SEMUEL SUSULAK-KA ESAN-NA 4:3 - Susula Malalaok Hehelu Palak Ma Hehelu Beuk

³ Lelek bei ela solda'du manakala-kala, ala fali leo mamana oofuk-ka, boema basa mauli-malangan Israel-la lafa'da lae, “Tao le'e de, Manetualain po'ilotak hataholi Filistin-nala sengi ita nai faik ia dalen-na.? Mai fo teu ho'i-ta, Manetualain Peti Hehelu-balataan nai Silo, fo tenin leo ia mai, fo ela Manetualain nau tulu-fali ita, fo soi-tefa-na ita teme musu mai.”

SEMUEL SUSULAK-KA ESAN-NA 4:3 Σταυροειδείς Αναφορές

2 SEMUEL 15:25

Boema, manek-ka nafa'da Zadok nae, “Meni falik Peti Hehelu-balataak ndia leo kota dale neu. Metema, Manetualain sue-lai au soona, tao leo bee-o, neukose Ana po'i au fali, fo au ita seluk Peti Hehelu-balataak ndia, sama-sama no mamanan leleon-na.

1 TAWARIKH 17:1

Manek Dauk ka leo nahele nai uma manen na boema, nai faik esa boema naloo Nabi Natan na de nafa'dan nae, “Mitak, au ia, au leo nai uma manek fo nanataok neme ai kaiou Libanon na mai, tehu Manetualain Peti Hehelu-balataan pe'dan ka'da nai pandopo dale!”

MAZMUR 74:1

Asaf nakamee nanoli nafa'da. Ou Manetualain, O la'oela ami losa dodoon-na do? Tao le'e de, O mamanasa makandoo O anam-mala?

MAZMUR 74:11

Tao le'e de, O ta tulu-fali seluk ami fa? Tao le'e de, O po'i O limam-ma neme ami mai?

YESAYA 50:1

Manetualain nafa'da Israel nae, “Hai Au anang-ngo nei, o maedaenga, Au usiheni o sama leo saotouk esa, usiheni saoinan-na do? Metema leondiak soona, susulan-naelak-ka, nai bee? O maedaenga, Au ase'oheni o, sama leo amak esa, nase'o anan-na, leo manala'ok hutak-ka neu do? Ta! O nanafook, ma nanatu'u-tapak, hu kande o sala-singom, ma o tatao-nono'i mangalaum-ma!

YESAYA 58:3

Leoina ndia natane nae, “Sosoak hata, okaaok ndia, metema Manetualain ta mete fa? Sosoak hata, ita takaloe-takadae oa-tala, metema Au ta taoafik neu fan?” Manetualain nafa'da nae, “Te'e-te'e, lelek emi okaaom-mala, emi sanga nanalak soaneu emi, ma eese-lulumu hataholi fo, emi se'ba-baek-kala.

YESAYA 59:1

Boso maedaenga Manetualain tapandoes nanseli, soaneu soi-tefa emi, do pakek nanseli, soaneu namanene emi hala naloloom-ma.

YESAYA 59:2

Hu kande emi tatao-nono'i mangalaum-ma, de Ana ta nau namanene emi, nai lelek emi hule-haladoi neun. Emi sala-singom-mala nde ta'da fe'e emi neme Manetualain mai-a.

YEREMIA 3:16

Boema, metema emi mamade'u nai nusak ia soona, neukose hataholi ta kokolak seluk, la'eneu Au Peti Hehelu-balataang so'on. Neukose, ala ta dudu'a-dodoo, do lafandelen so'on, te nakalenak ala ta paluun, do ala tao Peti Hehelu-balataa fe'ek fa.

YEREMIA 7:4

Boso mamahele manake'di-ndiuk fo lafa'da lae, ‘Ita nee-nee lino-linok, Manetualain Uman ia. Tete'ek-ka, Manetualain Uman ia!’

BILANGAN 10:33

Leoina Israel-la la'oela basa Sinai, fo Manetualain lete leleon-na boema, ala la'ok faik telu dalen-na. Leni Manetualain Peti Hehelu-balataan, fo nakahuluk sila tataas esa, soaneu ana sanga fes mamana ofu.

BILANGAN 10:35

Nai lelek ala sanga ndolo Peti Hehelu-balataak ndia soona, Musa kokolak nae, “Fo'a leona, ou Manetualain fo tao tapasasala o musum-ma, fo ela hataholi fo ta lahiik O fa, lalai.”

BILANGAN 31:6

Musa nadenus, fo latee-latati sama-sama loo Pinehas, fo Imam Eleazar-ra anan-na. Pinehas ho'inini bua-lo'as malalao-malalafuk-kala, ma pupuuk-kala, fo ana fe ta'du-tana nenik pupuuk.

ULANGAN 29:24

Boema, neukose basa daebafak-ka lala'en-na, latane lae, ‘Tao le'e de, Manetualain tao hataholi sila nusan-na, leondiak? Hu beek de, ana namanasa ba'u-ba'u basa ndia?’

ULANGAN 31:26

“Ho'i-ma Manetualain susula Hoholo-lalanen ia, fo pe'dan neu emi Manetualaim-ma, Peti Hehelu-balataan-na, boboan-na, fo ela nahele neme ndia, fo da'di leo sakasii esa, ba'eneu leoina ndia.

2 TIMOTIUS 3:5

Meten tunga ao paa ka soona, ala tao latetu agama nakanenete nala, tehu tunga ndo na, ala ta tao tunga agama nanoli huhuu na fa. Madook ao ina ma neme hataholi matak leo sila kala mai.

IBRANI 9:4

Ala pe'da mei tutunu-hohotu ka nai kama ndia dalek. Mei ndia, ala tao neme lilopila sa, fo ala tunu-hotu boominik nai mei ndia lain. Ala pe'da Peti Hehelu-Balataa ka nai ndia boe. Lakadiditak lilopilas feo Peti ndia ao na lala'ena. Ala pe'da ule lilopilas esa nai Peti ndia dalek. Ule lilopilas ndia, isi na manna, Harun ai tete'e na, fo nanupu so, ma batu bebelak dua, fo Musa sulak Manetualain paleta kasanahulu na, nai batu kaduak sila la lain.

YOSUA 4:7

ela leo been-na, emi mafa'das, mae Lee Yarden-na oen-na ma'dan, nai lelek leni Manetualain Peti Hehelu-balatan tunga lee ndia. Batu sila-la, neukose fe nafandendelek tataas esa neu leoina Israel-la, hata fo ana da'di nai ia.”

YOSUA 6:6

Boema, Yosua naloo basa imam-mala, de nafa'das nae, “So'u-ma Peti Hehelu-balataak ndia; fo emi hataholim hitu, muse la'ok lai uluk, ma ala ho'u pupuuk.”

YOSUA 7:7

Yosua nafa'da Manetualain nae, “Ou Manetualain fo au Manetualaing-nga! O moo ami losa leo Yarden selik ia mai, soaneu beek? Ade, soaneu fe ami neu hataholi Amori-la do? Fo ela ami mate do? Malole lenak, ami leo ka'da naa, fo nai Yarden selik!

YOSUA 7:8

Ou Manetualain! Musu sengi hataholi Israel-la so. Besak ia, au muse kokolak ae le'e bai?

1 PETRUS 3:21

Naa, mana da'dik ndia, nalupa nakandandaak esa, neme oe salanik fo besak ia, nini so'dak fe emi. Tehu salanik ndia ta nde tao balisi hataholi a ao paa na neme manggenggeo na mai fa, te nalupa emi hehelu-balatam neu Manetualain no dale katema tuak. Salanik ndia nini so'dak fe emi, nanahu Yesus Kristus naso'da falik neme mamate sa mai de,

YUDAS 1:5

Basa sila la, emi bubulu kasa so. Tehu au nau fe seluk emi nasa nene'dak la'eneu, tao leo beek de Amak Manetualain soi-tefa na hataholi Israe la leme dae Masir a mai, tehu makabui na, hataholi Israel bee, ta namahele fa soona, Ana huku nisas.

SEMUEL SUSULAK-KA ESAN-NA 1:24

Fina heni Semuel boema, inan non leo Manetualain Uman neu, nai Silo. Nai lelek ndia, bei anak-ka nanseli. Hana boeo neni sapi mane fa'di teluk esa, gandum kilo sanahulu, ma alukosu bana louk esa, henuk no angol.

SEMUEL SUSULAK-KA ESAN-NA 14:18

Saul nafa'da Imam Ahia nae, “Ho'i meni ba'du lolo'e aluk ndia Nai faik ndia.” (Ahia neni ba'du lolo'e aluk ndia nai hataholi Israel-la matan.)

SEMUEL SUSULAK-KA ESAN-NA 4:2

Solda'du Filistin-nala mulai sapu, de latee-lata'ti leni mamate-momopon, boema solda'du Israel-la kala, de mate hataholi, fafa'kama lifun haa nai natee-natatik dale.