SEMUEL SUSULAK-KA ESAN-NA 5:9 - Susula Malalaok Hehelu Palak Ma Hehelu Beuk

⁹ Tehu lelek peti ndia losa kota ndia boema, Manetualain huku kota ndia boe de lapangamak matuaina da'di. Kota ndia laun-nala, nau mulik do lasik boe, nanahukuk nenik peta-paek da'di nai aopaan-na.

SEMUEL SUSULAK-KA ESAN-NA 5:9 Σταυροειδείς Αναφορές

MAZMUR 78:66

Ana tao-na musu noon-na nakadedeak, de Ana sengis losa dodoon-na.

AMOS 5:19

Heo-hilun sama leo hataholi fo nalai neme singa mai, tehu natongo no meoasu-a. Do sama leo, hataholi fo ne'un leo uma neu, de ana to'ba liman-na neu uma papala nanadaman-na, boema menge kaan!

ULANGAN 2:15

Manetualain la'ban-nasa nakandondoo henin, losa mate'en-na boema, mopo-mate la'iesak-kasa.

SEMUEL SUSULAK-KA ESAN-NA 12:15

Nasafalin-na, metema emi ta mamanene Manetualain fa, lena-lenak emi la'ban paletan-na soona, tao leo bee o, Manetualain la'ban emi ma emi manem-ma.

SEMUEL SUSULAK-KA ESAN-NA 5:10

Boema leni Peti Hehelu-balataak ndia leo Ekron neu, fo kota fe'ek esa seluk nai Filistin. Peti ndia losa ndia boema, laun-na nggasi ma lae, “Leni Israel Manetualain Peti Hehelu-balataan ndia leo ia mai, fo ana taonisa ita basa-basa-tala.”

SEMUEL SUSULAK-KA ESAN-NA 5:11

Hu ndia de, laloo basa Filistin manen-nala, fo lakabubua, boema lafa'da lae, “Meni falik Israel Manetualain-na, Peti Hehelu-balataan ndia leo mamana makasososan-na neu, fo daenga ana boso taonisa ita ma ita teidale-bobongin-nala.” Lapangamak-ka da'di nai kota dale lala'en-na, nanahu Manetualain huku laun-na nenik huhuku mabelaina.

SEMUEL SUSULAK-KA ESAN-NA 5:6

Basa boema, Manetualain huku Asdod laun-nala loo nusak manai titia-tatain nenik peta-paek nai aon-nala.

SEMUEL SUSULAK-KA ESAN-NA 6:11

Boema ala fua Peti Hehelu-balataak ndia, ma balaka anak fo isi-na lafo nanataok neme lilopilas, ma peta-paek salaok ndia leo nggalobak lain neu.

SEMUEL SUSULAK-KA ESAN-NA 7:13

Hataholi Filistin-nala kakalan-na leondiak. Manetualain ta fes loak masok Israel nusan-na seluk so'on, nai lelek Semuel bei naso'da.