SEMUEL SUSULAK-KA ESAN-NA 4:5 - Susula Malalaok Hehelu Palak Ma Hehelu Beuk

⁵ Lelek Peti Hehelu-balataak ndia losa mamana oofuk-ka boema, hataholi Israel-la eki lapane'e, nalosa daebafak-ka dele.

SEMUEL SUSULAK-KA ESAN-NA 4:5 Σταυροειδείς Αναφορές

2 SEMUEL 15:24

Imam Zadok, imam Abyatar, ma basa hataholi Lewi manandolo Manetualain Peti Hehelu-balataan-na, lai ndia. Ala pe'da Peti Hehelu-balataak ndia de ala ta ndolo fan, losa laun-na lala'en-na la'oela kota ndia.

1RAJA-RAJA 1:40

Basa boema sila basa-basas benongo loon fali ma ala eki ma ala fuu kinuk, nalosa dae a nono'kabai sanga heaba'en nanahu eeiki natadalek ndia.

AYUB 20:5

hataholi mangalauk-ka, namahoko-seteleen ta doo bee ana esa boen, ma hataholi malelesik-ka, namahokon-na, ka'da hatematak esa mesak-kana do ta?

YEREMIA 7:4

Boso mamahele manake'di-ndiuk fo lafa'da lae, ‘Ita nee-nee lino-linok, Manetualain Uman ia. Tete'ek-ka, Manetualain Uman ia!’

AMOS 6:3

Emi matea mahele ka'da mae, fai susa-soe bei dook-ka, tehu emi tatao-nono'im nde tao-na fai maneni mamates ndia losa no lai-laik.

MIKHA 2:11

Emi mahiik nabi fo ana nau nasapepeko-nasandandali ma tipu-dai, boema ana bubuluk hata fo neukose ana da'di nae, neukose emi manuu angol ma ala-lalu sasi kao-kao.”

YOSUA 6:20

Boema, basa imam-mala, puu pupuun-nala. Ma hataholi Israel-la lamanene pupuuk-kala liin-na tu'tik-ka, ala eki lapane'e, de ndefa heni kota Yerikho-a, papala nanadaman-na. Basa solda'du Israel-la lala'en-na kae tutik, de leu leo kota ndia dalek leu, fo langatuu-lan.

YOSUA 6:5

Basa ndia soona, imam ka hituk sila-la, muse puu pupuun-nala liin-na manalu. Metema, emi mamanene pupuuk-ka lii manalun ndia soona, basa solda'du-la eki lapane'e fo nadodolo, soona neukose ndefa heni, kota ndia papala nanadaman-na. Tu'tik-ka, emi basa-basam-mala, muse meu leo kota ndia dalek meu.”

HAKIM-HAKIM 15:14

Lelek loo Simson losa Lehi boema, hataholi Filistin-nala lalai mai latongo loon, ma ala eeki-latadalen. No kaiboik, ana da'di mabe'i-balakaik, hu kande Manetualain koasan-na. Ana tao ketu, ala pa'a tali-tali manai liman-na ndia, ana tao ketus leondiak mesan, nono'kabai, tali sila, tali ha'i na'ak.

SEMUEL SUSULAK-KA ESAN-NA 4:6

Hataholi Filistin-nala boeo, lamanene eekik ndia, boema lafa'da lae, “Tao le'e de, hataholi Ibrani sila-la eki doto-doto?” Tehu lelek ala bubuluk lae Manetualain, Peti Hehelu-balataan losa nai hataholi Ibrani-la mamana ofun-na so boema,