1 TIMOTIUS 5:5 - Susula Malalaok Hehelu Palak Ma Hehelu Beuk

⁵ Inafalu fo te'e-te'e naso'da mesa-mesa kana, ma ta hapu hataholi mete-nakanae so'da na te namahena neu ka'da Manetualain soona, muse ana hule-haladoi lele'do-le'odaen fo noke tutulu-fafalik neme Manetualain mai.

1 TIMOTIUS 5:5 Σταυροειδείς Αναφορές

MAZMUR 91:4

Neukose Ana nalu'e-na o nenik li'dan-na, nalosa o nee-nee lino-lino nai nasulu-nahapan dale; lilinekan sama leo babaa fanak, fo nasulu-nahapa o.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 3:26

Neukose hataholi-la manato'a-taak, ala kii-makaleleu nai kota lelesuinan-nala, ma neukose kota ndia mesak-kana sama leo ina nanao'du nakaholak-ka de nangatuuk nai dae lain.

YESAYA 49:21

Boema, o dodoo nai o dalem dale mae, ‘See kande, bongi fe au, ni'iana sila-la? Ade, mopo basa au anang-ngala, de ta hapu bongi seluk fa do? Au hataholi nanafook nai mamana tu'u-tapak, ma nanasi'uheok, ma nanala'oelak mesa-mesak-kana. Da'di, ni'iana sila-la, leme bee mai, ma see nde nakabobois-sala?’ ”

YESAYA 50:10

Hai emi fo, manafe ha'da-holomata neu Manetualain, manamamanene atan-na, hala-kokolan-na, enok fo emi tungak-ka, fafa'kama makahatuk, de ta hapu mangale'dok, nasalaa ba'eneu emi fa; tehu, mamahele neu Manetualain leona; masala'da o deam-ma, neu o Manetualaim.

YESAYA 54:1

Yerusalem, makahulun-na, o sama leo ina ta manabongik, fo ta bisa bongi fa. Tehu besak ia, hika-matadale leona, ma makamee no namahoko-seteleek! Nana o anam-mala, makadotok nanseli, lena heni, ina maela saok-ka, anan-nala.

RATAPAN 1:13

Nakona ha'i-a neme lalai mai fo na'a losa au daleng dale. Ana lona hihi'ik nai au matang-nga, fo au tu'u u. Boema Ana po'ilotak au mesang-nga doi-doso fai katemak esa dalen-na.

LUKAS 18:1

Basa ndia boema Yesus tui nakandandaak esa soaneu nanoli ana manatunga nala fo ela ala hule-haladoi tataas esa ma boso ketu namahehe nala.

LUKAS 18:7

Naa, ade Manetualain neukose ta nasala'e hataholi kamahehelen fo lalo bou-bou lon lele'do-le'odaen fa do? Ade nakadodook fai na, fo Ana ta tulu-fali fas do?

LUKAS 2:37

ana da'di inafalu, losa besak ia teun faluhulu ha so. Beita la'iesa fo ana la'oela Manetualain Uma na fa. Lele'do le'odaen nai ndia, fo ana sene-do'ok neu Manetualain, ninik hule-haladoi ma oka ao na.

HATAHOLI 26:7

Leoina Israe la leoana kasanahulu dua nala boeo lamahehenadae lo hehelu-balataak ndia, de nalosa lele'do-le'odaen ala hule-haladoi neu Manetualain. Ama Manek fo Mandela-Masa'ak! Hu ka nde au amahele hehelu-balataak ndia de hataholi Yahudi la fe salak neu au.

HATAHOLI 6:1

Hataholi mana tunga Yesu sa boetai lamba'u ka. Nai lelek ndia, hataholi Yahudi mana kokolak linik dede'a Yunani la, ala ta hii hataholi Yahudi nusa isi kala fa. Hataholi Yahudi mana kokolak linik dede'a Yunani la lae, “Ami inafalu mala ala ta hapu baba'ek neme tutulu-fafalik fo ala baba'e fe hataholi la fa.”

HATAHOLI 9:39

Tutika Petrus fo'a de ana tungas leona. Ala losa boema lo Petrus leo kama manai lai na neu. Basa inafalu manai sila la lakamomotu la Petrus boema ala kii-makaleleu, ma latu'du Petrus, ba'du ma ba'du manalu fo Dorkas seu fe sila, ndek lelek fo Dorkas bei naso'da.

HATAHOLI 9:41

Boema Petrus ho'u na lima na de nafofo'a falin, fo napadeik. Basa boema, Petrus nalo basa hataholi kamahehelek manai sila la, sama-sama lo inafalu la de ana fe Dorkas fo besa ka naso'da falik ndia neus.

ROMA 1:12

Nana tunga au dudu'a nga nde bee soona, hu ka nde ita basa-basa-tala tamahele Yesus Kristus so, de ita esa natetea-nahehele esa.

ROMA 1:5

Manetualain fe au baba'e-babatik, fo au da'di Lamatua ka ana manatungan, fo ela au alalau-aoono Kristus ma hela-nole basa hataholi lala'ena, fo ela lamahele ma ala tunga.

1 KORINTUS 7:32

Au hii fo ela emi matapo'i meme toto'a-sosota ka mai. Hataholi saoina ta kala, neukose ala tao dudu'a-aafim neu ka'da dede'a Lamatua ka, nana ana hii tao namahoko Lamatua ka dale na.

1 KORINTUS 7:34

mate'e na, ana ta bubuluk tao bee ela bee a fa. Inak esa saotoun ta, do anafe'oanak esa, neukose ana dudu'a-dodoo dede'ak ba'u ka la'eneu Lamatua ka, nana ana hii fo ela ao paa samanen dadi Manetualain nuun. Tehu inak esa masaotouk soona, ana tao basa dudu'a-aafin neu dede'a daebafak ia la, nana ana hii tao namahoko saotou na dale na.

EFESUS 6:18

Tao-no'i basa dede'ak sila la no huhule-haladoik, soaneu moke tutulu-fafalik neme Manetualain mai. Nai basa fai loak lala'ena, hule-haladoi sama na leo Manetualain Dula Dale na, hela-nole emi. Ela leo bee na, emi manea tataas esa, ma boso makadede'ak. Hule-haladoi tataas esa soaneu Manetualain hataholi kamahehelen lala'ena.

FILIPI 4:6

Boso bii neu hata esa boen. Hule-haladoi nai basa dede'ak lala'ena dalek, ma manduku-malosak emi nonoke ma neu Manetualain. Hata fo emi paluun soona, mafa'dan tataas esa neu Manetualain, no moke makasi.

1 TIMOTIUS 2:1

Makasososa na, au oke anseli, fo ela o manoli salani kala, dokodoe ma hule-haladoi, boema loke makasi neu Manetualain, soaneu basa hataholi lala'ena;

1 TIMOTIUS 5:16

Tehu metema ina salanik esa, nai tei dale na dalek hapu inafalu soona, muse ana tulu-falina nafalu ndia; boso fe salani kala mete lakanae inafalu ndia. Fo no enok ndia, salani kala hapu tulu-falina nafalu tolano ka'a fa'di ta kala.

1 TIMOTIUS 5:3

Fe ha'da-holomata neu inafalu fo te'e-te'e naso'da mesa kana.

2 TIMOTIUS 1:3

Au oke makasi neu Manetualain fo, au alalau-aoonon no dale katema tuak, sama na leo makahulu na, au bei ba'i kai ngala tao-no'i ka. Au oke makasi tataas esa neu Manetualain, nai lelek fo au afandele o nai huhule-haladoi ka dalek, leomae lele'dok do le'odaek ndia boe.

1 PETRUS 3:5

Makahulun eli, inak fo lamahele ma lamahena neu Manetualai na, ala bubu'u-dada'a ao ina nala ninik, ala tunga saotou nala paleta na.

RUT SUSULAN-NA 2:12

Sa'di leo been-na, Manetualain balas basa o dale malolem lala'en-na. Sa'di leo been-na, o sipo hata fo nandaa Israel Manetualain-na Ana fen neu o, nanahu o mai fo masulu-mahapa neun!”