1 TIMOTIUS 5:7 - Susula Malalaok Hehelu Palak Ma Hehelu Beuk

⁷ Manoli nanoli-nafa'dak ia la neu salani kala, fo ala boso tao sala-singok.

1 TIMOTIUS 5:7 Σταυροειδείς Αναφορές

FILIPI 2:15

No enok ndia, emi matu'du mae, emi nde bee na Manetualai nanan, fo sala-singo ta kala, ma emi maso'da tunga ndo na ma emi ndoos nai hataholi mangalauk fo masala-masingo kala tala'da. Ma nai lelek fo emi manduku-malosak halak mana fe so'da ka neu hataholi sila la, ela leo bee na emi mangale'do nai sila tala'da, fo nangale'do na daebafa ka. Metema emi maso'da leondiak soona, neukose au hapu ne'ek soaneu au amatutua-amadedema emi nai lelek fo Yesus Kristus fafali ma'i na. Fo ndia da'di buti nae, au sota-mate te ta louk fa, ma au hapu au tutunga-sasangang buna-boan.

1 TIMOTIUS 1:3

Au nau o leo mahele meme Efesus, sama leo makahulu na, au afa'da basa o, ndek au u leo Makedonia u a. Nana nai Efesus, hapu hataholi de'ubee, ala tui-benga nanoli masa kala, de o muse mafa'da hataholi sila la, fo ala hahae tui-benga nanolik sila la.

1 TIMOTIUS 4:11

Manolis basa dede'ak sila la boema madenus fo ala tao tungan.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

2 TIMOTIUS 4:1

Neukose Kristus Yesus, Ana fali seluk leo daebafak ia mai, fo naketu-nala'di hataholi maso'da kala ma hataholi mana mate kala; ma neukose Ana mai fo, Ana paleta leo Mane ka. Hu ndia de, au oke anseli neu o, nai Manetualain ma Kristus Yesus matan fo:

TITUS 1:13

Nabi ndia hala-kokolan sila la, memak tete'e ka leondiak. Hu ndia de, o muse kena ka'is no balakaik; fo ela ala ho'u lahele nanoli ndo sa,

TITUS 2:15

Manolis basa dede'ak sila la, ma manoli-mafa'das, ma kena-ka'i basa o hataholi mana mamanene kala, no malole. Boso po'ilotak hataholi esa boen, nakadadaek o.