1 TAWARIKH 13:6 - Susula Malalaok Hehelu Palak Ma Hehelu Beuk

⁶ Boema Dauk sama-sama nos leu leo kota Baala, fo nde Kiryat-Yearim, fo nai leo Yehuda nusan na soaneu leu ho'i Manetualain Peti Hehelu-blataan na. Ala foi Peti ndia na'de “Manetualain fo nangatuuk nai mahahaek mali'dak lain”.

1 TAWARIKH 13:6 Σταυροειδείς Αναφορές

2RAJA-RAJA 19:15

boema ana hule-haladoi nae, “Manetualain, fo Israel Manetualain fo nangatuuk nai Kerub lain-na, ka'da O mesa-mesam-ma, nde Manetualain fo koasa basa nusak lala'en-na nai daebafak-ka poin-na. O nde makadada'dik lalai ma daebafak-ka.

MAZMUR 80:1

Soaneu mauli-malanga nakameek-ka. Tunga nakameek: Laisona se'bang-nga. Asaf fe sakasii Kokoa-kikion.

MAZMUR 99:1

Manetualain nde bee-na, Manek; leoina-la dele-bengge'be. Ana nangatuuk nai kandela manek lain, fo nai mahahae mali'dak nusa so'dak-ka lain (kerub), daebafak-ka nanggengo.

KELUARAN 20:24

Tao fe Au mei tunu-hotuk esa, taon neme dae-a mai, boema tunu-hotu emi bi'ilopom ma emi sapim-ma nai ndia, soaneu tutunu-hohotu nanatunuk, ma tutunu-hohotu mole-dame. Nai basa mamanak fo Au aketu basan ba'eneu emi, da'di leo mamanak makaluku-makatele soaneu Au-a, neukose Au mai, fo Au ba'e-pala emi.

KELUARAN 23:21

Taoafik neun, fo tungan. Boso la'ban-nana, nanahu Au hataholi nadedenung ndia, de neukose ana ta fe do'o do ampon neu emi la'o lenam-ma fa.

KELUARAN 25:22

Nai mamanak ndia nde neukose Au atongo o o, ma neme tatanan lain mai fo nai kerub ka duak sila-la tala'da, neukose Au fe Au hoholo-lalaneng neu leoina Israel-la tunga o.”

YESAYA 37:16

“Manetualain Fo Manakoasa, fo Israel Manetualain-na, fo nangatuuk nai kerub lain, Ka'da O mesa-mesam-ma nde Manetualain, fo koasa basa nusak manai daebafak-ka lala'en-na. O nde makadada'dik lalai ma daebafak-ka.

BILANGAN 6:27

Ma Manetualain nafa'da nae, “Metema ala kokolak Au na'deng-nga da'di leo baba'e-papalak neu leoina Israel-la soona, neukose Au ba'e-palas.”

BILANGAN 7:89

Metema Musa neu leo Manetualain Lalaa Teman dale neu, fo ana kokolak no Manetualain soona, namanene Manetualain kokolak non neme Peti Hehelu-balataak-ka tatanan lain mai, fo Peti Hehelu-balataak ndia, nai mahahae nusa so'da ka duak-kala dodoki-dudulan tala'da.

YOSUA 15:60

Boeo kota ka duak, fo nanasulak nde nisidaen ia, sama-sama loo nggolo-nggolok manai boboa-kaisun-nala nde: Kota Kiryat-Baal (fo nde Kiryat-Yearim) ma Kota Raba.

YOSUA 15:9

basa boema, nakandoo leo oemata Me-Neftoah neu, losa kota-kota manadeka no Letek Efron-na. Nusak ndia, toon-na neme ndia mai, de ana pilu leo Baala neu (fo nde Kiryat-Yearim),

SEMUEL SUSULAK-KA ESAN-NA 4:4

Boema ladenu hataholi neu leo Silo neu, fo neu ho'i Manetualain Peti Hehelu-balataan, fo nalupa Manetualain Fo Manakoasa, kandela manen-na. Eli ana ka duan-nala, fo nde Hofni no Pinehas tunga Peti Hehelu-balataak ndia.

SEMUEL SUSULAK-KA ESAN-NA 6:21

Boema ladenu hataholi neu leo Kiryat-Yearim laun-nala no leni hala heheluk-ka nde ia, “Hataholi Filistin-nala leni falik Manetualain Peti Hehelu-balataan so. Mai fo ho'i meni peti ndia leo emi mamanam-ma neu.”