1 TAWARIKH 22:16 - Susula Malalaok Hehelu Palak Ma Hehelu Beuk

¹⁶ makadotok nanseli. Nah, mulain no lai-laik leona! Ela leo been-na Manetualain tulu-fali o.”

1 TAWARIKH 22:16 Σταυροειδείς Αναφορές

1RAJA-RAJA 2:2

“Fain-na losa, au mate ia so. Ela leo been-na o mamahele ma mapalani.

1RAJA-RAJA 7:47

Salomo ta nadenu tai bua-lo'a liti sila-la fa, nana dede'u nala makadotok nanseli. Da'di ta bubuluk bua-lo'as sila-la bela nala fa.

1 TAWARIKH 22:11

Boema Dauk nafa'da seluk nae, “Besak ia, anango nei, ela leo been-na o Amam Manetualaim tulu-fali o tataasesa. Ma ela leo been-na o hapu mapadedeik uma soaneu Manetualain sama leo hata fo Ana helun.

1 TAWARIKH 22:14

La'eneu Manetualain Uman ndia soona, au sanga enok te'e-te'e soaneu hapu lilopilas ton lifun telu natun haa, ma lilofulak ton lifun telu natun haa ma lenak. Fe'ek neme ndia mai, hapu liti ma besi fo ta hapu leke na dede'u nala fa. Ai ma batu boeo, au sadia basan so, tehu o muse popo-tama seluk kasa.

1 TAWARIKH 22:15

O maue-male'dim makadotok. Nggelok hapu laue-lale'di nai kakali batuk ka, hapu tuka ai, tuka batu ma manatutu malelak lilopilas, lilofulak, liti ma besi

1 TAWARIKH 22:3

Dauk nakabubuan-na besi makadotok nanseli soaneu tao pakuk ma hensel ba'eneu Manetualain Uman ndia lelesuinan nala. Dauk boeo nakabubuan-na liti makadotok, nalosa ta hapu tai fas.

1 TAWARIKH 28:10

Mafandendelek matalolole mae Manetualain hele basa o soaneu mapadedeik uma hehelik ba'eneun. Nah, besak ia taon no hihii-nanauk matea-mahelek leona.”

1 TAWARIKH 29:2

Au sadia basa uma ndia ai batun ma hata-heton tunga au nabe'ing-nga so. Au sadia basa lilopilas, lilofulak, liti, besi, ai, batu kabelik-kala ma batu-batu poemata, batu madulak mata-matak-kala soaneu balias uma ndia, ma batu marmar makadotok nanseli.

2TAWARIKH 1:1

Salomo fo Manek Dauk-ka anamanen-na da'di manek fo nangatutuu-na matea-mahelek nai nusak Israel-la. Manetualain ba'e-palan de Ana taon da'di manakoasa matuaina nanseli.

2TAWARIKH 20:17

Emi ta paluu matee-matati nai natee-natatik ia dalek fa. Meu leo mamanak fo nananafa'da basak neu emi so, fo mahani ka'da ndia. Neukose emi mita Manetualain fe emi sengi. Hai laun Yehuda ma Yerusalem-mala lemin, dalem-mala boso ba'ihana do bii-mamata'u. Ka'da masok leo natee-natatik ndia dalek meu, te neukose Manetualain tulu-fali emi!”

1 KORINTUS 15:58

Hu ndia tolano-tolanoo susue-lalai ngala lemin! Ela leo bee na, emi balakaik ma matea-mahele. Maue-male'di makandoo soaneu Lamatua ka no te'e-te'ek, nana emi bubuluk mae, hata fo emi tao-no'in soaneu Lamatua ka, ta palsuma fa.

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”

FILIPI 4:13

Hu ka nde Kristus fe au koasa de, au hapu be'i-balakaik soaneu au asasale matak o basa manda'dik lala'ena.

YOSUA 1:2

Manetualain nafa'da nae, “Mate Au atang Musa so. De besak ia, malole lenak, o ma hataholi Israel-la lala'en-na maheheleaom, fo lena leo Lee Yarden-na selik meu, fo masok leo nusak fo Au fen neu sila.

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”

YOSUA 7:10

Manetualain nataa Yosua nae, “Fo'a! Te o sene-do'ok leondiak, neu dae lain ndia, sosoa-ndandaan ta!

HAKIM-HAKIM 4:14

Boema, Debora nafa'da Barak nae, “Ayo, tutulumatak leona! Te Manetualain nde nauli-nalanga o. Faik ia, Ana fe o sengi Sisera.” Boema Barak sama-sama no hataholi lifu ka sanahulu duan-nala, kona leme Letek Tabor-ra lain mai;

SEMUEL SUSULAK-KA ESAN-NA 17:37

Manetualain soi-tefa-na atam-ma neme singa ma meoasu-a mai so, de Ndia boeo neukose soi-tefa-na atam-ma neme hataholi Filistin ndia mai.” Boema Saul nafa'dan nae, “Hei, sa'di leo been-na, Manetualain, tulu-fali o.”

SEMUEL SUSULAK-KA ESAN-NA 20:13

Metema nape'da dalek, fo ana tao soe o soona, tao leo bee-o, neukose au afa'da o boe, fo ela o maso'da. Sa'di leo been-na, Manetualain taonisa au, metema au ta tao atetu dede'ak ndia fa. Sa'di leo been-na, Manetualain, tulu-fali o, sama leo makahulun-na, Ana tulu-fali au amang boe!