SEMUEL SUSULAK-KA ESAN-NA 20:2 - Susula Malalaok Hehelu Palak Ma Hehelu Beuk

² Boema Yonatan nataa nae, “Boso kokolak mae leondia! No Manetualain, na'den-na, neukose ana ta taonisa o fa. Au amang nafa'da dale tutu'un lala'en-na neu au tataas esa, nau dede'a matuaina, do dede'a ana boe. Da'di, au amang ta bisa nafuni dale tutu'un ndia neu au fa. Hu ndia de, o hala kokolam ndia ta la'e fan!”

SEMUEL SUSULAK-KA ESAN-NA 20:2 Σταυροειδείς Αναφορές

KEJADIAN 44:7

Ala lataan lae, “Tuan dudu'a na leobeek? Ami soo mae ami ta tao leondiak fa!

MAZMUR 40:6

Manetualain, O tatao-nono'in makadotok nanseli ba'eneu ami, ou au Manetualain, ta hapu hata fo, hapu nakasasamak-kana no O fa! O dale tutu'um makadotok, tao-na ami dodoo doak-kana, ta hapu tui la'iesak-kasa fa.

AMSAL 29:24

Hataholi fo, ana tao-no'i sama-sama no nakodaa, sosoan-na nae, nakamuu-nakadau seluk aoinan-na. Metema, ana tui no mangale'dok nai uma manakee-manafula soona, neukose hukun. Tehu metema, ka'da denge-denge soona, neukose Manetualain soo-supan la'en.

YESAYA 50:5

Manetualain fe au malelak; au ta la'ban, do lepos la'oela fan.

LUKAS 20:16

Tao leo bee o neukose ana ma'i fo ana taonisa manaso'u belak sila la, fo ana fe osi ndia leo manaso'u bela fe'ek neu.” Lamanene dede'ak ndia boema hataholi sila la lafa'da Yesus lae, “Ta makandondook!”

YOHANIS 15:15

Au ta alo emi ae, ata so'on, ninik ata ta bubuluk lamatua na tatao-nono'in fa. Au alo emi ae tolanook, nana basa hata fo Au amanenen neme Au Amang mai a, Au afa'dan neu emi so.

YOHANIS 17:8

Ama ka fe Au dede'a-kokola kala, Au afa'da basa-basas neu hataholi la, de ala sipo lalan so. Ala bubuluk basa, tete'e ka Au mai eme Ama ka mai, de lamahele Ama ka nde nadenu Au a.

YOSUA 22:29

Mamahele leona, te ami ta nau la'ban Manetualain fa, do hahae makaluku-makatele neun, nenik popo-tama seluk mei tunu-hotu fe'ek, soaneu tutunu-hohotu nanatunuk do tutunu-hohotu gandum do soaneu tunu-hotuk, te se'kona, Manetualain fo ita Manetualain-na nanuu mei tunu-hotuk nai Manetualain Lalaa Teman-na, matan-na so.”

YOSUA 24:16

Boema hataholi Israel sila-la lataa lae, “Neukose ami ta la'oela Manetualain makadondook, fo ami mamahele neu lamatua daebafak-kala fa!

SEMUEL SUSULAK-KA ESAN-NA 14:45

Tehu laun-na nafa'da Saul nae, “Ade Yonatan muse nanahukunisak do? Te se'kona ndia nde neni sesengik matuaina ia? Ta! Ami maheluk pake Manetualain fo maso'dak-ka na'den-na, mae ta bole mopo Yonatan langa doon esa boen, neme langan lain mai fa. Nanahu no Manetualain nde tutulu-fafalin de, ana hapu sesengik nai faik ia.” No enok ndia, laun-na soi-nala Yonatan neme mamates-sa mai.

SEMUEL SUSULAK-KA ESAN-NA 20:1

Boema Dauk nalai neme Nayot fo deka no Rama mai, de neu leo Yonatan neu, boema natanen nae, “Te au sala beek? Au tao tatao-nono'i mangalauk beek so, ma au tao sala-singo beek soaneu o amam, nalosa ana nau taonisa au?”

SEMUEL SUSULAK-KA ESAN-NA 20:12

Boema, Yonatan nafa'da Dauk nae, “Sa'di leo been-na, Manetualain fo Israel Manetualain-na, da'di ita sakasiin-na. Balahaa fafaik do binesak, fafa'kama nai li'u sama-na leo besak ia soona, neukose au sanga enok, fo au bubuluk au amang dale bobongoanan-na leo beek. Metema, heo-hilun malole soaneu o soona, neukose au haitua fe o halak.

SEMUEL SUSULAK-KA ESAN-NA 20:3

Boema, Dauk nataa nae, “O amam bubuluk besa-besa nae o sue-lai au. Da'di, tao leo bee-o, ana ta nau nafa'da dede'ak ndia neu o fa, fo ela o dalem-ma boso he'dis-sa. Tao leo beek boeo, no Manetualain fo maso'dak-ka na'den-na, te'e-te'e au so'dang-nga, sama leo manutolo nai kapa susula pe'dan-na!”

SEMUEL SUSULAK-KA ESAN-NA 9:15

Saul beita mai fa te, Manetualain fe Semuel hala-heheluk-ka nae leo ia,