1 YOHANIS 2:4 - Susula Malalaok Hehelu Palak Ma Hehelu Beuk

⁴ Hataholi fo nafa'da nae, “Au alelak Manetualain,” tehu ana ta tunga paleta na fa soona, hataholi ndia masapepeko-masandandalik, nana Manetualain ta nai dalen dale fa.

1 YOHANIS 2:4 Σταυροειδείς Αναφορές

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

TITUS 1:10

Nana hapu hataholi ba'u ka, ala nau ka'da lena-la'ban nanoli ndo sa, lena-lenak hataholi Yahudi mana masok beu kala; ala ke'dindiu hataholi fe'ek, ninik sila kokola bafa lou nala.

TITUS 1:16

Lafa'da lae, sila lalelak Manetualain, te se'kona nai tatao-nono'i nala, dalek soona, lalelesi Manetualain. Sila hataholi nanamaluak, ma ta mana tunga paleta fa; Hataholi sila la nde bee na hataholi fo, ala ta hapu tao tatao-nono'i malole esa boen.

1 YOHANIS 1:10

Tehu metema ita tafa'da tae, ita sala-singon ta soona, nono'kabai de ita tao Manetualain da'di masapepeko-masandandalik, boema ita ta tape'da Manetualain dede'a-kokolan nai ita dalen dale fa.

1 YOHANIS 1:6

Metema ita tafa'da tae, ita taso'da da'di esa ton, te se'kona ita taso'da nai makahatu ka dalek, soona ita tasapepeko tunga hala-kokola ka, ma tunga tatao-nono'i ka boe.

1 YOHANIS 1:8

Metema ita tafa'da tae, ita sala-singon ta soona, ita ke'dindiu seluk ita ao ina na, fo no enok ndia, Manetualain ta nai ita dalen dale fa.

1 YOHANIS 2:3

Metema ita tuga Manetualain paleta na soona, ndia nafa'da nae, ita talelak Manetualain.

1 YOHANIS 2:9

Hataholi fo nafa'da nae, ndia nai mangale'do ka dalek, tehu metema hataholi ndia bei nakamuu-nakadau tolano na soona, hataholi ndia bei nai makahatu ka dalek losa besak ia.

1 YOHANIS 3:6

Basa hataholi fo laso'da lo Kristu sa, ala ta bole tao sala-singok lakandondoo henin fa. Nana hataholi mana tao sala-singo lakandondoo heni kala, beita lita do lalelak Kristus fa.

1 YOHANIS 4:20

Metema hataholi esa nafa'da nae, “Au sue-lai Manetualain”, tehu ana ta sue-lai tolano na fa soona, hataholi ndia masapepeko-masandandalik. Nana leomae hataholi ndia memetek tolano na boeo, ana ta sue-lai fan, na neme bee mai a, ana hapu sue-lai Manetualain fo nananita tak ndia.

1 YOHANIS 4:7

Tolano susue-lalai ngala lemin! Mai fo tasue-talai ao leona, nana susue-lalaik ndia, ana da'di neme Manetualain mai. Hataholi mana sue-lai ka, ana da'di Manetualai nanan, hu ndia de nalelak Manetualain.