SEMUEL SUSULAK-KA ESAN-NA 22:2 - Susula Malalaok Hehelu Palak Ma Hehelu Beuk

² Boeo hataholi nanatuni-ndenik-kala, hataholi mahuta-bu'uk-kala, ma hataholi manadale-he'dik-kala, basa-basas lakabubua loo Dauk, de Dauk da'di sila mauli-malangan. Hataholi manatunga Dauk-ka, dede'un-nala, fafa'kama hataholi natun haa.

SEMUEL SUSULAK-KA ESAN-NA 22:2 Σταυροειδείς Αναφορές

2 SEMUEL 17:8

Tao leo bee-o, Ama Manek bubuluk nae Dauk no solda'dun sila-la nde been-na, manamatee-matati palani-la. Sila napalanin-na, sama leo meoasuina manamopo anak-ka. Bai te, Dauk nde been-na, solda'du esa, malelan-na seli, de ana beita sungu hai no solda'dun-nala fa.

2 SEMUEL 5:2

Neme makahulun eli mai, nakalenak nai lelek Saul bei paleta ami-a, metema solda'du Israel-la leu latee-lata'ti soona, Ama Manek nde nauli-nalangas boe, bai te Manetualain helu basa neu Ama Manek, nae Ama Manek nde neukose nauli-nalanga anan-nala, ma da'di sila manen-na.”

2RAJA-RAJA 20:5

fali leo Hizkia, fo Manetualain anan-nala manen-na, fo nanduku-nalosak hala heheluk-ka nde ia, “Au, Manetualain, fo o bei-ba'i kaim Dauk, sene-do'ok-ka. Au amanene o huhule-haladoim, ma Au ita basa, o luu oe-ma so. Neukose, Au tao alea-ahai o; binesak te, neukose o muu leo Au Umang muu.

2RAJA-RAJA 4:1

Faik esa boema, nabi manamatek esa, soainan-na neu leo Elisa neu, de nafa'da nae, “Ama, au saotoung-nga maten so! De Ama bubuluk, mae ndia boeo, hataholi manatunga Manetualain boe, tehu nahuta hataholi esa. Besak ia, hataholi ndia, ana mai fo ana ho'i-na au anang duas, fo ana taos da'di ata, fo ketu au saotoung-nga huta-bu'un.”

AMSAL 31:6

Ala-lalu nde been-na, ka'da soaneu hataholi manamale-talek-ka, ma manadale he'dik-kala.

MATEOS 11:12

Mulai neme Yohanis tui-benga tutui-bebengan losa besak ia, boema Manetualain hataholi kamahehele nala nanalena la'bak neme hataholi mana sanga enok ninik be'i-balakai kala mai.

MATEOS 11:28

Mai leo Au mai leona, emi fo mana sota-mangu kala, ma mana lu'a-lepa mabela la lemin; neukose Au fe emi namahoko-sete leek.

IBRANI 2:10

Memak nandaa Manetualain fo mana makadada'dik basa hata lala'ena soaneu dale dudu'a na mesa kana, Ana tao Yesus manasoi-tefa fo matetu-mandaak, tunga doi-doson. No enok ndia, fo Manetualain nalo hataholi ba'u ka, soaneu ala tunga nananamatutua-namadedemak sama-sama lo Yesus. Nanahu Ndia nde manasoi enok ba'eneu sila soaneu bisa nanasoi-tefak.

HAKIM-HAKIM 11:3

Hu ndia de, Yefta nasi'da-naba'e neme tolanoon-nala mai, boema ana la'o, de ana leo nai nusa Tob-pa. Hataholi mangalauk bubuak esa nai naa, lakabubua lon, de leu lamanako.

HAKIM-HAKIM 18:25

Leo Dan-na hataholin-nala lae, “Malole lenak, o denge-denge; boso nalosak hataholi ia-la lamanasa, fo ala sapu-la o. Mahani te, neukose mate o moo o teidalem-mala lala'en-na.”

SEMUEL SUSULAK-KA ESAN-NA 22:3

Dauk la'o neme leak ndia mai, de neu leo Mizpa, fo nai Moab, boema nafa'da nusa Moab-pa manen-na nae, “Fe atam-ma ina-aman loak, fo ala leo loo Tuan, losa atam-ma bubuluk, Manetualain tao atam-ma le'e.”

SEMUEL SUSULAK-KA ESAN-NA 23:13

Boema Dauk no solda'dun-nala, fafa'kama hataholi 600, no lai-laik ala la'o ela Kehila, de laleu-lalaak, leme mamanak esa leo mamanak esa leu. Lelek Saul namanene lae, Dauk la'o neme Kehila mai so, boema ta neu sapu-nan so'on.

SEMUEL SUSULAK-KA ESAN-NA 25:13

Dauk fe paleta nae, “Esa-esak pa'a tafainan-na neu kale'bon-na!” No lai-laik, Dauk solda'dun-nala, ala tao tunga paleta ndia. Dauk boeo, ana pa'a tafainan-na neu kale'bon-na, de fafa'kama ana la'o no hataholi natun haa, ma ana la'o ela hataholi natun dua, fo lanea bua-lo'as.

SEMUEL SUSULAK-KA ESAN-NA 30:6

Dauk solda'dun-nala, susa lanseli, nanahu mopo sila sao-anan-nala. Hu ndia de, ala sanga tapa Dauk nenik batu. Da'di, Dauk nai toto'a-sosota matua dale, tehu Manetualain fo ndia Manetualain-na, natetea-nahehele seluk dalen-na.

SEMUEL SUSULAK-KA ESAN-NA 9:16

“Balahaa fafaik, fafa'kama li'u ba'u ia, neukose Au adenu hataholi esa neme leo Benyamin-na mai, neu natongo no o. So'u hataholi ndia, nenik lose mina neun, fo ana da'di manek neu Au anang Israel. Neukose ana soi-tefa-na Au anang-ngala leme hataholi Filistin-nala mai. Au ita basa Au anang-ngala doi-doson ma kikii-makaleleun loke tutulu-fafalik so.”