1 YOHANIS 3:2 - Susula Malalaok Hehelu Palak Ma Hehelu Beuk

² Tolano susue-lalai ngala lemin! Besak ia, Manetualai nanan ita so, tehu ita heo-hilun beita nandaa fa. Tehu ita bubuluk basan, metema Kristus mai soona, neukose ita da'di sama leo Kristus, nana ita titan nai heo-hilu isi-isi na dalek.

1 YOHANIS 3:2 Σταυροειδείς Αναφορές

AYUB 19:26

Leomae, au loung-nga bisu-bisu mesan, de ka'dis, tehu nai lelek au bei aso'da nai daebafak-ka, neukose au mete Manetualain.

MAZMUR 16:11

O matu'du au, enok manaleo maso'dak-ka neu; nai O dalek, au hapu namahoko-seteleek fo, manasasi kao-kaok-ka, ma ua-nalek-ka losa dodoon-na.

MAZMUR 17:15

Tehu neukose au mete O, nanahu au salang ta. Nai lelek au fo'a, O mamaim-ma, tao namahoko au daleng-nga

MAZMUR 31:19

Sule ketu basa masapepeko-masandandalik-kala bafan-na, nana noo koao-ndaeaok ala hakinonoli hataholi manatao tunga ndoon-na.

YESAYA 56:5

soona neukose, o na'dem-ma, nananafandendelek nai Au Umang dale, ma nai Au leoinang dale. Ndia malole lena neme, o manuu ana touk ma anainak. Au fe emi na'dek fo, manaketu basa taak-ka, fo neukose, ta nananafandele henik fa.”

MALEAKHI 3:2

Tehu see hapu nakatatakak nai Manetualain fai mamain-na, ma natu'du aoinan-na? Nana, Ndia sama leo tuka manatao namaneu liti-a, ha'in-na, ma sama leo babu manasafe-sak-ka, sabun-na.

MATEOS 5:8

Maua-manalek neu hataholi fo dale na malalaok; nanahu neukose lalelak Manetualain.

LUKAS 17:30

Mahani te heheo-hihilun leondiak, nai lelek Ana Hataholi ka nananatu'duk.

LUKAS 20:36

Heheo-hihilun sama leo ata nusa so'da ka, ma ala ta hapu mate fa. Sila nde bee na Manetualain ana nala, nana sila nanatao naso'da falik neme mamate sa mai so.

YOHANIS 1:12

Tehu hapu hataholi sipo kana, ma lamahelen boe; Hataholi sila, Ana fes hak fo ala da'di Manetualain anan.

YOHANIS 11:52

Boema ta ka'da soaneu leoina Yahudi la mesa kasa fa, tehu soaneu Ana tao nakabubua Manetualain ana mana tapasasala nala.

YOHANIS 17:24

Ama, Au nau fo ela hataholi fo Ama ka fes leu Au a, lakabubua lo Au nai Au mamana nga, fo sue ka nde sila lita Au matua-mademang. Matua-madema fo Ama ka fen neu Au nana Ama ka sue-lai Au te daebafak ia beita da'di fa.

ROMA 8:16

Manetualain Dula Dale na no ita dula dale na lafa'da lae, ita nde bee na Manetualain anan.

ROMA 8:18

Tunga au hahapu nga soona, besak ia ita hapu doidoso kala, metema takasasama kana no mandela-masa'ak fo ita hapu ka soona, ta sama makandondook fa.

ROMA 8:19

Basa daebafa ka lala'ena lahiik lanseli fai na losa leona, fo Manetualain natu'du ana nala nde see.

ROMA 8:29

Hataholi fo Manetualain hele basa kala, naketu basan neme makasososa na mai a, hataholi sila sama leo Ana na, fo nde Yesus Kristus. No enok ndia de, Anak ndia, nde da'di puleuluk neu basa tolanoo kala lala'ena.

1 KORINTUS 13:12

Hata fo ita titan nai besak ia nde bee na, sama na leo salaok fo keluha'buk nai titinok dale. Tehu mahani te, neukose ita titan no mangale'ok tutik. Besak ia au beita bubuluk basa hata lala'ena fa, tehu mahani te, neukose au bubuluk la'iesa kasa, sama leo Manetualain bubuluk basa au aoina nga lala'ena.

1 KORINTUS 15:49

Sama na leo ita, besak ia nde bee na sama leo Adam, fo nananakadada'dik neme dae a mai, soona mahani te neukose ita da'di sama leo Ndia, fo manamaik neme nusa so'da ka mai.

1 KORINTUS 2:9

Nasafali na, dede'ak ndia nandaa no hata fo nanasulak nai Susula Malalaok dale nae, “Hata fo hataholi daebafa ka beita nitan do namanene fan, ma ana beita moli da'di nai hataholi daebafa ka dudu'a-aafi na dalek, ndia nde Manetualain sadian soaneu hataholi fo manasue-lai nana.”

2 KORINTUS 3:18

Besak ia ita basa-basa tala mata-panan ta nanapotik ninik tema bibia ni'is so'on, nalosa ita hapu tangale'do Lamatuak Yesus mandela-masa'an. Nanahu mandela-masa'ak ndia da'di neme Dula Dale ka mai ma Dula Dalek ndia nde bee na Lamatua ka nde ndia, soona ita boetai tandela-tasa'a, nanahu ita nanatao nasafalik nakandondoo henin da'di sama leo Ndia. Boema ita boetai tandela-tasa'a takandoo. Mandela-masa'ak ndia neme Dula Dale ka mai, ma Dula Dalek ndia nde bee na Manetualain.

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

GALATIA 3:26

Nanahu emi mamahele Kristus Yesus de, emi da'di esa moon, hu ndia de, emi da'di Manetualai nanan.

GALATIA 4:6

Hu ka nde emi ia Manetualai nana nala, de Manetualain nadenu Ana na Dula Dale na masok leo emi dalem dale ma au daleng dale, fo nde Dula Dalek fo nalo bou-bou nae, “Ama, ou au Amang.”

FILIPI 3:21

Ita ao paa tapandoen fo hapu noe henin ia, neukose Kristus tao nasafalin, fo ana da'di sama leo Ndia ao paa mandela-masa'a na. Ana hapu tao tataos ndia, nana hu nanuu koasa soaneu Ana tao-no'i basa hata lala'ena.

KOLOSE 3:4

Ma nai lelek fo Ana natu'du seluk ao ina na soona, emi boeo nananitak, emi mandela-masa'a sama na leo Ndia boe!

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

2 PETRUS 1:4

Hu no enok ndia de, Manetualain ba'e-bati fe ita baba'e-papalak matua ina ma mabelik fo, Ana helu basa ka so. No baba'e-papalak sila la de, emi matapo'i neme hihii-nanau mangalauk fo mana tao makalulutuk nai daebafak ia, boema no enok ndia fo emi sipo Manetualain ha'da-tatao mana ketu basa ta na.

1 YOHANIS 2:28

Hu ndia ana ngala lemin! Maso'da mahele mo Kristus, fo ela neu faik fo Ana mai a, ita tapalani teu tataan, te ita ta teu ke'ke, hu ka nde bibii-mamae ka fa.

1 YOHANIS 2:7

Tolano susue-lalai ngala lemin! Au ta sulak paleta beuk fe emi ia fa, te paleta ia la paleta palaak fo lafa'dan neu emi, ndek emi mulai mamahele Yesus; paleta maneme Manetualain mai a. Fo halak ndia, emi mamanenen so.

1 YOHANIS 3:1

Mete mitak Manetualain sue-lai na ita ba'u na seli de, nalosak ita nanaseseik lae, Manetualai nana nala. Ma memak ita nde bee na, Manetualai nana nala. Hu ndia de daebafa mangalauk ia, ana ta nau nalelak ita fa nana, ta nalelak Manetualain fa.

1 YOHANIS 3:10

Manetualai nana nala ma Nitu ana nala ta'du tanan leo iak: see ta tunga Manetualain hihii-nanaun do ana ta sue-lai tolano na fa soona, Manetualai nanan ta ndia fa.

1 YOHANIS 3:21

Lena-lenak tolano ngala lemin! Metema ita tame'da nana ita sala-singon ta soona, ita tapalani tasasale matak to Manetualain.

1 YOHANIS 5:1

Metema see namahele Mane Mana Fe So'dak fo Manetualain helu ka, fo nde Yesus soona, Manetualai nanan hataholi ndia. Boema metema hataholi a ana sue-lai amak esa, soona ana sue-lai ana na boe.

NINITAK 2:28

Neukose ala sipo nduu timu neme Au mai.

NINITAK 22:4

ma lita mata panan. Na'de na nanasulak nai dedei nala.