1 YOHANIS 4:2 - Susula Malalaok Hehelu Palak Ma Hehelu Beuk

² Metema emi nau bubuluk, ade Manetualain Dula Dalen ndia do ta soona, eno na leo iak: Metema hataholi esa, ana manaku nae, Yesus Kristus Ana da'di sama leo hataholi daebafa ka de Ana mai leo daebafa ka mai soona, hataholi ndia Dula Dale na neme Manetualain mai ndia.

1 YOHANIS 4:2 Σταυροειδείς Αναφορές

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

1 KORINTUS 12:3

Emi muse bubuluk te, hataholi fo Manetualain Dula Dale na hela-nolen soona, ta bole kokolak nae, “Yesus nanasoo-supak!” Leondiak boe, ta hapu hataholi esa boen nafa'da nae, “Yesus nde Lamatua ka,” metema Manetualain Dula Dale na ta hela-nole hataholi ndia fa.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

1 YOHANIS 1:2

Lelek fo maso'dak ndia natu'du ao ina na, ami mitan. Hu ndia de ami da'di sakasii la'eneu maso'dak ndia. Ami tui-benga fe emi, so'da matetu ka ma mana ketu basa ta ka, fo hapun sama-sama no Ama ka, boema Ama ka natu'dun neu ami de ami mitan so.

1 YOHANIS 2:23

Metema see ta sipok Ana ka fa soona, ana ta sipok Ama ka boen. Tehu metema see sipok Ana ka soona, ana sipok Ama ka boe.

1 YOHANIS 4:15

Ba'eneu see fo ana sipok Yesus ndia nde been-na Manetualain Anan soona, Manetualain naso'da no hataholi ndia, ma hataholi ndia boeo, naso'da no Manetualain.

1 YOHANIS 4:3

Tehu metema hataholi esa, ana ta sipok Yesus fa soona, hataholi ndia ta nanuu Manetualain Dula Dale na fa. Te hataholi ndia nanuu Kristus Musu noo na dula dale na nde ndia. Tolano ka mamanene basa lae, neukose dula dalek ndia, ana mai, de besak ia, ana mai nai daebafa ka so.

1 YOHANIS 5:1

Metema see namahele Mane Mana Fe So'dak fo Manetualain helu ka, fo nde Yesus soona, Manetualai nanan hataholi ndia. Boema metema hataholi a ana sue-lai amak esa, soona ana sue-lai ana na boe.

2 YOHANIS 1:7

Hataholi mana ke'dindiuk ba'u ka, ala tapasasala leo basa daebafa ka lala'ena leu so. Hataholi sila la nde ta nau sipok Yesus Kristus mai hai neme daebafa ka, boema ta lamahele, Ana da'di hataholi daebafak fa. Hataholi matak leo sila kala, hataholi mana ke'dindiuk, fo Kristus Musu No nala nde hataholi sila la.