SEMUEL SUSULAK-KA ESAN-NA 5:4 - Susula Malalaok Hehelu Palak Ma Hehelu Beuk

⁴ Tehu balahaa fafaik boema, ala lita tu'da heni seluk dodoki-dudulak ndia nai Peti Hehelu-balataak ndia matan-na so. Oek ia, dodoki-dudulak ndia langan-na ma alun duas nananggelohenik, de beselee nai lelesu bafan-na; ela ka'da dodoki-dudulak ndia aon-na bei katemak. (

SEMUEL SUSULAK-KA ESAN-NA 5:4 Σταυροειδείς Αναφορές

YESAYA 27:9

Tehu, Israel sala-singon-nala, ka'da hapu do'o do ampon neun, mete ala loli lakalulutuk lamatua daebafak-kala, sama leo ha'o-a. Basa boomenik, ma lamatua daebafa Inak Asyera dulan-na, muse nanatao nakalulutuk boe.

YESAYA 40:20

Hataholi fo, ta nabe'i asa lilopilas do lilofulak fa, hele ai fo, ta naalutun lai-lai fa. Ana sanga tuka malela ina fo ana tao dodoki-dudulak fo, ta nalengo fa.

YEREMIA 10:11

Hei anang-ngala lemin, emi muse mafa'da neus mae, lamatua daebafak-kala fo ta lakadada'dik lalai-a ma daebafak ndia fa, neukose nanatao namopo-namatek. Neukose sila mopok-kasa neme daebafak ia mai.)

YEREMIA 10:14

Hataholi daebafak-ka nita basa sila-la boema lame'da, lae ndia nggoak ma ta nanuu dudu'a-aafik fa. Basa manatao nalelak lilopilas mopo matan-nala, nana sila tao dodoki-dudulak sosongo-tatangok ndia ta te'e-te'ek fa ma hahaen ta.

YEREMIA 10:15

Sosongo-tatangok sila beli taak-kala, nanda nanahokinonolik ma nananakadadaek. Metema losa fain-na soona sila mopo-mate.

YEREMIA 50:2

“Tao ta'du-tana ma mafa'da basa nggileom-mala mae Babel tu'da so! Boso mafuni dede'ak ndia! Merodakh sila lamatuan-na nakalulutuk so, ma tao naba'e dodoki-dudulak hohongek-kala, no basa sosongok-tatangok nananakadadaek-ka.

DANIAL 11:8

Nai lelek ana fali ne'un leo Masir neu, neukose ana ho'i neni musun-na lamatua daebafan-na dodoki-dudulan, ma hata-heto lilopilas ma lilofulak fo nanatunu-hotu basak neu lamatua daebafak ndia so. Teuk de'ubee dalen-na, neukose ta nata'ti no manek nusa kii fa.

MIKHA 1:7

Neukose Au akalulutuk dodoki-dudula kabeli inan-nala, ma neukose Au hotu heni basa ala fe bua-lo'as neu ina-inak fo lalalau-laoono nai uma sosongok-ka, boema neukose Au tao amopo-amate sosongo-tatangon lala'en-na. Bua-lo'as sila-la nde been-na, buna-baok neme sila huhule-haladoin neu lamatua daebafak fo manafe dae-oe naisi-namina. Besak ia, neukose musu ho'i neni basa sila-la, fo loke makasi neu sila lamatua daebafan-nala.”

SEMUEL SUSULAK-KA ESAN-NA 6:5

Da'di, emi muse nana dulak neme peta-paek ma lafo fo nanataok neme lilopilas, manatao nalutu emi nusam-ma. No enok ndia, emi fe ha'da-holomata neu Israel Manetualain-na. Fafa'kama, neukose Ana hahae huku emi, ma emi lamatua daebafam-mala boema emi daem-ma.