2TAWARIKH 7:17 - Susula Malalaok Hehelu Palak Ma Hehelu Beuk

¹⁷ Metema o sama leo o amam Dauk, maso'da tunga Au hihii-nanaung ma tunga Au hoholo-lalaneng boema tao basa hata fo Au paletan neu o,

2TAWARIKH 7:17 Σταυροειδείς Αναφορές

1RAJA-RAJA 11:38

Metema o sama leo Au atang Dauk fo o tunga Au no dalek-katema tuak boema maso'da tunga Au hoholo-lalaneng, ma tao mamahoko Au daleng-nga nenik tao basa hata fo Au paletan neu o, soona neukose Au ook-ko tataas esa. Neukose Au fe o da'di manek nai Israel. Neukose Au helu memak ae o tititi-nonosim neukose da'di mane Israel nggati o, sama leo hata fo Au tao basan soaneu Dauk.

1RAJA-RAJA 2:3

Tao-no'i hata fo o Manetualain paletan neu o. Tao tunga basa hoholo-lalanen ma paleta-paletan fo nanasulak nai Musa susulan dale, fo ela o muu leo bee muu boeo neukose o hapu buna-boak nai o tutunga-sasangam lala'en-na dalek.

1RAJA-RAJA 3:14

Ma metema o sama leo o amam Dauk, fo ana tunga Au boema ana tunga Au hoholo-lalaneng soona, neukose Au fe o fai nalu-le'do loak.”

1RAJA-RAJA 8:25

O boeo maheluk basa moo au amang mae metema tititi-nonosin te'e-te'e ala tunga Au sama leo ndia, soona neukose o tititi-nonosim da'di manek neu Israel tataas esa. Besak ia, ou Amak, fo Israel Manetualain na, tao matetu basa hata fo O helu basan neu au amang Dauk, fo O atam ndia.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

2TAWARIKH 6:16

O boeo helu basa neu au amang mae te'e-te'e tititi-nonosin tunga Au hoholo-lalaneng sama leo ndia, soona hataholi esa neme tititi-nonosin mai, neukose ana paleta da'di manek nai Israel losa dodoon-na. Besak ia, ou Amak fo Israel Manetualain-na, tao matetu basa hata fo O helun neu au amang Dauk fo O atam ndia boe.

2TAWARIKH 7:16

Basa sila-la, neukose Au taon nanahu Au hele basa mamanak ia ma Au taon da'di mamana makaluku-makatele hehelik neu Au losa dodoon-na. Neukose Au taoafik-kana ma Au asulu-ahapan neme doon losa doon-na.

2TAWARIKH 7:18

soona neukose Au atetu Au hehelu-balataang neu o amam Dauk ae neukose hapu hataholi esa tataasesa neme tititi-nonosin mai, da'di manek nai Israel.

MAZMUR 105:45

fo ela anan sila-la, tunga hoholo-lalanen, ma tunga paletan-nala. Koa-kio Manetualain leona!

MAZMUR 119:5

Ela leo bee-na, au tunga O nakanenetem-mala no dale matea-mahelek.

YESKIAL 36:27

Neukose Au akona, Au Duladaleng-nga leo emi dalem dale neu, ma Au anea emi, fo ela emi maso'da tunga Au hoholo-lalaneng, boema emi tunga basa Au paletang-ngala.

ZAKHARIA 3:7

“Metema o tao tunga Au hoholo-lalaneng, ma o makalala'ok Au fe o bela-ba'uk-ka, soona o bole da'di mauli-malangan nakandondoo henin, nai Au Umang dale, ma o ito-ato uma so'dan-na. Neukose Ao amanene o hule-haladoim-mala, sama leo Au amanene basa ata nusa so'dak manadeka loo Au-a, huhule-haladoin-nala.

YOHANIS 14:21

Hataholi fo ana sipok Au paleta ngala fo ana tao tungan soona, ndia nde sue-lai Au a. Boema Au Ama nga sue-lai hataholi manasue-lai Au a. Neukose Au boeo sue-lai hataholi ndia, fo Au atu'du Au aoina nga neu hataholi ndia.”

YOHANIS 15:10

Makanaema emi makalala'ok Au paleta nga, ma emi ho'u mahele Au susue-lalaing sama na leo Au ho'u ahele Ama ka susue-lalain, hu ka nde Au akalala'ok paleta nala.

ULANGAN 4:40

Tunga la'iesak hoholo-lalanek fo au fen neu emi nai faik ia, soona emi ma emi tititi-nonosim neukose maso'da no tetu-temak, ma emi maso'da makandoo nai emi Manetualaim-ma fe emi nusak-ka losa dodoon-na.”