1 PETRUS 3:6 - Susula Malalaok Hehelu Palak Ma Hehelu Beuk

⁶ Sara leondiak boe. Ana tunga Abraham paleta na, ma noken soona nae, ndia malanga na. Besak ia, tolanoo kala nde bee na Sara anan, metema emi tao-no'i dede'a malole, ma emi ta bii-mamata'u neu hata esa boen.

1 PETRUS 3:6 Σταυροειδείς Αναφορές

KEJADIAN 18:12

Hu ndia de, Sara hika nai dalen dale, ma nae, “Au amalasi, ma balakaik ta so, de hapu nai bee, au bei ahiik sungu o au saong-nga? – Bai te, au saong-nga boeo namalasi so.”

KEJADIAN 18:15

Hu kande bibiik-ka, de Sara nalelesi nae, “Au ta hika fa.” Tehu Manetualain nataa nae, “Memak na'kasa o hika so.”

MAZMUR 45:11

Hai ina maneana nei, mamanene au dede'a-kokolang, boso mafandele o leoinam-ma, ma o tia-laim-mala.

YESAYA 57:11

Manetualain nafa'da nae, “See lamatua daebafak sila-la, de ala tao-la emi bii-mamata'u, nalosa emi masapepeko-masandandali, ma ta mafandele Au fa? Ade, emi ta sene-do'ok neu Au so'on, nanahu Au denge-denge dook-ka nanseli do?

HATAHOLI 4:19

Tehu Petrus no Yohanis lataa lae, “Du'a-dodoo matam, bee ka nde malole nai Manetualain mata na: tunga Tua nala paleta na do tunga Manetualain paleta na.

HAKIM-HAKIM 19:26

Nai lelek dulufula boema, inak ndia fali ma'in, de ana sapala'o neme saotoun-na sungu nai toulasik ndia uman-na, lelesun-na bafan-na. Le'do-a tii so, te bei nahele nai ndia.