2TAWARIKH 6:14 - Susula Malalaok Hehelu Palak Ma Hehelu Beuk

¹⁴ “Amak, fo Israel Manetualain-na! Nai lalai do nai daebafak-ka boeo, ta hapu hata fo sama leo O fa! O tao matetu O hehelu-balataam ma O matu'du O susue-lalain neu O anam fo manalilinekak-kala ma manatunga O no dale katematuan-nala.

2TAWARIKH 6:14 Σταυροειδείς Αναφορές

KEJADIAN 17:1

Lelek Abram teun siohulu sio boema, Manetualain natu'du aoinan-na neun, de nae, “Au nde Manetualain, Fo Manakoasa. Tunga Au, ma tao-no'i Au hihii-nanaung tataas esa.

KEJADIAN 33:20

Basa boema, ana taon-na mei tunu-hotuk esa neu mamanak ndia, de ana foin na'de “El, fo Israel Manetualain-na.”

KEJADIAN 35:10

Manetualain nafa'dan nae, “Neukose ta loke o lae Yakob so'on, tehu Israel.” Leondiak Manetualain foin na'de Israel.

KEJADIAN 5:24

Hu kande Hanok naso'da teik esa-dalek esa no Manetualain, de nalosa mopok-kana, nanahu Manetualain ho'i-nan.

2 SEMUEL 7:22

Tete'ek-ka, O matua-madema, ou Manetualain! Ka'da O mesam-ma nde Manetualain, de ta hapu hata esa boen, sama leo O fa. Ami bubuluk dede'ak ndia nana, nananafa'da basak neme makahulun eli mai so.

1RAJA-RAJA 18:36

Lelek fai na losa fe tutunu-hohotu le'donoso ka boema, Nabi Elia neu deka no mei tunu-hotuk ndia, boema ana hule-haladoi nae, “Ou Amak, Manetualain fo Abraham, Isak ma Yakob sene-do'ok-ka, matu'dun besak ia mae O nde Manetualain nai Israel, ma au ia O atam. Boeo matu'du mae basa hata lala'en fo au taon ia nde been-na no O paleta ma.

1RAJA-RAJA 3:6

Salomo nataa nae, “Manetualain, O matu'du basa mae O sue-lai man seli neu au amang Dauk fo O atam ndia. Au amang ndia malole, ana tao tunga ndoon-na boema ana lilineka neu O. Ma da'dileo buti esa nae losa nakandondoohenin, O sue-lai mahelen, ma O fen ana touk esa fo besak ia ana paleta nggatin.

1RAJA-RAJA 6:12

“Metema o tunga basa Au hoholo-lalaneng ma Au paletang-nga soona, neukose Au tao atetu hata, fo Au helu-balataan neu o amam Dauk so.

1RAJA-RAJA 8:23

de ana hule-haladoi nae, “Amak, fo Israel Manetualain na! Nai lalai do nai daebafak-ka boe, ta hapu hata fo sama leo O fa! O tao matetu O hehelu-balataam ma O matu'du O susue-lalaim neu O anam fo manalilinekak ma manatunga O no dalek-katema tuak.

1 TAWARIKH 29:10

Manek Dauk-ka koa-kio Manetualain nai hataholi makadotok sila-la matan. Ana nafa'da nae, “Ou Manetualain fo ami bei-ba'i kaim Yakob sene-do'ok-ka, kokoa-kikiok soaneu O losa dodoon-na!

1 TAWARIKH 29:20

Ana hule-haladoi basa nae leondia boema, nafa'da hataholi makadotok fo manamaka bubuak manai sila-la nae, “Koa-kio emi Manetualain leona.” Boema basa hataholi sila-la koa-kio Amak, Manetualain fo sila bei-ba'i kain sene-do'ok-ka. Boema ala sene-do'ok soaneu fe ha'da-holomata neu Manetualain ma manek-ka.

2TAWARIKH 20:6

de ana hule-haladoi no napane'e hala-na nae, “Ou Amak, fo ami bei-ba'i kaim-mala Manetualain-na! O Manetualain manai nusa so'dak-ka, ma manapaleta basa leoina lala'en-na nai daebafak-ka. O manakoasa ma mabe'i-balakai; ta hapu hataholi esa boen fo nabe'i la'ban O.

NEHEMIA 1:5

“Ou Manetualain Manetualain fo manakoasa nai nusa so'dak-ka. O, Manetualain fo Matuaina, de ami mai leo O matam no bibii-namata'uk. O lilineka mahele, ma O ho'u mahele O hehelu-balataam neu hataholi fo manasue-lai neu O, ma manatunga O paletam-ma.

MAZMUR 86:8

Ou Manetualain, ta hapu lamatua daebafak sama leo O fa, ta hapu hataholi bisa tao hata fo, O taon fa.

MAZMUR 89:28

Neukose Au taon da'di, Au ana tou ulung, fo matua-madema nanseli, nai basa mane-manek-kala tala'da.

MAZMUR 89:6

Nakabuak manai nusa so'dak-ka, koa-kio O tatao-nono'im fo matabeuk, ma lakamee O lilinekam, Manetualain.

MAZMUR 89:8

O nanafe ha'da-holomata nai basa hataholi malalao-malalafuk-kala dalek nanabii-naata'uk, neme basa hata manai O boboa-kaisum-ma.

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

KELUARAN 3:15

Boeo tui-benga fes, mae Au, Manetualain, fo sila bei-ba'i kain Abraham, Isak ma Yakob Manetualain-na, nadenu au mai leo emi mai. Au nde Manetualain, fo Au na'deng-nga nde ndia, losa dodoon-na. Au na'de nonokeng-nga nde ndia, soaneu basa leoina lala'en-na, neme tititi-nonosik leo tititi-nonosik neu.

KELUARAN 8:6

Boema, Harun leleuk aitete'en-na leo basa oe-la lain neu, boema lo'donggelek-kala poka mai, de henu nusak ndia.

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

YEREMIA 10:6

Manetualain do mandela masa'ak, ta hapu sama leo O fa, O na'dem-ma matua-madema ma henuk no koasa.

DANIAL 9:4

Au manaku basa au laoinang-nga sala-singon-nala neu Manetualain fo au Manetualaing-nga. Au afa'da ae, “Manetualain O matua-madema, de ami fe ha'da-holomata neu O. O tao matetu O hehelu-balataam do'e-do'e, ma O matu'du O susue-lalai manaketu basa tam-ma neu sila fo manasue-lai O, ma manatao-no'i hata fo O paletan.

LUKAS 1:50

Neme tititi-nonosik leo tititi-nonosik neu Manetualain tao dale susue na neu hataholi fo manabii neu na.

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

LUKAS 1:72

Soaneu natu'du dale malole na neu ita bei ba'ikai nala, de neukose Ana tao natetu hehelu-balataa malalaon ndia.

ULANGAN 3:24

Ou Manetualain Fo Matua Madema, au bubuluk hata fo O matu'dun neu au ia, besak-ka nalupa makasososak neme O tatao-nono'im matuainam ma nanadodoo doak. Ta hapu lamatua daebafak nau nai lalai do nai daebafak-ka boe, fo sama leo O taom-malak hata-hata fo ta uku-dou nala fan.

ULANGAN 4:39

Hu ndia de faik ia, mame'dak leona, fo boso mafandele henin: te ka'da Manetualain mesak-kana nde Manetualain fo nai lalai ma daebafak-ka; ta hapu lamatua daebafa fe'ek fa.

ULANGAN 7:9

Mafandendelek mae ka'da emi Manetualaim-ma mesa-mesak-kana nde Manetualain-na, ma Ndia nde Manetualain fo manalilinekak. Manetualain tao natetu hehelu-balataan, ma natu'du nahele susue-lalain neu hataholi fo, manasue-lain neun-na, ma manatunga paletan-nala, losa bobongik lifun esa.

1 TESALONIKA 2:12

Ami manoli-mafa'da emi, ami matetea-mahehele emi dale ma, ma ami makaseti emi fo ela emi maso'da tao leondiak fo nandaa no Manetualain dale na. Nana Manetualain nalo basa emi, fo sue ka nde emi da'di Ndia hataholin nai Daebafa Beu na dalek, ma emi mame'da mita matua-mademan.