1 PETRUS 1:6 - Susula Malalaok Hehelu Palak Ma Hehelu Beuk

⁶ Hu ndia de, ela leo bee na emi mamahoko, leomae besak ia, soaneu fai nggenggelok esa mesa kana, emi dale ma muse he'di sa, nanahu emi la'oladi soso'ba-susu'di mata-mata kala.

1 PETRUS 1:6 Σταυροειδείς Αναφορές

MAZMUR 119:28

Au samaneng-nga lutu-lutu, hu kande susa tuni-ndenin, matetea-mahehele au, nandaa no O hehelu-balataam.

MAZMUR 119:75

Ou Manetualain, au bubuluk, ae O nakeketum-ma, ndoos ma matetuk. O huku basa au so, nanahu O lilinekam.

MAZMUR 34:19

Manetualain deka no, hataholi dale manaba'ihanak-ka; Ana soi-tefa-na hataholi fo, ketu namahehenan-na.

MAZMUR 35:10

Au afa'da no au dale katema tuang-nga ae, “Manetualain, See kande sama leo O! O soi-po'i tapandoes-sa neme mabe'i-balakaik-ka, nuu ta-hata taak ma doidosok-ka, neme tuni-ndenik-ka mai.”

MAZMUR 69:20

O bubuluk, au nananakadadaek nanseli, nananakamumulu-nakamamaek ma nananakamuu-nakadauk, O mita la'iesak au musung-ngala.

MAZMUR 9:14

Mitak, musu-a tao-na au doi-doso; sue-lai au, ou Manetualain matapo'i au neme mamates-sa mai,

MAZMUR 95:1

Mai fo, ata takamee ba'eneu Manetualain, eeki-tatadale, ba'eneu ita manasoi-manatefan-na!

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

YESAYA 61:3

soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

MATEOS 11:28

Mai leo Au mai leona, emi fo mana sota-mangu kala, ma mana lu'a-lepa mabela la lemin; neukose Au fe emi namahoko-sete leek.

MATEOS 26:37

Boema Ana leleko Petrus ma Zebedeus anan duas fo sama-sama loon. Ana mulai name'da dale na he'di sa ma ta tesa-tama fa.

MATEOS 5:12

Nabi makahulu kala boeo, ala fepa-li'us sama leo emi boe. Mamahoko ma hika-setelee leona, nanahu Lamatua ka sadia basa ngga'di matua ina nai nusa so'da ka, soaneu emi so.”

LUKAS 1:47

ma au samane nga namahoko-setelee nana Manetualain au Manasoi-Manatefa nga.

LUKAS 10:20

Leomae leondiak boe, boso mamahoko hu ka nde dula dale mangalau kala tunga emi paleta ma. Malole lenak emi mamahoko, hu ka nde emi na'de ma nanasulak nai susula maso'dak manai nusa so'da ka.”

LUKAS 2:10

Tehu ata nusa so'dak ndia nafa'da nae, “Boso bii! nana au mai uni hala malole soaneu emi. Halak fo tao namahoko basa hataholi lala'ena.

YOHANIS 16:22

Emi boeo leondiak: Besak ia emi dale ma he'di sa, tehu metema Au atongo seluk o emi soona, emi mamahoko-setelee, fo ta hapu hataholi esa boen, hapu ho'i na namahoko-seteleek ndia neme emi dalem dale mai so'on.

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

HATAHOLI 14:22

Nai kota sila la, duas latetea-lahehele ma lanoli-lafa'da hataholi mana tunga Yesus manai kota sila la, fo daenga lamahele lahele Yesus. Lanoli-lafa'das lae, “Ita muse doidoso ba'u ka takahuluk, fo besa ka ita hapu namahokok nai Manetualain Daebafa Beu na dalek.”

ROMA 12:12

Ela leo bee na mamahena neu ka'da Lamatua ka no namahokok, boso haelai mamanasa nai toto'a-tataa ka dalek, ma hule-haladoi mahele.

ROMA 5:11

Lenak neme ndia mai, ita boeo tamahoko nai Manetualain dalek, tunga ita Lamatuan Yesus Kristus. Nana besak ia ita hapu mole-dame ndia tunga Kristus.

ROMA 5:2

Hu ka nde ita tamahele Yesus de Ana fe ita Manetualain susue-lalain, de no susue-lalaik ndia de besa ka ita taso'da. Hu ndia de ami mamahoko nana ita tamahena, neukose ita taso'da nai Manetualain fe ua-nale ka dalek!

ROMA 9:2

Au doidoso ma au dale nga he'di nanseli,

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

2 KORINTUS 6:10

Leomae ami dale ma nananakahehe'dik, tehu ami mamahoko tataas esa boe. Ami nananitak hataholi nuu ta-hata tak, tehu ami tao ma hataholi ba'u ka lamasu'i so. Ami nananitak ta manuu hata esa boen, tehu tunga ndo na ami manuu basa-basan lala'ena.

GALATIA 5:22

Dede'a nasafali na nae, metema Manetualain Dula Dale na hela-nole hataholi soona, buna-boan nde: ala lasue-lalai ao, ala lamahoko-setelee, ala lanuu dale mana tesa-tamak, ala ta haelai lamanasa, ma ha'da-tataon malole, ala malole lo hataholi fe'ek, ala lilineka,

FILIPI 2:26

Dale na nahiik nanseli no emi basa mala. Dale na ta tesa-tama fa nana, emi mamanene basa hala ka nae, namahe'di.

FILIPI 3:3

Te see ko na, ita nde sipo sunat matetu ka, te sila soona, ta. Ita sene-do'ok neu Manetualain, hu ka nde Dula Dale na hehela-nonolen, ma ita toke makasi nanahu ita taso'da da'di esa to Kristus Yesus. Ita ta tamahena neu ito-atok tunga ha'da-tatao ao paa ka fa.

FILIPI 4:4

Ela leo bee na, emi mamahoko tataas esa, nana hu emi maso'da da'di esa mo Lamatua ka so. La'i esa seluk au afa'da: mamahoko leona!

1 TESALONIKA 1:6

Emi tunga ami heheo-hihilum, ma Lamatua ka heheo-hihilun. Leomae emi doidoso manseli, tehu emi sipok no namahokok, halak fo ami tui-bengan neu emi a. Namahokok ndia, nanafek neme Manetualain Dula Dale na mai.

YAKOBIS 1:2

Tolano-tolanoo ngala lemin! Metema emi la'oladi sosoba-susu'di mata-mata kala soona, mafa'da mae, emi hapu nanalak ndia.

YAKOBIS 1:9

Hataholi kamahehele nuu ta-hata ta ka, ela leo bee na namahoko, metema Manetualain so'u namadedeman.

YAKOBIS 4:9

Ela leo bee na, emi tuka tei-sale dale no te'e-te'ek ma kikii-makaleleuk; ela leo bee na, emi hihika ma nasafali da'di kikiik, ma emi namahoko ma, nasafali da'di dale he'dik!

1 PETRUS 3:17

Malole lenak doidoso hu ka nde tatao-nono'i malole a metema doidosok ndia nde bee na, Manetualain hihii-nanaun neme emi doidoso, hu ka nde tatao-nono'i mangalau ka.

1 PETRUS 4:7

Basa hata lala'e na sanga deka basan ia so, hu ndia de, ela leo bee na emi muse paleta ma ao ina mala ma manea, fo ela emi hapu loak soaneu hule-haladoi.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.

SEMUEL SUSULAK-KA ESAN-NA 2:1

Boema Hana hule-haladoi nae, “Manetualain tao-na au daleng-nga namahoko; tatao-nono'in tao tesa-tama au daleng-nga. Au ame'da au aua-anale, de au hakinonoli au musung-ngala, nana te'e-te'e, Manetualain tulu-fali basa au so.