SEMUEL SUSULAK-KA ESAN-NA 7:5 - Susula Malalaok Hehelu Palak Ma Hehelu Beuk

⁵ Basa ndia boema, Semuel nafada nae, “Maloo makabubua basa leoina Israel-la lala'en-na nai Mizpa, soona neukose au hule-haladoi neu Manetualain soaneu emi.”

SEMUEL SUSULAK-KA ESAN-NA 7:5 Σταυροειδείς Αναφορές

KEJADIAN 20:7

Tehu besak ia, fe falik-kana leo saon-na neu. Saon-na nabi esa, de neukose ana hule-haladoi soaneu o, fo ela boso mate o. Tehu metema, o ta nau fe falik-kana fa soona, mafandendelek te, neukose mate o moo basa o laum-mala lala'en-na!”

KEJADIAN 31:49

Laban boeo nafa'da nae, “Sa'di leo been-na, Manetualain mete-nakanae ita, nai ita maso'dan, fo komododoon ia dalek.” Hu ndia de, loke mamanak ndia soona lae, Mizpa boe.

2RAJA-RAJA 25:23

Lelek, basa Yehuda malanga solda'du manai lain-nala, loo solda'dun fo lakatele neu Babel-la, lamanene Gedalya soso'un-na boema, basa-basas mai leo Gedalya nai Mizpa. Malanga solda'du manai lain sila-la nde, Ismael, fo Netanya anan-na, Yohanan, fo Kareah anan-na, Seraya, fo Tanhumet neme kota Netofa anan-na, ma Yazanya, neme kota Maakha mai.

NEHEMIA 9:1

Nai bulak ndia fain duahulu haa boe, laun Israel-la lakabubua. Ala okaaon-nala fo latu'du lae sila sale-dale neu sila sala-singon-nala. Ala ta lakabubua loo basa hataholi nusa dea-la fa. Ala pake lafa kalong ma ala nggali dae neu langan-nala lain, fo da'dileo ta'du-tana dale he'dik. Basa boema, ala fo'a lapadeik fo ala manaku basa sila sala-singon lala'en-na, ma sila bei-ba'i kain-nala sala-singon.

YEREMIA 40:6

Au u lo Gedalya neu nai Mizpa, de au leo on nai laun-nala tala'da, fo nanala'o elak mani nusak Yehuda.

HOSEA 5:1

Manetualain nae, “Hai imam-mala lemin! Mamanene leona. Hai hataholi Israel-la lemin, taoafik leona! Hai manek-ka tititi-nonosin-nala lemin! Huhukuk-ka, nana naketu basak soaneu emi so! Nana, tunga ndoon-na, emi maketu-mala'di tunga ndoos ma matetuk, tehu nasafalin-na, emi da'di sama leo meobesi nai Mizpa, sama leo hihi'ik nai Lete Tabor-ra so,

YOEL 2:16

Tao makabubua basa laun-nala lala'en-na, paleta hataholi-la fo lakabubua Madenu lasik-kala, ni'iana-la ma ni'iana manasu'uk-kala, fo ala mai boe. Lena-lenak manaka'bing beuk-kala, muse ala mai boe. Madenus fo ala kalua leme kaman-nala dalek mai.

HAKIM-HAKIM 10:17

Nai lelek ndia, solda'du Amon-nala laheheleaon fo latee-lata'ti. Ala ofu nai Gilead. Hataholi Israel-la boeo, lakabubua basa so, de ala ofu lai Gilead boe.

HAKIM-HAKIM 20:1

Boema hataholi Israel-la lala'en-na, ala mai leme Dan nai kii, losa Bersyeba nai kona, ma Gilead nai dulu, fo tao latetu hala nalolook ndia. Lakabubua, ma dalek esa lai Mizpa, nai Manetualain matan.

SEMUEL SUSULAK-KA ESAN-NA 10:17

Boema, Semuel naloo laun Israel-la, fo lakabubua nai Mizpa,

SEMUEL SUSULAK-KA ESAN-NA 12:17

Neukose au aloo bou-bou neu Manetualain, fo leomae besak ia, fai hanas, tehu neukose Manetualain fe mangguluk-ka ma u'dan-na mai, fo da'di leo natataak neu au huhule-haladoing. Nai hatematak ndia, neukose emi mame'da, emi sala-singom ba'un-na seli soaneu Manetualain nanahu emi moke manek esa.”

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.

SEMUEL SUSULAK-KA ESAN-NA 7:12

Basa ndia boema, Semuel napadedeik batu esa nai Mizpa no Sen dae toon-na. Nafa'da nae, “Tete'ek-ka Manetualain tulu-fali ita so.” – boema ana foi batu ndia na'de, “Batu Manatulu-manafali.”

SEMUEL SUSULAK-KA ESAN-NA 7:16

Tunga teuk, ana la'ok okofefeo leo Betel, Gilgal, ma Mizpa neu. Ma nai mamanak sila-la ana da'di mauli-malangan.

SEMUEL SUSULAK-KA ESAN-NA 7:4

Da'di, hataholi Israel-la tu'u-tapa heni Lamatua Daebafak Baal-la dodoki-dudulan ma Lamatua daebafak Inak Asytoret-ta dodoki-dudulan, de lamahele neu ka'da Manetualain mesak-kana.

SEMUEL SUSULAK-KA ESAN-NA 8:6

Tehu Semuel dalen-na nape'da dale nasak no sila hala nonoken ndia fa. Boema ana hule-haladoi neu Manetualain,