SEMUEL SUSULAK-KA ESAN-NA 28:5 - Susula Malalaok Hehelu Palak Ma Hehelu Beuk

⁵ Lelek Saul nita solda'du Filistin sila-la boema, ana bii nanseli.

SEMUEL SUSULAK-KA ESAN-NA 28:5 Σταυροειδείς Αναφορές

AYUB 15:21

Malii matuaina la, tao la di'idoon-na nono'ka pakek-ka; manabonga uma mai sapu-nan, nai fai nee-nee lino-linok.

AYUB 18:11

Bibii-namata'u matuaina, neme mamanak lala'en-na mai, de ana tao nanggengek hataholi mangalauk-ka; bibii-namata'uk-ka tungan, neme nggani eik leo nggani eik neu.

MAZMUR 73:19

Ala lakalulutuk, nai hatematak esa dalen-na, sila so'da mate'en-na, neni bibii-namata'u matuaina.

AMSAL 10:24

Hataholi dale ndoos-sa, hapu hata fo nahiik-kana; hataholi mangalauk-ka, hapu hata fo, ana bii-namata'u nanseli neun.

YESAYA 7:2

Lelek manek Yehuda namanene lae solda'du Siria-la masok nusa Israel-la, da'di leo tia-laik boema, ndia no leoinan-na bii-lamata'u lanseli, nalosa ala dele bengge'be, sama leo anin-na fafaek ai-la.

DANIAL 5:6

Mata-panan fula ma ana bii nanseli, nalosa lungulangan-na dele ngge'be-ngge'be.

SEMUEL SUSULAK-KA ESAN-NA 28:4

Boema, nai lelek solda'du Filistin-nala lakabubua, de ala ofu deka loo kota Sunem-ma boema, Saul boeo, naloo nakabubua hataholi Israel-la, de ala ofu leme Letek Gilboa.

SEMUEL SUSULAK-KA ESAN-NA 28:6

Boema, noke natutu'duk neme Manetualain mai, tehu Manetualain ta nataa fa, nau tunga me'i-afek do tunga batu Urim ma Tumim-ma, do tunga nabi-la boe.