2TAWARIKH 14:3 - Susula Malalaok Hehelu Palak Ma Hehelu Beuk

³ Ana si'uheni leoina fe'ek-kala mei tunu-hotun-nala ma mamana sosongo-tatangon-nala. Ana tao nakalulutuk lamatua daebafak-kala batu lutun-nala, ma lamatua daebafak Inak Asyera dodoki-dudulan diin-nala.

2TAWARIKH 14:3 Σταυροειδείς Αναφορές

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

2RAJA-RAJA 18:4

Ana tao nakalulutuk lamatua daebafak-ka mamana sosongo-tatangon-nala, ma ana tao natu'u batu lutun-nala, boema ana tao nalutu lamatua daebafak Inak Asyera, dodoki-dudulan. Boeo ana tao nakalulutuk menge liti, fo Musa taok-ka, fo loken lae Nehustan. Nana, losa lelek ndia, hataholi Israel-la, bei tunu boomenik fo fe ha'da-holomata neu menge liti ndia.

2RAJA-RAJA 23:14

Ana tao natu'u lamatua daebafak-kala batu lutun-nala, ma lamatua daebafa inak Asyera, dodoki-dudulan, boema dae, fo nai bee, batu lutu ma dodoki-dudulak sila-la lapadeik-ka, Yosia nakadofu ketun nenik, hataholi-la duin-nala.

2RAJA-RAJA 23:6

Ana kalua heni Lamatua Daebafa Inak Asyera, dodoki-dudulan neme Manetualain Uman dale mai, de nenis leo kota deak neu, fo leo Bafak Kidron-na neu. Ana hotu heni dodoki-dudulak sila-la, neme Bafak Kidron-na, boema ana pau ha'i kaan-na, de sopuanak, boema ana nggali afun-na leo laun-nala mamana loo-laten neu.

2TAWARIKH 14:2

Asa nandaa no Manetualain dalen-na nenik ana tao hata fo ndoos ma matetuk ma malole.

2TAWARIKH 14:4

Nadenu laun Yehuda-la laso'da tunga Amak, fo sila bei-ba'i kain-nala Manetualain-na hihii-nanaun, ma ala tunga nanolin ma paletan-nala.

2TAWARIKH 15:17

Leomae leondiak boe, Asa ta tao nakalulutuk la'iesak mamana sosongo-tatangok manai nusak ndia fa, tehu nai fai maso'dan-na dalek, ana lilineka nahele neu Manetualain.

2TAWARIKH 33:16

Basa boema ana tao nahii mei tunu-hotuk fo mamana makaluku-makatele neu Manetualain-na, boema ana fe tutunu-hohotu mole-dame ma tutunu-hohotu makasi neu ndia. Nadenu basa hataholi Yehuda-la sene-do'ok neu Israel Manetualain.

2TAWARIKH 34:4

Yosia ana boa-nala tao lakalulutuk dodoki-dudulak ma sosongo-tatangok boema ala nggali sosongo-tatangok sila-la sopun-nala leo hataholi fo manafe tutunu-hohotuk neu sosongo-tatangok sila-la laten lain. Ala tao lakalulutuk Baal mei tunu-hotun-nala ma mei tunu-hotu boomenik manai sila-la.

KELUARAN 34:13

Da'di, boso tao leondiak, tehu tao makalulutuk sila mei tunu-hotun-nala, ma lo'oheni sila sosongo-tatangon Asyera, diin-nala.

IMAMAT 26:30

Neukose, Au tao akalulutuk emi mamana sosongo-tatangom-mala nai pupukuk-kala lain, ma Au tao akalulutuk emi mei tunu-hotum, fo mamanak tunu boomenik-ka, boema Au tapa emi popolam-ma leo emi sosongo-tatangom fo nakalulutuk basak sila-la lain neu. No maluak,

ULANGAN 7:25

Hotuheni, dodoki-dudula sosongo-tatangok fo, ala sene-do'ok-kala. Emi dalem-ma boso tu'da neu liliofulak do lilopilas fo nananakadiditak, neu dodoki-dudulak sila-la, boema emi ho'i malas. Metema, emi la'olena paleta ndia soona, neukose mate emi, nana emi Manetualaim-ma ta hii hataholi fo, manasene-do'ok neu dodoki-dudulak sosongo-tatangok fa.

ULANGAN 7:5

Hu ndia de, tao makalulutuk leoina sila-la, mei tunu-hotun-nala, tao makalulutuk lutubatu sosongo-tatangon-nala, tao makalulutuk dii sosongo-tatangon-nala, ma hotu heni dodoki-dudula sosongo-tatangok fo ala sene-do'ok-ka.