1 TIMOTIUS 1:18 - Susula Malalaok Hehelu Palak Ma Hehelu Beuk

¹⁸ Timotius, au ana ngonei! Au fe o bela ba'uk ia, nana au afandele nabi la, ala tui-benga Manetualain hala hehelu na, nai salani ka dalek, la'eneu o ao ina ma. Ela leo bee na, hala heheluk ndia, ana da'di tua-lepa nai o ue-le'di malolem ndia dalek.

1 TIMOTIUS 1:18 Σταυροειδείς Αναφορές

HATAHOLI 16:1

Paulus la'ok nakandoo leo Derbe neu, de basa boema neu leo Listra. Nai ndia hapu Yesus hataholi mana tungan esa na'de Timotius. Inan hataholi Yahudi, fo namahele Yesus so; tehu aman hataholi Yunani.

1 KORINTUS 4:17

Hu ka nde dede'ak ndia de, au adenu Timotius ne'i. Da'dileo Kristus ana manatungan, Timotius ia sama leo au ana bongi susue-lalaing. Ndia hataholi esa hapu nananamahelek. Mahani te, neukose ana fe emi nasanene'dak la'eneu eno-dala maso'dak fo au tungan, nai lelek fo au amahele basa Kristus, fo nde eno-dala maso'dak fo au anolin neu salani kala esa-esak, ma su'di nai bee a mesan boe.

1 KORINTUS 9:7

Ta hapu solda'du esa muse tunga sanga aon paluu na nai lelek nai musu dale fa! Ta hapu hataholi manatao tina-osi fo ana sele angol nai osin dale, boema ta na'a ango la buna-boan neme osin ndia mai fa! Ta hapu manafoo fo nakaboboi bi'ilopo, tehu ta ninu bi'ilopo sila oe na fa.

FILIPI 2:22

Emi nde mita matam buti na nae, Timotius masosoa-ndandaak. Ana tao-no'i puse laipana no auso, soaneu ami tao mamaloloa Manetualain Hala Malole na. Ana tulu-fali au, sama leo anak esa ana tulu-fali ama na.

1 TIMOTIUS 1:5

Au nanoli-nafa'dang ndia, tetee-tutu'dan nde, ela leo bee na, hataholi a dale na balisi ma dale nakababale na malalaok, boema namahele te'e-te'e neu Lamatua ka, fo no enok ndia, ala hapu lasue-lalai ao.

1 TIMOTIUS 4:14

Boso mafandele henin fo pake Manetualain Dula Dale na fe o baba'e-babatin ndek lelek fo mauli-malanga salani kala lalaa lima nala neu o langam lai na, ma boso mafandele heni hata fo nabi la lafa'da elan soaneu o so'da ma.

1 TIMOTIUS 4:4

Manetualain nakadada'dik basa hata lala'ena malole. Hu ndia de, metema ita sipon no hule-haladoik ma toke makasi neu Manetualain soona, ta hapu hata nana nalulik esa boen.

1 TIMOTIUS 6:20

Timotius ei! Manea matalolole, hata fo ala fen neu o a. Madook ao ma neme dede'a-kokola sosoa-ndandaa ta kala mai, ma hahae male'a dede'ak fo lafa'da sala-sala lo sosoa-ndandaan fo nde “Malela ka”.

2 TIMOTIUS 4:7

Au tunga nakasusu'dik lala'ena no malole de, au losa dae dudui mate'e ka so. Ma au lilineka ahele Kristus losa mate'e na.

TITUS 1:4

Titus ei! O nde bee na, te'e-te'e au anang, nana ita dua tamahele no'u-no'u neu Kristus so. Au amahena ela leo bee na, Amak Manetualain ma ita Mane Mana soi-tefan, fo Yesus Kristus, fe baba'e-papalak ma so'da-molek neu o.

FILEMON 1:10

Au fo Paulus, au oke dede'ak esa ia, neme o mai, la'eneu Onisimus fo au ana susueng nai Kristus dalek. Nana nai tahanan ia dalek, au da'di ndia ama mana hela-nolen, nai namahehelek soaneu Kristu sa.