1 YOHANIS 3:22 - Susula Malalaok Hehelu Palak Ma Hehelu Beuk

²² Boema ita token beek soona ita hapun, nana ita tunga paleta na ma ita tatao-nono'in nandaa no dale na.

1 YOHANIS 3:22 Σταυροειδείς Αναφορές

AYUB 22:26

Soona o bole mamahele neu Manetualain, tataas esa, ma o bubuluk, mae Ndia nde da'di oemata, soaneu o ua-nale malolem-ma.

MAZMUR 10:17

Manetualain, O mamanene hataholi nananakadadaek-ka, huhule-haladoin, ma O matetea-mahehele dalen-nala.

MAZMUR 34:4

Mamatutua-mamadedema Manetualain sama-sama mo au leona, mai fo ata sama-sama koa-kio na'den-na.

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

AMSAL 15:29

Metema hataholi malole-a hule-haladoi soona, Manetualain namanene, tehu Ana ta taoafik neu hataholi malelesik-ka fa.

AMSAL 28:9

Metema, o ta tunga Manetualain hoholo-lalanenfa soona, neukose Manetualain boeo, malua o huhule-haladoim.

YESAYA 1:15

Metema, emi so'uk emi limam-ma, fo emi hule-haladoi soona, Au ta nau taoafik neu fan. Au ta paluu emi huhule-haladoim dede'un-na de'ubee fa, ma Au ta nau amanene fan, nana emi manisa la'i ba'uk-ka nenik emi limam ndia so.

YEREMIA 33:3

“Maloo bou-bou neu Au, soona neukose Au ataa; neukose Au afa'da neu emi dede'ak fo neulau ina-la, ma matua-madema-la fo emi beita bubuluk fa.

MATEOS 17:5

Petrus bei kola-kola te, ko'a fulak bubuak esa fula elu-elu ana poti nalas, ma hala ka nananamanemek neme ko'as ndia dalek mai nae, “Ia nde Au ana susue nga. Nandaa no Au dale nga. Mamanene neun!”

MATEOS 21:22

Su'di beek ndia boe, fo emi moken nai emi huhule-haladoi ma dalek, soona neukose emi hapun, sa'di emi mamahele.”

MARKUS 11:24

Hu ndia de mafandendelek dede'ak ia: Metema emi hule-haladoi fo emi moke hata esa soona, mamahele te, Manetualain fe basa hata fo emi mokek ndia so, de neukose emi sipon.

YOHANIS 14:13

Boema metema emi moke hata esa minik Au na'de nga soona, neukose Au fe emi, fo ela Ama ka nananamatutua-namadedemak tunga Ana ka.

YOHANIS 15:10

Makanaema emi makalala'ok Au paleta nga, ma emi ho'u mahele Au susue-lalaing sama na leo Au ho'u ahele Ama ka susue-lalain, hu ka nde Au akalala'ok paleta nala.

YOHANIS 15:7

Metema emi da'di esa mahele mo Au, boema Au nanoli nga nai emi dalem dale, fo emi hii beek soona moke Ama ka, te neukose Ana tao natetu emi nonokem ndia.

YOHANIS 6:29

Boema Yesus nafa'das nae, “Manetualain nau emi tao ka nde ia: mamahele Manetualain nadenu Hataholi a, leona.”

YOHANIS 8:29

Boema Ndia fo manamadenu Au a, no nahele Au. Ana ta po'ilotak Au mesa nga fa, nanahu Au tatao-nono'ing nandaa no dale na tataas esa.”

YOHANIS 9:31

Ita bubuluk basa, Manetualain ta nau namanene hataholi masala-masingo ka huhule-haladoin fa, te namanene ka'da hataholi manafe ha'da-holomata ma manatao tunga hihii-nanau na, huhule-haladoin dei.

HATAHOLI 17:30

Manetualain nafandeleheni ita nggoa na so, tehu besak ia nadenu basa hataholi daebafa ka tukatei-saledale leme sala-singo nala mai.

HATAHOLI 20:21

Au fe nasanene'dak tataas esa, nau neu hataholi Yahudi do leoina fe'e kala, fo ela ala tukatei-saledale leme sala-singo nala mai, fo ala fali leo Manetualain mai, boema lamahele Lamatuak Yesus.

FILIPI 4:18

Au sipoalas te see ko na dai ma lena! Emi haitua fe au basa tutulu fafali kala, au sipo alas neme Epafroditus mai so. Besak ia, au hapu basa hata fo au paluu ka so. Emi fe feem sila la, sama leo tutunu-hohotu kaboo minik esa, fo ala fen leo Manetualai na neu de, Manetualain sipo nan no namahokok.

KOLOSE 1:10

No enok leondia ka, de besa ka emi hapu maso'da tunga Manetualain hihii-nanaun, boema tao ma dale na namahoko tataas esa, nalosa nai basa dede'ak lala'e na dalek, emi hapu mabuna-maboa tatao-nono'i malole. Boema emi boe tai malelak Manetualain.

IBRANI 13:21

Sa'di tao leo bee na Manetualain, fo oe mata mole-dame ndia, tao natetu-nandaa emi, ninik basa hata malole fo emi paluun soaneu tao-no'i hihii-nanaun. Sa'di leo bee na, no Yesus Kristus hehela-nonolen, de Manetualain tao-no'i nai ita dalek, hata fo nahii kana. Ela leo bee na, Kristus nanakoa-kiok losa dodoo na! Amin.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.

YAKOBIS 4:3

Ma leomae emi moken so boe, tehu leondiak boeo emi ta hapu fan, nana emi nonokem ndia, sala eno na; hata fo emi mokek ndia nde bee na, soaneu emi hapu manuu hika-setelee daebafa ka mesa kana.

YAKOBIS 5:16

Hu ndia de, ela leo bee na, esa nafa'da sala na neu esa, ma esa hule-haladoi fe esa, fo ela emi hapu lea-hai. Hataholi fo ana hule-haladoi tunga Manetualain hihii-nanau na, nanuu koasa matua ina.

1 YOHANIS 2:3

Metema ita tuga Manetualain paleta na soona, ndia nafa'da nae, ita talelak Manetualain.

1 YOHANIS 5:14

Hu ndia de, ita tapalani hule-haladoi neu Manetualain, nana ita tamahele, Ana sipok ita hule-haladoin, metema ita hule-haladoin ndia, nandaa no dale hihii na.