SEMUEL SUSULAK-KA ESAN-NA 2:8 - Susula Malalaok Hehelu Palak Ma Hehelu Beuk

⁸ Ana so'u hataholi nuu taa-hata taak-ka neme doi-doson mai, Ana soi-po'i hataholi nananakadadaek-ka neme doidosok-ka mai. Ana taos da'di manefetoana-la tia-lain, ma Ana fes nangatuuk maha'da-holomatak Manetualain nde nanuu daebafak-ka buin-na, de nafofo'a daebafak-ka nai lain.

SEMUEL SUSULAK-KA ESAN-NA 2:8 Σταυροειδείς Αναφορές

KEJADIAN 41:14

Boema manek-ka nadenu leu lala Yusuf, de no lai-laik nanakaluak neme bui a mai. Yusuf nggeu basa nggolomei na ma nggatiheni bua papaken-na boema, neu nataa manek-ka.

KEJADIAN 41:40

Neukose au so'u o da'di filana, ma basa au laung lala'en-na neukose ala tunga o paleta ma. Ka'da au mesang-nga nde anuu koasa lena neme o mai.”

2 SEMUEL 7:8

Hu ndia de, Natan, muu mafa'da Au atang Dauk, mae Au, Manetualain Fo Manakoasa, nafa'da nae, ‘Au hele basa o, neme o ue-le'dim fo manafoo bi'ilopo neme mook-ka, de Au so'u o, da'di manek neu Au anang Israel.

1RAJA-RAJA 16:2

‘Makahulun-na o ta soa nda hata esa boen, tehu Au so'u basa o, da'di mauli-malangan neu Au anang Israel. Te besak ia o masala-masingo sama leo Yerobeam, ma o tao ma Au anang Israel nasala-nasingo, nalosa ala tao lafo'a Au nasa melung.

2RAJA-RAJA 9:6

Basa boema, duas leu leo uma dale leu, de nabi muli-soluk ndia, ana po'a mina setun-na neu Yehu langan lain, boema nafa'da nae, “Amak, fo Israel Manetualain-na, nafa'da nae, ‘Au so'u o da'di manek, neu Au anang Israel.

AYUB 1:21

ma nafa'da nae, “Au inang bongi au-a, au ta eni hata esa boen, de neukose au mate boeo, au ta eni hata esa boen. Manetualain nde fe-a, de Manetualain boeo nde ho'i falik-kana. Koa-kio na'den-na!”

AYUB 2:8

Boema, Ayub neu nangatuuk nau afu tala'da, de ana ho'i falee fangik, de ana kakalo nenik aon-na.

MAZMUR 102:25

Boema au afa'da ae, “Ou Manetualain, boso ho'i-ma au so'dang-nga, nai lelek au so'dang-nga ba'e duak.” Manetualain, O maso'da losa dodoon-na,

MAZMUR 104:5

O pasak daebafak-ka no matea-mahelek neu buin lain, nalosa, neukose ta nanggengo losa dodoon-na

MAZMUR 107:41

Tehu, Ana soi-po'i hataholi nuu ta-hata tak-ka, neme susan-nala dalek mai, teidalen-nala, boetai lamaba'u, sama leo bi'ilopo bubuak-ka.

MAZMUR 24:2

Nakatetene daebafak-ka buin-na neu tasi maloaina lain, ma Ana fen napadeik natetu nai oe mademaina lain.

MAZMUR 75:3

Manetualain nafa'da nae, “Nai faik fo Au aketu basan so, neukose Au aketu-ala'di, tunga ndoos ma matetuk.

MAZMUR 75:4

Metema daebafak-ka, nanggengo no basa laun-na soona, Au nde tao atetea-ahehele diin-nala.”

MAZMUR 75:7

Nana naketu-nala'dik-ka, ta mai neme dulu do muli mai fa, boeo ta neme kii do kona mai fa.

YESAYA 22:23

Neukose Au fen nangatutuu matea-mahelek, sama leo ai papakuk-ka, nanapaku nahelek nai papala nanadamak-ka. Boema neukose, ana da'di kandela mandela-masa'ak ba'eneu teidalen-nala.

DANIAL 2:48

Basa boema ana fe Danial nangatutuu madema, ma ana fen bua-lo'a manahiik makadotok, ma ala so'un da'di nggobelnol Babel, boema ala fen da'di malangan mademaina neu basa manamanoli-mafa'dak manai uma manek-ka.

DANIAL 4:17

Ami fo ata nusa so'dak manamanea besa-besa, ma mahehele aom-ma, nakeketun-na nde ndia. Ami dale dodoom-ma nde, fo ela basa hataholi su'di nai bee boe, ana manaku nae Manetualain Fo Mademaina nanuu koasa neu hataholi daebafak-ka nusan-na, ma Ana fe nusak ndia su'di neu see fo Ana helen, nakalenak neu hataholi fo leomae sosoa-ndandaan ta boe!’

DANIAL 6:3

Ana so'u Danial no nonoo ka dua-nala da'di manamanea neu gobelnol sila-la, fo sue kande ala boso tao lakatutu'dak manek-ka.

IBRANI 1:3

Ndia nde nangale'do Manetualain matua-mademan, fo mandela-masa'a ka; Ndia nde dulak fo mangale'dok neme Manetualain ao ina na mesa kana. Ndia boeo nde nakaboboi lalai no daebafak maloa ia matea-mahelen ninik dede'a-kokolan fo mana koasa matua ina na. Ana soi basa enok fe hataholi daebafa ka soaneu nanasoi-po'ik neme sala-singo nala mai boema, Ana nangatuuk kandela mana paleta nai nusa so'da ka sama-sama no Manetualain fo Mana koasa ma madema ina.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

NINITAK 1:6

boema nakadada'dik ita da'di leoina hehelik fo talalau-taoono Manetualain fo Ama na sama leo imam-imam. Yesus Kristus ndia matua-madema ma manakoasa losa dodo na. Amin!

NINITAK 22:5

Neukose ala ta paluu banuk do le'do haa na fa, nana le'odaek ta so, ma Amak Manetualain mesa kana nde nasala nalas. Neukose ala paleta da'dileo mane ka losa dodoo na.

NINITAK 3:21

Sila fo manasengi kala, neukose Au fes loak langatuuk leu Au kandela mane nga sama-sama lo Au, sama leo Au boeo sengi so, de besak ia Au angatuuk sama-sama o Au Amang nai kandela manen lain.

NINITAK 5:10

O taos da'di leoina esa hehelik fo lalalau-laoono ita Manetualain ma ala paleta nai daebafa ka.”

SEMUEL SUSULAK-KA ESAN-NA 15:17

Semuel nafa'da nae, “Ade, Ama Manek ta nde da'di mauli-malangan neu leo-leo Israel-la, leomae Ama Manek mafa'da mae Ama Manek ta kandaak fa. Manetualain hele basa Ama Manek da'di manek neu Israel so,