1 YOHANIS 3:12 - Susula Malalaok Hehelu Palak Ma Hehelu Beuk

¹² Ita boso sama leo Kaen fo ana da'di Nitu a anan de, ana taonisa tolano na. Hu beek de Kaen taonisa tolano na? Hu ka nde ana tao ka'da tatao-nono'i masala kala, tehu tolano na soona, ana tao ka'da tatao-nono'i ndo sa.

1 YOHANIS 3:12 Σταυροειδείς Αναφορές

KEJADIAN 4:25

Adam no saoinan-na, bongi anatouk esa seluk. Boema Hawa nae, “Manetualain fe basa au, ana touk nggati Habel, fo Kaen taonisan so.” Hu ndia de, Hawa foi ni'iana ndia na'de Set.

2 SEMUEL 13:22

Absalom nape'da dalek nanseli neu Amnon, de ana ta nau kokolak non so'on, nanahu ana tao tatao-nono'i mangalauk no fa'din Tamar.

MAZMUR 37:12

Hataholi mangalauk-ka, ana tutu'u hata mangalauk soaneu hataholi malole-a, ma ana meten no nakamuu-nakadauk

MAZMUR 38:20

Hataholi manamusu loo au-a, makadotok ma balakaik mesa-mesan, ala ta lahiik au so'dang-nga, eno-dalan fa.

AMSAL 27:4

Nasa-meluk ndia, ta nanuu dale susue lalaik fa, te neni nakalulutuk, tehu see nakatatakak, metema nasasalematak no nape'da dalek-ka?

AMSAL 29:10

Hataholi manamaa ma'da daak-ka, ta hii hataholi dale ndoos-sa fa, tehu, hataholi malole-a, nasulu-nahapan.

AMSAL 29:27

Hataholi malole-a, ta nape'da dale nasak no hataholi mangalauk-ka fa; ma hataholi mangalauk-ka, nakamuu-nakadau hataholi malole-a.

MATEOS 13:19

Bini-ngges fo mana tu'da nai enok lai na, nakasasama na leo hataholi fo namanene halak la'eneu Manetualain paleta tao leo beek, tehu ta nalela kana fa. Boema Nitu Mangalauk ndia, ana mai de, natona nini hata fo nanasele-nggali basak nai dale nala dalek so.

MATEOS 13:38

Tina ndia nde daebafak ia. Bini-ngges malole sila la nde hataholi fo, ana da'di Manetualain hataholi kamahehele nala. Boema fii sila la nde hataholi fo, ala lok nitu a.

MATEOS 23:35

Hu ndia de neukose emi nanahukuk, nana kanisak fo, emi tao-no'in soaneu hataholi sala ta kala, mulai neme kanisak soaneu Habel fo hataholi sala tak ndia, losa kanisak soaneu Berekia anan Zakharia, fo emi taomisan nai Manetualain Uma na no mei tutunu-hohotu ka tala'da.

MATEOS 27:23

Lae leondia boema Pilatus natanes nae, “Tehu Ana tao tatao-nono'i managalauk beek?” Boema ala eki lapane'e seluk lae, “Lona-nggangen!”

MATEOS 5:37

Ka'da mafa'da mae, ‘Hei’ do ‘Ta’ lenak neme ndia mai soona, basa sila la neme nitu mai ndia.”

LUKAS 11:51

mulai neme kanisak neu Habe la ma losa kanisak neu Zakharia fo kanisak sila ana da'di nai mei tutunu-hohotu ka no Manetualain Uma na tala'da. Mamahele leona. Te hataholi lelek besak ia la, tao leo bee o neukose nanahuku kala, hu ka nde basa dede'ak sila la.

YOHANIS 10:32

Tehu Yesus nafa'das nae, “Ama ka paleta Au fo tao tatao-nono'i malole ba'u ka, de emi mita basan so. De neme basa tatao-nono'ik sila la, bee ka nde tao na emi nau tapa Au?”

YOHANIS 8:40

Au tui-benga fe emi eno ndoos fo Au amanenen neme Manetualain mai, tehu emi nau taomisa Au. Soona Abraham tatao-nono'in ta leondiak fa!

YOHANIS 8:41

Emi tao-no'i hata fo emi amam tao-no'i ka.” Tehu lataa Yesus lae, “Ana kanaek ta ami fa. Ami Amam ka'da esa, fo nde Manetualain mesa kana.”

HATAHOLI 7:52

Ade emi bei ba'ikai mala ta fepa-li'u nabi esa boen do? Ala taolisa Manetualain hataholi nadedenun fo makahulun eli ala tui-benga lae, Manetualain Atan fo ndoos ndia, neukose Ana mai. Ma besak ia emi ta mo kana fa, nakalenak bai emi taomisa Manetualain Atan ndia.

1 TESALONIKA 2:14

Tolano-tolanoo ngala lemin! Dede'ak fo emi la'oladi ka, Manetualain hataholi kamahehelen manai Yudea, fo manda'di esa lo Kristu sa, ala la'oladin boe. Emi la'oladi doidosok neme emi hataholi mala mai seluk, sama leo Manetualain hataholi kamahehelen manai Yudea la, ala la'oladin neme hataholi Yahudi la mai.

IBRANI 11:4

Hu ka nde namahehele ka, de Habel fe Manetualain, tutunu-hohotuk fo malole lenaheni Kain tutunu-hohotun. Nanahu namahehelen ndia, de Manetualain sipok Habel da'dileo hataholi fo malole, nana nananitak nae, Manetualain sipok tutunu-hohotun. Habel maten so, tehu hu ka nde namahehele na, de ana bei kola-kola losa besak ia.

IBRANI 12:24

Emi mai masasale matak mo Yesus, fo Lelete soaneu hehelu-balataa beuk ndia. Emi masasale matak mo daa nanapisi ka, fo malole na lenaheni Habel daa na.

1 PETRUS 4:4

Besak ia, hataholi fo ta lalelak Lamatua ka, dodoo doa kana de bekola lae, emi ta tunga sila so'da na, fo tao sala-singok ta pake too-lane so'on. Hu ndia de, ala tao lalutu emi na'de ma.

1 YOHANIS 3:8

Tehu hataholi mana tao sala-singok nakandondoo heni na, Nitu anan hataholi ndia, nana Nitu a tao sala-singok neme makasososan eli mai so. Hu ndia de Manetualain Ana na mai fo daenga Ana tao nakalulutuk Nitu a tatao-nono'i mangalaun sila la.

YUDAS 1:11

Soe ba'eneu sila. Ala tunga Kaen eno na so. Hu doi ka, de ala la'ok tunga eno masala ka, sama leo Bileam. Ma sila boeo, nanatao nakalulutuk, nanahu ala sanga musu sama leo Korah.

NINITAK 17:6

Boema au ita inak ndia mafuk hu ka nde Manetualain hataholi kamahehele nala daa na, hataholi fo nanataonisak nanahu ala lilineka neu Yesus. Lelek au ita inak ndia boema au bafang poo-poo.