi Israel-la, mauli-malangan-nala, dalen-nala he'dis nanseli, nalosa ala sisii-lulu'i bua-lo'an, de lele'dok esa dalen-na, losa le'odae, ala sene-do'ok nai Manetualain Peti Hehelu-balataan matan-na, ma ala tao afu neu langan-nala lain, fo da'di leo ta'du-tana dale he'dik.